Тоҷикистон ва Фонди глобалии экологӣ ҳамкориро дар самти ҳифзи муҳити зист вусъат мебахшанд
ДУШАНБЕ, 13.02.2024 /АМИТ «Ховар»/. 12 феврали соли равон дар ҳошияи 14-умин ҷаласаи Конфронси тарафҳои Конвенсия оид ба ҳифзи ҳайвоноти ваҳшии муҳоҷираткунанда вохӯрии Раиси Кумитаи ҳифзи муҳити зист назди Ҳукумати Ҷумҳурии Тоҷикистон Баҳодур Шерализода бо директори Фонди глобалии экологӣ Карлос Мануел Родригес баргузор гардид, ки дар рафти он ҷонибҳо масъалаи вусъат бахшидани ҳамкорӣ дар самти ҳифзи муҳити зистро баррасӣ намуданд. Дар ин хусус АМИТ «Ховар» бо истинод ба Кумитаи ҳифзи муҳити зист хабар медиҳад.
Зимни вохӯрӣ ҷонибҳо дар мавзуи тағйирёбии иқлим, аз даст додани гуногунии биологӣ, ифлосшавии муҳити зист ва дигар масъалаҳои муҳими соҳа ибрози андеша намуданд.
Баҳодур Шерализода дар вохӯрӣ аз ташаббусҳои ҷаҳонии Тоҷикистон дар пешбурд ва ҳалли масъалаҳои обу иқлим дар сатҳи чаҳонӣ ёдовар шуда, таъкид намуд, ки дастгирӣ аз ҷониби фондҳои экологӣ ва шарикони рушд ҷиҳати амалишавии онҳо ба манфиати сокинони сайёра хоҳад буд.
Дар қисмати ниҳоии мулоқот ҷонибҳо ба мувофиқа расиданд, ки ҳамкории Тоҷикистон ва Фонди глобалии экологӣ дар заминаи гуногунии биологӣ, тағйирёбии иқлим ва ҳифзи муҳити зистро тақвият бахшанд.
Ҳамзамон Баҳодур Шерализода Карлос Мануел Родригесро барои сафар ба Ҷумҳурии Тоҷикистон дар вақти муносиб барои аз наздик шинос гардидан бо табиати ҷумҳурии мо даъват намуданд.
АКС: Кумитаи ҳифзи муҳити зист назди Ҳукумати Ҷумҳурии Тоҷикистон
Ҷаласаи Гурӯҳи корӣ оид ба мониторинг ва арзёбии ҳуҷҷатҳои банақшагирии стратегӣ дар соли 2025 доир шуд
Имконоти гидроэнергетикии Тоҷикистон дар Конфронси 29-уми ҷаҳонии сармоягузорӣ дар Шарҷа муаррифӣ гардид
Пахтакорӣ яке аз бахшҳои муҳими соҳаи кишоварзии ноҳияи Данғара ҳисобида мешавад
РУШДИ САЙЁҲӢ. Имсол ба вилояти Хатлон беш аз 900 ҳазор сайёҳ ташриф овардааст
Раванди омодагӣ ба Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор» баррасӣ шуд
Намояндаи Тоҷикистон дар ҷаласаи Шурои байнидавлатӣ оид ба сиёсати зиддиинҳисорӣ дар Беларус иштирок намуд
Тоҷикистон ва Чин тасмим гирифтаанд, ки ҳамкориро дар соҳаи обуҳавошиносӣ тақвият диҳанд
Вазирони энергетикаи Тоҷикистон ва Эрон масъалаҳои иҷрои протоколи Комиссияи муштараки байниҳукуматиро баррасӣ намуданд
Татбиқи марҳилаи чоруми Лоиҳаи метеорологии Финляндия ва Тоҷикистон баррасӣ гардид
Ташаббусҳои глобалии Тоҷикистон дар соҳаи об дар ҷаласаи Конфронси исломии вазирони масъул оид ба масъалаҳои об дар Ҷидда баррасӣ гардид
Дар ноҳияи Восеъ иншооти таъйиноти гуногун мавриди истифода қарор гирифтанд
Ширкати чинӣ ба бунёди неругоҳҳои офтобӣ ва бодӣ дар Тоҷикистон таваҷҷуҳ зоҳир намуд
