Деҳқонони ноҳияи Кӯшониён дар парвариши лимӯ таҷрибаи бой доранд

Декабрь 15, 2023 11:22

ДУШАНБЕ, 15.12.2023. /АМИТ «Ховар»/. Соли 2022 дар ноҳияи Кӯшониён 263,6 тонна лимӯ ҷамъоварӣ шудааст, ки аз он дар бахши ҷамъиятӣ аз 9,0 гектар — 133 тонна ва аз 30,6 гектари аҳолӣ 130,6 тонна ҳосил рӯёнда шудааст. Ҳосилнокии лимӯ аз 1 гектар 66,5 сентнериро ташкил медиҳад, хабар медиҳад АМИТ «Ховар» бо истинод ба Мақомоти иҷроияи ҳокимияти давлатии ноҳияи мазкур.

Бояд гуфт, ки дар ноҳияи Кӯшониён дар ҳамаи бахшҳои хоҷагидорӣ дар майдони 48 гектар гармхонаҳои лимӯпарварӣ мавҷуд аст, ки аз он 39,6 гектар ҳосилдиҳанда мебошад.

Деҳқонони ноҳия дар парвариши лимӯ таҷрибаи бой дошта, аз ҳисоби фурӯши мева ва ниҳоли он даромади хуби иқтисодӣ мебинанд.

Масалан, дар Кооперативи истеҳсолии «Сомон-Бохтар», ки роҳбариашро Маҳмадтолиб Ҷобирзода ба уҳда дорад, 10 гармхона бунёд шудааст. Сохтмони гармхона аз соли 2012 оғоз гардида, соли 2016 аз тарафи Президенти мамлакат зимни як сафари корӣ ба истифода дода шудааст. Баъди бунёди гармхона 6 сокини маҳаллӣ бо ҷойи кори доимӣ таъмин гардидаанд.

Тибқи иттилои Маҳмадтолиб Ҷобирзода, истеҳсоли лимӯ дар хоҷагӣ соли 2022 — 40 тоннаро ташкил дода, соли равон мақсад доранд ҷамъоварии онро ба 50 тонна расонанд.

«Маҳсулоти истеҳсолшударо мо дар дохили мамлакат ба фурӯш бароварда, онро ба Федератсияи Русия низ содирот менамоем. Даромади хоҷагӣ аз ҳисоби гармхона аз 300 то 400 ҳазор сомониро ташкил медиҳад», — мегӯяд ӯ.

Муассиси хоҷагӣ ба нақша гирифтааст, ки дар 3,0 гектар гармхонаҳои доимоамалкунанда бунёд намуда, аз ҷумла дар майдони 2,0 гектар лимӯ парвариш намояд ва дар майдони 1,0 гектар сабзавоти барвақти кишт намояд.

АКС: Хадамоти матбуоти Президенти Ҷумҳурии Тоҷикистон/АМИТ «Ховар»

Декабрь 15, 2023 11:22

Хабарҳои дигари ин бахш

Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст