«MARCATO». Дар ин озмуни байналмилалӣ донишҷӯёни Консерваторияи миллии Тоҷикистон сазовори ҷойҳои намоён шуданд
ДУШАНБЕ, 25.12.2023 /АМИТ «Ховар»/. Дар шаҳри Қазони Федератсияи Русия озмуни байналмилалии иҷрокунандагони созҳои нафасӣ ва зарбӣ «MARCATO» баргузор гардид, ки дар он донишҷӯёни шуъбаи созҳои оркестрии Консерваторияи миллии Тоҷикистон ба номи Талабхӯҷа Сатторов бо роҳбарии омӯзгори кафедра Далер Раҷабов иштирок намуда, сазовори ҷойҳои намоён гардиданд.
Дар номинатсияи созҳои нафасӣ аз синни 16 то 19 намояндаи Тоҷикистон Савсан Сафдаршоева бо дипломи лаурети дараҷаи I сарфароз гардид.
Инчунин дар номинатсияи ансамблҳои донишҷӯёни муассисаҳои олии касбӣ квинтети кларнетнавозон бо роҳбарии Далер Раҷабов иштирок намуд, ки онҳо низ сазовори дипломи дараҷаи I гардиданд.
Барои касбияти баланд, хизматҳои шоён ва саҳми беандоза дар рушди фарҳанг ва санъат омӯзгор Далер Раҷабов ва консертмейстер Фируза Комил аз ҷониби Кумитаи тадорукоти озмун бо сипосномаҳо қадрдонӣ шуданд.
Бояд гуфт, ки дар муваффақияти донишҷӯён саҳми устодони онҳо назаррас аст, чунки маҳз ба туфайли заҳмати чунин устодони асил ҷавонони соҳибистеъдод ба муваффақиятҳои калон ноил мегарданд.
АКС: Консерваторияи миллии Тоҷикистон ба номи Талабхӯҷа Сатторов
«ТОҶИКОНА МЕПӮШЕМ!». Занону духтарони Осорхонаи миллӣ аз пӯшидани либоси миллӣ ифтихор менамоянд
Ҷашни Наврӯз дар ноҳияи Мурғоб бо расму ойинҳои хос таҷлил карда шуд
Кормандони Осорхонаи миллии Тоҷикистон Наврӯзи байналмилалиро сарҷамъона таҷлил намуданд
Дар Палатаи ҳисоби Ҷумҳурии Тоҷикистон Ҷашни байналмилалии Наврӯз таҷлил гардид
Дар Донишгоҳи давлатии Хуҷанд даври якуми Озмуни ҷумҳуриявии «Шоҳномахонӣ» баргузор гардид
СОЛИ ОБОДОНИЮ СОЗАНДАГӢ. Дар ҳудуди ёдгориҳои таърихии Тоҷикистон беш аз 7 ҳазор бех ниҳол шинонида шуд
Дар Театри давлатии опера ва балети пойтахт намоиш-фурӯши китоб оғоз шуд
Дар Хатлон Фестивали ҷумҳуриявии «Ҳафтаи китоби кӯдакону наврасон» баргузор гардид
«ФУРӮҒИ МАЪРИФАТ». Дар Душанбе Фестивали ҷумҳуриявии «Ҳафтаи китоби кӯдакону наврасони Тоҷикистон» оғоз шуд
Ҳамкории илмии Институти астрофизикаи Тоҷикистон ва Институти астрономияи Узбекистон густариш меёбад
Пагоҳ дар Душанбе Фестивали ҷумҳуриявии «Ҳафтаи китоби кӯдакону наврасони Тоҷикистон» оғоз мегардад
Наврӯзи байналмилалиро дар Академияи миллии илмҳо бо риояи суннату анъанаҳои миллӣ таҷлил намуданд
