НИШАСТИ МАТБУОТӢ. Соли 2023 дар шаҳри Турсунзода 115 синфхонаи иловагӣ бо 2720 ҷойи нишаст бунёд гардид
ТУРСУНЗОДА, 09.02.2024 /АМИТ «Ховар»/. Соли 2023 дар назди 17 муассисаи таълимии шаҳри Турсунзода 115 синфхонаи иловагӣ барои 2720 хонанда дар як вақт сохта, ба истифода шуд. Ҳамчунин дар доираи тадбирҳо бахшида ба ҷашни 35-солагии Истиқлоли давлатии Ҷумҳурии Тоҷикистон бунёди 8 муассисаи томактабӣ барои 994 кӯдак ва сохтмони 222 синфхонаи иловагӣ дар заминаи 20 муассисаи таълимӣ, ки дорои 5394 ҷойи нишаст мебошад, идома дорад. Ин матлабро зимни нишасти матбуотӣ Раиси шаҳри Турсунзода Парвиз Акрамзода баён намуд.
Раиси шаҳри Турсунзода иброз намуд, ки «дар доираи ҷашни 35-солагии Истиқлоли давлатии Ҷумҳурии Тоҷикистон дар ҳамкорӣ бо соҳибкорон дар маркази шаҳр ва ҷамоатҳои шаҳраку деҳот 435 иншооти мухталиф бунёду барқарор мешавад. То имрӯз 187 иншоот ба маблағи 73,1 миллион сомонӣ, аз ҷумла 28 иншоот дар соҳаи маориф, 16 иншоот дар соҳаи тандурустӣ, 11 иншоот дар соҳаи варзиш, 2 иншооти хизматрасонии маишӣ, 10 коргоҳу корхонаи саноатӣ, 34 маркази хизматрасонию савдо ва 37 иншооти дигар ба истифода дода шуда, дар 33 мавзеъ бо масоҳати 68,2 км роҳҳо мумфаршу бетонпӯш шуданд, 5 пул, 6 сардхона, 2 гармхона сохта шуда, дар 3 мавзеъ хати оби нӯшокӣ кашида шудааст. Ҳоло дар 126 иншооти ҷашнӣ корҳо оғоз гардида, бо маром идома доранд».
Гуфта шуд, ки шаҳри Турсунзода яке аз шаҳрҳои саноатии ҷумҳурӣ ба шумор рафта, барои иҷрои ҳадафи чоруми стратегӣ, ки саноатикунонии босуръати мамлакат мебошад, тадбирҳои зарурӣ андешида мешаванд. Соли 2023 ҳаҷми истеҳсоли маҳсулоти саноатӣ 1 миллиарду 123 миллион сомониро ташкил дод, ки нисбат ба ҳамин давраи соли гузашта 104 миллион сомонӣ зиёд мебошад.
Дар шаҳр ба ҳолати 1 январи соли 2024 94 коргоҳу корхонаи саноатӣ фаъолият менамоянд, ки нисбат ба 1 январи соли 2023 29 корхона зиёд мебошад. Дар ин давра дар корхонаҳои саноатии шаҳр 96 намуд маҳсулоти саноатӣ истеҳсол гардид, ки нисбат ба соли 2022 10 намуд зиёд мебошад.
Субҳониддини МАҲМУД,
АМИТ «Ховар»
АКС: АМИТ «Ховар»
БАРДОШТ АЗ ПАЁМ. Дар Хуҷанд сохтмони бинои иловагии Муассисаи таҳсилоти миёнаи умумии №14 оғоз гардид
Дар Душанбе бо иштироки 1048 хонанда даври шаҳрии олимпиадаи фаннӣ оғоз гардид
РУШДИ ИЛМУ МАОРИФ. Дар Донишгоҳи давлатии Хуҷанд конференсияи илмӣ-амалӣ баргузор шуд
Дар панҷ соли оянда дар ҳар маҳалли аҳолинишин, ки 100 оила зиндагӣ мекунад, бояд як муассисаи томактабӣ бунёд карда шавад
ПАЁМ-РОҲНАМОИ ИМРӮЗУ ФАРДОИ ДУРАХШОН. Дар Донишгоҳи миллии Тоҷикистон ҳамоиши илмӣ-назариявӣ баргузор гардид
Президенти Тоҷикистон: «Фарҳанги миллӣ, ки заиф шуд, ҷояшро фарҳанги бегона пур мекунад»
ПАЁМИ ПРЕЗИДЕНТ-РОҲНАМОИ ИМРӮЗУ ФАРДО. Оид ба он дар Донишгоҳи давлатии Кӯлоб ҳамоиш доир гардид
35-СОЛАГИИ ИСТИҚЛОЛИ ДАВЛАТӢ. Дар Ҷамоати шаҳраки Шарораи шаҳри Ҳисор мактаби нав бунёд мегардад
Дар ноҳияи Айнӣ сохтмони бинои кӯдакистон оғоз гардид
Кӯдакистонҳои ноҳияи Мастчоҳ бо таҷҳизоти зарурӣ таъмин гардиданд
35-СОЛАГИИ ИСТИҚЛОЛИ ДАВЛАТӢ. Дар маҳаллаи 8-уми шаҳри Ҳисор Мактаби хусусии байналмилалӣ бунёд карда мешавад
