Дар Кумитаи ҳолатҳои фавқулода ва мудофиаи граждании Тоҷикистон бо намояндагони якчанд ниҳоди хориҷӣ мулоқот доир шуд
ДУШАНБЕ, 28.02.2024 /АМИТ «Ховар»/. Дар Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон бо ташаббуси Бонки ҷаҳонӣ вохӯрии раиси Кумита Рустам Назарзода ва ҳайати Бонки ҷаҳонӣ таҳти роҳбарии Ҳенрике Брехт, мутахассиси аршад оид ба идоракунии хавфҳои офатҳои табиӣ дар Бонки ҷаҳонӣ баргузор гардид. Дар ин хусус АМИТ «Ховар» бо истинод ба ин кумита хабар медиҳад.
Дар вохӯрӣ ҳамчунин ҳайати Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон иштирок намуд.
Дар мулоқот масъалаҳои фаъолияти минбаъдаи Бонки ҷаҳонӣ дар доираи лоиҳаи муштарак бо ин кумита ва Агентии обуҳавошиносии мамлакат мавриди баррасӣ қарор гирифт.
Ҳадафи аслии ин дидор баррасии иҷрои рисолати омодасозии марҳилаи дуюми Лоиҳаи таҷдиди хадамоти обуҳавошиносӣ дар Осиёи Марказӣ буд. Илова бар ин, масъалаҳои ташкили тамринҳо, давраҳои омӯзишӣ ва машваратҳо барои кормандони Кумита ва Агентии обуҳавошиносӣ баррасӣ шуданд.
Ҳенрике Брехт иброз дошт, ки Кумита дар самти пешгирӣ ва рафъи оқибатҳои офатҳои табиӣ корҳои муассир анҷом додааст. Мавсуф оид ба рушди минбаъдаи ҳамкории Бонки ҷаҳонӣ ва Кумитаи ҳолатҳои фавқулода ва мудофиаи граждании Тоҷикистон изҳори боварӣ намуд.
Дар вохӯрӣ ҷонибҳо оид ба дурнамои ҳамкории минбаъда табодули афкор ва масъалаҳои мавриди таваҷҷуҳи тарафайнро баррасӣ карданд.
Ҳамзамон Раиси Кумитаи ҳолатҳои фавқулода ва мудофиаи гражданӣ Рустам Назарзода бо Сафири навтаъйини Фавқулода ва Мухтори Ҷумҳурии Федеративии Олмон дар Ҷумҳурии Тоҷикистон Йорк Шуграф вохӯрӣ намуд.
Дар мулоқот ҷонибҳо масъалаҳои ҳамкорӣ дар самти коҳиши хатари офатҳои табиӣ, инчунин имкони оғози лоиҳаҳои муштарак, омодасозӣ ва бозомӯзии мутахассисонро баррасӣ намуданд.
Инчунин мулоқоти Рустам Назарзода бо ҳайати намояндагони ТОО «Еврокоптер Казахстан инжиниринг» – и Ҷумҳурии Қазоқистон бо сарварии директори тиҷоратии он Аскар Аринов баргузор шуд.
Дар мулоқот Раиси Кумитаи ҳолатҳои фавқулода ва мудофиаи граждании Тоҷикистон иброз дошт, ки Ҷумҳурии Қазоқистон барои Тоҷикистон дар ҳамаи соҳаҳо, бахусус дар рушди муваффақонаи ҳамкорӣ дар самти пешгирӣ ва бартарафсозии пайомадҳои ҳолатҳои фавқулода шарики боэътимод мебошад.
Аскар Аринов фаъолияти корхонаи ТОО «Еврокоптер Казахстан инжиниринг»-ро рӯнамоӣ намуд.
Аз ҷумла, гуфта шуд, ки ин корхона дар фурӯши чархболҳо, ҳамчунин омӯзиши кормандони техникӣ дар қаламрави Иттиҳоди Давлатҳои Мустақил ва Осиёи Марказӣ пешсаф аст.
АКС: Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон
Муовини Сарвазири Тоҷикистон Дилрабо Мансурӣ ба иштирокчиёни ҷанги солҳои 1941-1945 дар вилояти Суғд кумакҳои Пешвои миллатро тақдим намуд
Дар Хуҷанд оид ба нақши Пешвои миллат дар ташаккули худшиносии миллии ҷавонон конференсия доир шуд
Сарвазири Ҷумҳурии Тоҷикистон Қоҳир Расулзода ба ифтихори 79-солагии Рӯзи Ғалаба дар назди «Оташи ҷовидон» гулчанбар гузошт
«ОИЛАИ НАМУНАВӢ». Дар ноҳияи Ҷалолиддини Балхӣ даври вилоятии озмун баргузор шуд
«ДӮСТИ ПАЙВАНДИ ҶОНРО ГУМ МАКУН». Як гурӯҳ ҷавонони фаъоли Тоҷикистон тавассути «Қатораи ҷавонӣ» аз Душанбе ба шаҳри Турсунзода рафтанд
Ба иштирокчии ҷанг ва собиқадори меҳнати 104-сола Зайнулло Алиев кумакпулии яквақта расонида шуд
Корҳо барои рафъи оқибатҳои сел аз ҷониби комиссияҳои ҳолатҳои фавқулодаи шаҳру ноҳияҳои Тоҷикистон анҷом дода шуданд
СОЛИ МАЪРИФАТИ ҲУҚУҚӢ. Шуурнокии ҳуқуқии миллат муайянкунандаи дараҷаи рушди давлат ва таъмингари нуфузи он дар ҷаҳони муосир аст
Дар Душанбе ҷаласаи Шурои роҳбарони мақомоти муҳоҷирати давлатҳои иштирокдори ИДМ доир мешавад
ҲУШДОР! 10-12 май тағйирёбии вазъи ҳаво ва офатҳои табиии эҳтимолӣ дар назар аст
Ба иштирокчиён ва маъюбони ҷанги солҳои 1941-1945 кумакпулии яквақта расонида шуд
Дар минтақаи Кӯлоб оид ба ҳифзи арзишҳои миллӣ ва пешгирии хурофотпарастӣ ҷаласа доир гардид
