Беш аз 165 ҳазор субъектҳои хоҷагидор эъломияҳои худро тариқи электронӣ пешниҳод менамоянд

Февраль 17, 2024 18:00

ДУШАНБЕ,17.02.2024. /АМИТ «Ховар»/. Дар айни замон дар Тоҷикистон беш аз 165 ҳазор субъектҳои хоҷагидор эъломияҳои худро тариқи электронӣ пешниҳод намуда истодаанд, ки 67,2 фоизи шумораи умумии субъектҳои ҳисоботдиҳандаро ташкил медиҳад. Дар ин хусус 15 феврал дар нишасти матбуотии Кумитаи андози назди Ҳукумати Ҷумҳурии Тоҷикистон иттилоъ дода шуд.

Таъкид гардид, ки мақомоти андоз бо мақсади таъмини рақамикунонии соҳа ва дар ин замина содда ва шаффоф гардонидани низоми андозбандӣ ва ҷараёни андозсупорӣ аз имкониятҳои техникии дохилиидоравӣ бештар истифода намуда, барои давра ба давра васеъ намудани хизматрасониҳои давлатӣ дар шакли электронӣ, амалӣ намудани Консепсияи ташаккули ҳукумати электронӣ ва гузариш ба иқтисоди рақамӣ пайваста тадбирҳои зарурӣ меандешад.

Гуфта шуд, ки соли гузашта ба раванди гузариш ба тартиби пешниҳоди электронии эъломияҳо тақвият бахшида шуда, шумораи андозсупорандагоне, ки эъломияҳои худро ба тариқи электронӣ пешниҳод менамоянд, 10 ҳазор зиёд гардид.

Инчунин дар ин давра мақомоти андоз шакли таҷдидшудаи барномаи компютерии Низоми муттаҳидаи иттилоотии идоракунии андозро ба истифода дод, ки аз 50 модулҳои алоҳидаи компютерӣ иборат буда, тавассути ин модулҳо дар айни замон барои андозсупорандагону шаҳрвандон 80 намуди хизматрасониҳои давлатӣ дар шакли электронӣ пешниҳод гардида истодааст.

Ташкили чунин хизматрасониҳо барои содаю қулай намудани иҷрои уҳдадориҳои андозии субъектҳои хоҷагидор ва коҳиш додани таъсири омилҳои инсонӣ мусоидат менамояд.Ҷиҳати рақамикунонии мақомот ва ташкили ҳамкорӣ дар сатҳи замонавӣ, солҳои охир байни Вазорати молия, Хадамоти гумрук, Бонки миллӣ, «Амонатбонк», Кумитаи давлатии идораи замин ва геодезӣ, Агентиҳои омор ва хариди давлатии мол, кор ва хизматрасонӣ, Раёсати бозрасии давлатии автомобилӣ ва мақомоти дигари давлатӣ созишнома ба имзо расонида шуда, бо назардошти ташкили махзанҳои маълумот ва имкониятҳои техникии вазорату идораҳо мубодилаи маълумот дар шакли электронӣ ба роҳ монда шудаанд.

Марзия САИДЗОДА,
АМИТ «Ховар»

АКС: АМИТ «Ховар»

Февраль 17, 2024 18:00

Хабарҳои дигари ин бахш

Ҳиссаи хоҷагиҳои ҷамъиятӣ дар ҳаҷми умумии маҳсулоти кишоварзӣ бештар гардидааст
Дар ноҳияи Муъминобод кишти зироати кишоварзӣ идома дорад
НАҚЛИЁТИ БАРҚӢ. Тоҷикистон ба мавҷи аккумуляторҳои истифодашудаи онҳо чӣ гуна омодагӣ мебинад?
Муовини якуми Сарвазири Ҷумҳурии Тоҷикистон бо Президенти Гурӯҳи Бонки ҷаҳонӣ мулоқот намуд
Тоҷикистон дар самти моликияти зеҳнӣ дар даврони соҳибистиқлолӣ ба 39 созишномаю конвенсияҳои байналмилалӣ ҳамроҳ шуд
Бахшида ба Рӯзи байналмилалии моликияти зеҳнӣ як зумра ихтироъкорони Тоҷикистон қадрдонӣ карда шуданд
Дар Тоҷикистон шумораи субъектҳои хоҷагидорӣ 5,1 фоиз зиёд гардидааст
Ҳайати Тоҷикистон дар Малайзия бо дастовардҳо дар самти татбиқи Ҳадафҳои Рушди Устувор шинос гардид
Байни Тоҷикистон ва Русия дар соҳаи энергетика Протоколи муҳим ба имзо расид
Дар Душанбе доир ба масъалаи равишҳои инноватсионӣ дар соҳаи тиб ҳамоиш доир шуд
Сарвазири Тоҷикистон Қоҳир Расулзода бо Раиси Ҳукумати Федератсияи Русия Михаил Мишустин мулоқот намуд
Раванди панҷ ҳуҷҷати банақшагирии стратегӣ дар ҷаласаи навбатии Гурӯҳи кории байниидоравӣ баррасӣ шуд