Барои риоя накардани талаботи Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон» 35 парвандаи ҳуқуқвайронкунии маъмурӣ тартиб дода шуд
ДУШАНБЕ, 07.02.2024. /АМИТ «Ховар»/. Кумитаи забон ва истилоҳоти назди Ҳукумати Ҷумҳурии Тоҷикистон бо мақсади назорат ва муайян намудани мутобиқати забони давлатӣ эълону рекламаи 456 лоиҳаи ангораҳои соҳибкорон, ташкилоту муассисаҳои рекламаистеҳсолкунандаро дар ҳамкорӣ бо Муассисаи давлатии «Рекламаи берунӣ ва ороиши шаҳри Душанбе» мавриди омӯзиш ва баррасӣ қарор дода, онҳоро ба талаботи Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон» мутобиқ намуд.
Бо вуҷуди ин имрӯзҳо мушоҳида мешавад, ки дар кӯчаву хиёбонҳо шиору овезаҳои зиёде насб мешаванд, ки бисёре аз онҳо ғалат навишта шудаанд ё ба талаботу қоидаҳои имлои забони тоҷикӣ ҷавобгӯ нестанд.
«Ин нишонаи он аст, ки маърифати ҳуқуқии баъзе шаҳрвандону соҳибкорон дар сатҳи зарурӣ қарор надорад. Аз ин лиҳоз онҳо меъёрҳои Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон»-ро риоя наменамоянд»,- гуфта шуд дар нишасти матбуотӣ.
Ҳамзамон таъкид шуд, ки эълону рекламаҳое ҳастанд, ки дар кӯчаву хиёбонҳо бо забони ғайр нашр мешаванд ва ин зиёдаравӣ аз ҷониби соҳибкорон аст. Ҳамзамон номҳое ҳастанд, ки онҳо тамғаи байналмилалӣ мебошанд. Новобаста аз ин дар ҳамкорӣ бо Кумита ва соҳибкорон номи бисёре аз ин тамғаҳои байналмилалӣ бо се забон гузошта шудааст.
Гуфта шуд, ки соли 2023 Кумита дар ҳамкорӣ бо мақомоти прокуратура назорати татбиқи Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон»-ро амалӣ намуда, нисбат ба ташкилоту муассисаҳо, марказҳои хизматрасонӣ ва нуқтаҳои савдо огоҳӣ ва санади ҳуқуқвайронкунии маъмурӣ тартиб дода, барои чораҷӯӣ ба мақомоти суд пешниҳод намуд. Дар асоси маълумоти пешниҳоднамудаи Суди Олии Ҷумҳурии Тоҷикистон аз 19 январи соли 2024, соли 2023 аз ҷониби судҳои ҷумҳурӣ вобаста ба риоя нагирдидани талаботи Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон» 35 парвандаи ҳуқуқвайронкунии маъмурӣ баррасӣ шуда, нисбат ба шахсони ҳуқуқвайронкунанда ба андозаи 30 ҳазору 684 сомонӣ ҷарима таъйин гардид. Аз ин маблағ 26 ҳазору 604 сомонӣ ба фоидаи давлат рӯёнида шудааст.
Зарангези ЛАТИФ,
АМИТ «Ховар»
АКС: АМИТ «Ховар»
Ду озмоишгоҳи Институти химияи Академияи миллии илмҳои Тоҷикистон бо технологияи муосир муҷаҳҳаз карда шуд
Рӯзҳои фарҳанги Ҷумҳурии Тоҷикистон дар Федератсияи Русия идома доранд
Ёдгориҳои ёфтшуда аз шаҳристони Ҳулбук арзиши баланди илмӣ дошта, дар байни таҳқиқоти солҳои охир беназир маҳсуб мешаванд
«Шоҳнома»-и Фирдавсӣ бояд машъалафрӯзи ҳар хонадони тоҷик бошад ва анъанаи неки шоҳномасароӣ барқарор шавад
Вобаста ба таъсири зеҳни сунъӣ ба ҳастии инсоният конференсияи ҷумҳуриявӣ баргузор шуд
«ШОҲНОМА — ОРМОНИ МИЛЛӢ». Он мактаби худшиносӣ ва парчами ифтихори миллии мо аст
Ҳамкории Академияи миллии илмҳои Тоҷикистон бо Маркази пажӯҳишӣ ва машваратии TRENDS густариш меёбад
Иштирокдорони Конфронси байналмилалии сатҳи баланд оид ба ҳифзи пиряхҳо аз Чин бо яке аз маконҳои таърихии Тоҷикистон шинос шуданд
Қобилҷон Хушвахтзода: «Ташаббусҳои Пешвои миллат оид ба масоили об дар ҳалли масъалаҳои истифодаи оқилонаи захираҳои обии сайёра нақши муҳим доранд»
Намоиши ёдгориҳои таърихии Ҷумҳурии Тоҷикистон дар Ҷумҳурии Мардумии Чин баргузор мегардад
Муовини Сарвазири Тоҷикистон Дилрабо Мансурӣ бо ёрдамчии Дабири кулли ЮНЕСКО Лидия Артур Брито мулоқот намуд
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Обшавии босуръати пиряхҳо дар Арктика ва Антарктида боиси ноустувории қабатҳои ях мегардад
