Пешрафт ва мушкилот ҷиҳати ноил шудан ба Саҳми дар сатҳи миллӣ муайяншуда дар Осиё дар павилиони Тоҷикистон дар COP28 баррасӣ гардид
ДУШАНБЕ, 12.12.2023 /АМИТ «Ховар»/. «Пешрафт ва мушкилот ҷиҳати ноил шудан ба Саҳми дар сатҳи миллӣ муайяншуда дар Осиё» — таҳти чунин унвон дар Павилиони Тоҷикистон дар COP28 дар шаҳри Дубай чорабинии канорӣ баргузор гардид, хабар медиҳад АМИТ «Ховар» бо истинод ба Кумитаи ҳифзи муҳити зисти назди Ҳукумати Ҷумҳурии Тоҷикистон.
Чорабинӣ, ки аз ҷониби Кумитаи ҳифзи муҳити зисти назди Ҳукумати Ҷумҳурии Тоҷикистон дар ҳамкорӣ бо NDC Partnership ташкил шуд, ба талошҳо ва мушкилоте, ки дар давлатҳои Осиё дар татбиқи Саҳми дар сатҳи миллӣ муайяншуда ба миён меоянд, нигаронида шуд.
Баромадкунандагон аз Тоҷикистон, Бутан, Непал ва Шри-Ланка дар бораи пешрафти давлатҳояшон дар татбиқи Саҳми дар сатҳи миллӣ муайяншуда маълумоти муфассал доданд. Ҳамчунин дурнамои шарҳи амалҳое, ки барои мубориза бо тағйирёбии иқлим дар қисматҳои гуногуни Осиё андешида мешаванд, пешниҳод гардид.
Дар чорабинӣ намояндагони шарикони байналмилалӣ, аз ҷумла Бонки Осиёии Рушд (БОР) ва дигар донорҳо иштирок доштанд. Дастгирӣ ва таҷрибаи онҳо аҳамияти ҳамкории байналмилалиро дар ҳалли мушкилоти иқлим ва кумак ба давлатҳои Осиё дар татбиқи Саҳми дар сатҳи миллӣ муайяншуда инъикос менамояд.
Иштирокдорон дар бораи пешрафтҳое, ки дар кишварҳояшон дар Саҳми дар сатҳи миллӣ муайяншуда ба даст омадаанд, сухан намуда, равишҳои навоварона ва таҷрибаи пешқадамро намоиш доданд. Онҳо инчунин захираҳои маҳдуди молиявӣ, камбудиҳои технологӣ ва маҳдудияти иқтидорро ошкоро муҳокима намуданд. Мубодилаи дониш ва таҷриба байни иштирокдорон ба муайян намудани роҳҳои ҳалли эҳтимолӣ ва самтҳои ҳамкорӣ мусоидат намуд.
Тоҷикистон бо ташкили ин чорабинӣ пешсафӣ ва устувории худро дар ҳалли масъалаҳои тағйирёбии иқлим ва суръат бахшидан ба татбиқи Саҳми дар сатҳи миллӣ муайяншуда нишон дод.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Сарвари давлат бори дигар шаҳрвандонро даъват намуданд, ки заминҳоро самаранок истифода намоянд
Ҳайати Тоҷикистон дар аввалин таҷлили Рӯзи ҷаҳонии ҳифзи пиряхҳо дар қароргоҳи ЮНЕСКО дар Париж иштирок намуд
Дар Кумитаи рушди сайёҳӣ барои сайёҳони хориҷӣ телефони боварӣ ташкил гардид
Ба муносибати ҷашни Наврӯз дар «Саноатсодиротбонк» ҷаласаи тантанавӣ баргузор шуд
Ҳамкории ниҳодҳои олии аудити Тоҷикистон ва Арабистони Саудӣ баррасӣ гардид
Дар Душанбе вобаста ба беҳтар намудани сатҳу сифати хизматрасонии алоқаи барқӣ брифинг доир шуд
Дар Бонки миллии Тоҷикистон ҷашни Наврӯз бошукуҳ таҷлил гардид
Марҳилаи муҳими татбиқи Лоиҳаи «Барномаи рушди фарогири деҳот» дар Тоҷикистон ба анҷом расид
Ҷаласаи якуми Гурӯҳи кории байнидоравӣ оид ба таҳияи Нақшаи амали Стратегияи рушди иқтисоди «сабз» доир шуд
Байни БАТР ва ҶСК «Шабакаҳои интиқоли барқ» Созишномаи грантӣ ба маблағи 2 миллион евро ба имзо расид
Русия дар самти баланд бардоштани сатҳи саводнокии молиявии аҳолӣ бо Тоҷикистон ҳамкорӣ менамояд
Дурнамои нишондиҳандаҳои асосии рушди иҷтимоию иқтисодии вилоятҳои Бадахшон ва Хатлон баррасӣ гардид
