Ба сарбозони фаъоли қисми ҳарбии Кумитаи ҳолатҳои фавқулода ва мудофиаи гражданӣ дар Суғд рутбаҳои нави ҳарбӣ дода шуд

Февраль 24, 2024 15:51

ДУШАНБЕ, 24.02.2024 /АМИТ «Ховар»/. Дар  яке аз қисмҳои ҳарбии  Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон дар вилояти Суғд ба муносибати 31-солагии таъсиси Қувваҳои Мусаллаҳи Ҷумҳурии Тоҷикистон ҳамоиши идона баргузор гардид, ки дар он Раиси шаҳри Гулистон Раъно Ҳошимзода сарбозону афсаронро табрик намуд. Дар ин хусус АМИТ «Ховар» бо истинод ба Мақомоти иҷрояи ҳокимияти давлатии шаҳри Гулистон хабар медиҳад.

Иброз гардид, ки Ҳукумати мамлакат аз рӯзҳои нахустини ташкили Қувваҳои Мусаллаҳ тамоми имкониятро ба ҳалли масъалаҳои бунёди инфрасохтор, таъсиси ҷузъу томҳои махсусгардонида, таъминоти онҳо бо техникаву таҷҳизот ва фароҳам овардани шароити зарурии хизмат ва зиндагӣ барои ҳайати шахсӣ равон намуд.

Ҳайати шахсии Қувваҳои Мусаллаҳ дар солҳои душвори мухолифати дохилӣ ва ҷанги таҳмилии шаҳрвандӣ қарзи фарзандӣ ва вазифаи хизматиро бо садоқат ба халқу Ватан иҷро намуда, дар роҳи барқарорсозии сохти конститутсионӣ, ба эътидол овардани вазъият, безарар гардонидани гурӯҳҳои экстремистиву террористӣ ва дигар унсурҳои ҷинояткор, яъне таъмин намудани волоияти қонун ва сулҳу субот дар мамлакат саҳми воқеан таърихӣ гузошт. Маҳз туфайли ғамхории пайвастаи Пешвои миллат, Сарфармондеҳи Олии Қувваҳои Мусаллаҳ муҳтарам Эмомалӣ Раҳмон имрӯз Артиши миллӣ ба қувва ва сипари боэътимоди муҳофизаткунанда табдил ёфтааст.

Бояд гуфт, ки Мақомоти иҷроияи ҳокимияти давлатии шаҳри Гулистон мунтазам ҷиҳати дастгирии моддии қисмҳои ҳарбӣ кӯшиш намуда, дар остонаи иду ҷашнҳо ба қисмҳои ҳарбӣ кумак мерасонад.

Дар чорабинии тантанавӣ дар вазъи тантанавӣ ба сарбозони фаъол рутбаҳои нави ҳарбӣ дода шуда, ҳамчунин сабозон бо туҳфаҳо ҳавасманд гардонида шуданд.

АКС: Мақомоти иҷрояи ҳокимияти давлатии шаҳри Гулистон

Февраль 24, 2024 15:51

Хабарҳои дигари ин бахш

Дар ноҳияи Дарвоз истеҳсоли картошка 3 баробар, сабзавот 5 ва мева 9 баробар афзоиш ёфтааст
РАҚАМИКУНОНӢ. Маркази тамос барои хизматрасонӣ ба нафақагирон тавассути рақами кутоҳи 3900 фаъол гардид
ТАҒЙИРЁБИИ ИҚЛИМ. Чӣ гуна худ ва атрофиёнро аз чангу ғубор муҳофизат намоем?
МАСЛИҲАТИ МУТАХАССИС. Барои фоиданокӣ қаламфури булғориро бе коркард, дар шакли тару тоза истифода баред
Дар шаҳри Бӯстон сохтмони корхонаи муосири забҳи парранда идома дорад
Имрӯз дар Тоҷикистон чангу ғубор ба амал меояд
Бо гузашти 28 сол аҳамияти Ваҳдати миллӣ дар рушди иқтисодии Тоҷикистон бештар эҳсос мешавад
Фаъолияти иҷтимоӣ ва фарҳангӣ яке аз воситаҳои муассири таҳкими ваҳдати миллӣ мебошад
Муовини Раиси ноҳияи Данғара Зуҳро Ҳакимзода: «Мардум ба Пешвои миллат боварӣ ва эътимод дорад»
Тоҷикистон дар партави ваҳдати миллӣ ба сӯи шукуфоии нав қадам мегузорад
ВАҲДАТИ МИЛЛӢ — ПОЯИ ҲАСТИИ ДАВЛАТ ВА НЕРУИ СОЗАНДАИ МИЛЛАТ. Мулоҳизаҳои ректори Донишгоҳи давлатии Кӯлоб
Имрӯз дар Тоҷикистон ҳаво то 37 дараҷа гарм мешавад