Дар Академияи миллии илмҳои Тоҷикистон фаъолияти докторантони Ph.D мавриди баррасӣ қарор гирифт

Январь 18, 2024 10:45

ДУШАНБЕ, 18.01.2024 /АМИТ «Ховар»/. Бо мақсади  ташкили дурусти  низоми таълиму тарбияи докторантони Ph.D президенти Академияи миллии илмҳои Тоҷикистон Қобилҷон Хушвахтзода  бо докторантони Ph.D ва роҳбарони илмии онҳо вохӯрӣ намуд. Дар ин хусус АМИТ «Ховар» бо истинод ба Академияи миллии илмҳо иттилоъ медиҳад.

Президенти Академия дар робита ба нуктаҳои Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» ва татбиқи талаботи якчанд санади меъёрию ҳуқуқӣ дар самти илму таълим ва тарбияи ватандӯстӣ сухан намуда, саҳми муҳаққиқонро дар татбиқи дастуру супоришҳои Президенти мамлакат муҳим арзёбӣ намуд.

Дар вохӯрӣ масъалаҳои низоми таҳсил, иҷрои дастуру супоришҳои роҳбарияти академия ва институтҳои соҳавӣ, сари вақт анҷом додани корҳои илмӣ, ҳамзамон такмил додани донишҳои ҳуқуқию сиёсӣ, ҳисси ватандӯстӣ ва амсоли ин баррасӣ шуданд.

Дар мулоқот масъалаҳои интизоми меҳнат аз ҷониби докторантон, мавҷуд будани нақшаи таълимӣ, барномаҳои таълимӣ, матни лексия, нақшаи инфиродии докторант, ҳамчунин ҷадвалҳои дарсии докторантони курси 1-ум, навиштани мақолаҳои илмӣ, сари вақт  ҳимоя намудани рисолаҳои илмӣ, иштирок дар конфронсҳои ҷумҳуриявӣ, байналмилалӣ ва пешниҳоди ҳисоботи мукаммал, иштирок дар озмунҳои ҷумҳуриявӣ, аз қабили  «Фурӯғи субҳи доноӣ китоб аст», «Илм — фурӯғи маърифат» ва  озмунҳои байналмилалию олимпиадаҳо баррасӣ шуданд.

Инчунин пешбурди корҳои идеологӣ тариқи шабакаҳои иҷтимоӣ ва воситаҳои ахбори омма,  табодули таҷриба дар доираи ҳамкории Академия, навиштани лоиҳаҳои инноватсионӣ, илмӣ, ихтироъкорӣ, дарёфти грантҳо, васеъ намудани фаъолияти озмоишгоҳҳои таълимӣ, илмӣ-таҳқиқотӣ ва истеҳсолӣ, омӯзиши забонҳои хориҷӣ, аз қабили русию англисӣ дар партави дастуру супоришҳои Пешвои миллат мавриди таваҷҷуҳ қарор гирифтанд.

АКС: Академияи миллии илмҳои Тоҷикистон

Январь 18, 2024 10:45

Хабарҳои дигари ин бахш

Барои мукофотонидани ғолибони Озмуни ҷумҳуриявии «Шоҳномахонӣ» 2 миллиону 660 ҳазор сомонӣ ҷудо карда мешавад
ТУҲФАИ АРЗАНДАИ ПРЕЗИДЕНТИ ТОҶИКИСТОН. Ба беш аз 57 ҳазор оилаи шаҳри Ваҳдат «Шоҳнома» тақдим мегардад
ИЛМ ДАР БАЛАНДИИ ЗИЁДА АЗ 5000 МЕТР. Дар калонтарин пиряхи Тоҷикистон — Ванҷях таҳқиқоти илмӣ гузаронида шуд
Академияи миллии илмҳои Тоҷикистон бо Донишгоҳи давлатии омӯзгории Шинҷони Чин ҳамкориро тақвият медиҳад
Ёдгориҳои нодири тамаддуни тоҷикон дар Осорхонаи миллии Чин ба намоиш гузошта шуданд
Аз ҷониби нашриёти «Адиб» чор китоб ба нашр расид
Туҳфаи арзишманди Пешвои миллат — китоби «Шоҳнома» ба ноҳияи Файзобод расид
Байни консерваторияҳои Тоҷикистон ва Чин Ёддошти тафоҳум ба имзо расид
Намояндагони Шурои байналмилалии ҳунармандӣ бо намунаҳои сӯзании Панҷакент шинос шуданд
Сокинони шаҳри Роғун соҳиби туҳфаи Президенти Тоҷикистон — «Шоҳнома»-и Абулқосим Фирдавсӣ гардиданд
«АНДАЛЕБ-2025». Дар Панҷакент даври шаҳрии фестивал- озмуни ҷумҳуриявии телевизионӣ доир шуд
Намояндаи Тоҷикистон дар ҳамоиши тарғибгарони илм дар Чин иштирок намуд