НИШАСТИ МАТБУОТӢ. Аз тарафи марказҳои таъминоти бехатарии озуқаворӣ ба шахсони воқеӣ ва ҳуқуқӣ 8490 аттестати байторию санитарии шароити истеҳсолӣ дода шудааст
ДУШАНБЕ, 03.02.2024 /АМИТ «Ховар»/. Соли 2023 дар ҷумҳурӣ 14 ҳолати барангезандаи бемории сухтанӣ, 3 бемории сиёҳрон, 34 ҳорӣ*, 5 брадзоти* гӯсфандон, 2 ҳодисаи пастерелёзи чорвои калони шохдор ва 1 нуқтаи пастерелёзи чорвои хурди шохдор ба қайд гирифта шуда, нуқтаҳои номусоиди бемориҳои сироятӣ зери назорати доимӣ қарор дошта, дар манбаъҳои номусоид, таҳдидкунанда ва дорои пайдоиши хавф сари вақт чорабиниҳои солимгардонӣ, эмгузаронии маҷбурии саршумори ҳайвонот ва корҳои безараргардонию маҳдудкунӣ гузаронида шудааст. Дар ин хусус зимни нишасти матбуотии Кумитаи бехатарии озуқавории назди Ҳукумати Ҷумҳурии Тоҷикистон, ки 31 январи соли равон доир гардид, иттилоъ дода шуд.
Дар ин давра бо мақсади баланд бардоштани маърифати санитарию беҳдоштии аҳолӣ аз ҳисоби мутахассисони корхонаҳои зертобеъ бо ҷалби мутахассисони Хадамоти назорати давлатии санитарию эпидемиологии Вазорати тандурустӣ ва ҳифзи иҷтимоии аҳолӣ гурӯҳҳои корӣ таъсис дода шуда, дар шаҳру ноҳияҳо бо аҳолӣ ва аҳли ҷамоатчигӣ зиёда аз 14 ҳазору 822 маротиба суҳбату вохӯриҳо гузаронида шуда, роҳҳои пешгирӣ ва мубориза бо бемориҳои зоонозӣ мавриди муҳокима қарор дода шудаанд. Инчунин маводҳои таблиғотӣ омода шуда, ҳамзамон якчанд барномаҳои телевизионӣ оид ба пешгирии бемории сӯхтанӣ ва таби хунин таҳия ва намоиш дода шуд.
Дар нишаст гуфта шуд, ки аз тарафи марказҳои таъминоти бехатарии озуқавории шаҳру ноҳияҳои ҷумҳурӣ дар соли 2023 ба иншооти нигоҳдорӣ, анборхонаҳо, сардхонаҳо, сехҳои коркарди маҳсулоти чорводорӣ, дўконҳои гӯштфурӯшӣ, нуқтаҳои забҳи чорво, ба шахсони воқеӣ ва ҳуқуқӣ 8490 аттестати байторию санитарии шароити истеҳсолӣ дода шудааст.
АКС: АМИТ «Ховар»
_____________
* Ҳорӣ — бемории сироятие мебошад, ки боиси иллати сахти системаи асабҳо, рагкашӣ, фалаҷ, инчунин ташаннуҷи мушакҳои гулӯ ва нафаскашӣ мегардад. Бо ин маризӣ одам ва ҳайвон гирифтор мешавад.
* Брадзот — як навъ касалии шадиди гузарандаи ҳайвонот аст, ки ба он асосан гӯсфандон (бештар гӯсфандони то 2-сола) гирифтор мешаванд.
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
Имрӯз дар Тоҷикистон сар задани селҳои пиряхӣ аз эҳтимол дур нест
