НИШАСТИ МАТБУОТӢ. Тоҷикистон соли 2023 маҳсулоти саноати хӯрокворӣ, аз ҷумла меваи хушк, намак, консерваи меваю сабзавот содирот намудааст
ДУШАНБЕ, 09.02.2024 /АМИТ «Ховар»/. Тоҷикистон соли 2023 ба хориҷи мамлакат ба маблағи 50,1 миллион доллари амрикоӣ маҳсулоти саноати хӯрокворӣ содирот намудааст, ки нисбат ба соли 2022 17,6 фоиз ё 7,5 миллион доллар зиёд мебошад Ин омор соли 2022 42,6 миллион долларро ташкил дода буд. Дар ин хусус Вазири саноат ва технологияҳои нави Ҷумҳурии Тоҷикистон Шералӣ Кабир 8 феврал зимни нишасти матбуотӣ ба намояндагони воситаҳои ахбори омма иттилоъ дод.
Аз ҷумла, соли гузашта аз Тоҷикистон ба дигар давлатҳо 81,8 ҳазор тонна меваи хушк, 27,4 ҳазор тонна нӯшокиҳои ташнагишикан, 577 тонна намак, 1,9 ҳазор тонна консерваи меваю сабзавот, 7,1 ҳазор тонна орд, 445,9 тонна маҳсулоти қаннодӣ ва 664 тонна желатин ба хориҷи мамлакат содирот гардидааст.
Шералӣ Кабир афзуд, ки афзоиши ҳаҷми содирот асосан аз ҳисоби меваи хушк 1,6 баробар ва нӯшокиҳои ташнагишикан 1,7 баробар, хӯроки омехтаи чорво ва боқимондаи саноати хӯрокворӣ 2 баробар ва орд 113,4% амалӣ шудааст. Дар таркиби маҳсулоти содиротшуда 58,3 фоиз ё 29,2 миллион доллар ба меваи хушк, 18,6 фоиз ё 9,3 миллион доллар ба нӯшокиҳои ғайриспиртӣ, 1,6 фоиз ё 0,8 миллион доллар ба консерваи меваю сабзавот, 1,4 фоиз ба маблағи 0,7 миллион доллар ба желатин ва 1 фоиз ё 0,5 миллион доллар ба маҳсулоти қаннодӣ рост меояд.
Марзия САИДЗОДА,
АМИТ «Ховар»
АКС: АМИТ «Ховар»
РУШДИ ТОҶИКИСТОН ТАВАССУТИ РАҚАМИКУНОНӢ, ЗЕҲНИ СУНЪӢ ВА НИЗОМИ МАОРИФИ ПЕШРАФТА. Бардошт аз Паёми Президенти Ҷумҳурии Тоҷикистон ба Маҷлиси Олӣ
ИСТИҚЛОЛИЯТИ ЭНЕРГЕТИКӢ-ЯКЕ АЗ ҲАДАФҲОИ СТРАТЕГИИ ҲУКУМАТИ ТОҶИКИСТОН. Моҳи майи соли 2027 Тоҷикистон ба истиқлоли комили энергетикӣ ноил мегардад
Эмомалӣ Раҳмон: «Соли 2025 дар вилояти Суғд сохтмони неругоҳи барқи офтобӣ бо иқтидори 200 мегаватт оғоз мегардад»
Дар Тоҷикистон «Стратегияи ҷалби сармоя барои давраи то соли 2040» таҳия мегардад
Пешвои миллат: «Дар панҷ соли охир суръати рушди иқтисоди миллӣ ба ҳисоби миёна 7,7 фоизро ташкил дод»
Истеҳсоли маҳсулоти кишоварзӣ дар Тоҷикистон аз 39 миллиард сомонӣ ба 73 миллиард сомонӣ расонида шуд
Ба ҳама намуд санҷишҳои фаъолияти субъектҳои соҳибкорӣ (ба истиснои санҷишҳои мақомоти андоз) то 1 январи соли 2027 мораторий эълон карда шуд
Президенти Тоҷикистон: «Аз моҳи майи соли 2027 норасоии неруи барқ дар Тоҷикистон пурра бартараф мегардад»
Солҳои 2025-2030 Солҳои рушди иқтисоди рақамӣ ва инноватсия эълон гардиданд
Пешвои миллат: «Аз ҷониби Кумитаи рушди сайёҳӣ барои бунёди инфрасохтори зарурӣ бояд тадбирҳои иловагӣ андешида шаванд»
Маҳсулоти саноатии Тоҷикистон аз 27 миллиард ба 53 миллиард сомонӣ расонида шуд
Президенти Тоҷикистон Эмомалӣ Раҳмон: «То имрӯз беш аз 50 фоизи корҳои сохтмонӣ дар Неругоҳи барқи обии «Роғун» ба анҷом расидаанд»
