Вазорати маориф ва илми Тоҷикистон барои беҳтар намудани сатҳи омӯзиши забонҳои русӣ ва англисӣ тадбир меандешад
ДУШАНБЕ, 08.02.2024. /АМИТ «Ховар»/. Дар Донишгоҳи давлатии омӯзгории Тоҷикистон ба номи Садриддин Айнӣ вохӯрии Вазири маориф ва илми Ҷумҳурии Тоҷикистон Раҳим Саидзода бо омӯзгорони забонҳои русӣ ва англисӣ баргузор гардид. Дар ин хусус АМИТ «Ховар» бо истинод ба маркази матбуоти Вазорати маориф ва илми Ҷумҳурии Тоҷикистон хабар медиҳад.
Вазири маориф ва илм иброз намуд, ки ҳадафи асосии вохӯрии имрӯза андешидани тадбирҳои дахлдор барои беҳтар намудани омӯзиши забонҳои русӣ ва англисӣ мебошад.
Таъкид шуд, ки дар раванди ҳамкории байналмилалӣ ва воридшавии Ҷумҳурии Тоҷикистон ба ҷомеаи ҷаҳонӣ талабот ба мутахассисоне, ки забонҳои русӣ ва англисиро хуб дониста, бо техника ва технологияи ҳозиразамон шинос ҳастанд, меафзояд. Бинобар ин андешидани тадбирҳои самарабахш баҳри инкишоф ва рушди минбаъдаи шаклу усулҳои нави таълим ва омӯзиши забонҳои русӣ ва англисӣ ҳамчун воситаи муошират бо ҷомеаи башарӣ муҳим арзёбӣ мегардад.
Вазорати маориф ва илми Ҷумҳурии Тоҷикистон таъмини муассисаҳои таълимӣ бо синфхонаҳои лингафонӣ, аз даврҳои такмили ихтисос гузаронидани омӯзгорони фанҳои забонҳои русӣ ва англисӣ, ба таври фаврӣ ташкили маҳфилҳои забондонӣ дар ҳамаи муассисаҳои таҳсилоти миёнаи умумӣ, беҳтар намудани фаъолияти марказҳои таҳсилоти иловагиро вобаста ба омӯзиши забонҳои русӣ ва англисӣ ва ташкили гурӯҳҳои русӣ ва англисиро дар муассисаҳои таҳсилоти олии касбӣ аз ҷумлаи масъалаҳои муҳимтарин ҳисобид.
Дар баробари ин тасмим гирифта шудааст, ки таклифу пешниҳодҳои омӯзгорони забонҳои русӣ ва англисӣ зимни машғулияти дарсӣ истифода шаванд.
Сипас аз ҷониби ҳозирин дар мавриди нашри бештари фарҳангу муҳовараҳо ва китобҳои бадеӣ бо забонҳои русиву англисӣ, нашри китобчаҳои ҳаҷман хурд барои хонандагони синфҳои поёнӣ, такмил додани методикаи таълими фанҳои забонҳои русиву англисӣ дар мавриди истифодаи барзиёди қоидаҳои грамматикӣ, амалӣ намудани ҳамкорӣ бо волидайни хонандагон, таҳияи китобҳои дарсии насли нав, ҷорӣ намудани имтиҳонҳои хаттиву шифоҳӣ дар муассисаҳои таҳсилоти олии касбӣ таклифҳо пешниҳод шуданд.
Гуфта шуд, ки Вазорати маориф ва илми ҷумҳурӣ ин пешниҳодҳоро ба инобат гирифта, онҳоро минбаъд зимни таълими забонҳои русӣ ва англисӣ мавриди истифода қарор медиҳад.
АКС: Маркази матбуоти Вазорати маориф ва илми Ҷумҳурии Тоҷикистон
Ҷаласаи кории ҳайати комиссияи ҷумҳуриявии озмуни «Шоҳномахонӣ» баргузор шуд
Зиракии сиёсӣ ва худшиносии миллӣ-омили муқовимат ба таҳдидҳои замони муосир
«КИТОБ — БЕҲТАРИН АРМУҒОН». Ба китобхонаи Донишгоҳи давлатии ҳуқуқ, бизнес ва сиёсати Тоҷикистон беш аз 200 китоб тақдим гардид
Дар Донишгоҳи давлатии ҳуқуқ, бизнес ва сиёсати Тоҷикистон оид ба рушди илму маориф ҳамоиш баргузор шуд
Дар назди Донишгоҳи байналмилалии забонҳои хориҷии Тоҷикистон ду шурои нави диссертатсионӣ таъсис ёфт
Дар Донишгоҳи давлатии Бохтар даври муассисавии Озмуни ҷумҳуриявии «Фурӯғи субҳи доноӣ китоб аст» баргузор гардид
ИЛМУ МАОРИФ БА ОЯНДАИ БОСАОДАТИ ДАВЛАТУ МИЛЛАТ ТАВЪАМ АСТ. Андешаҳо дар ҳошияи Паёми Президенти Тоҷикистон ба Маҷлиси Олӣ
Ҷаласаи гурӯҳи кории Озмуни ҷумҳуриявии «Илм – фурӯғи маърифат» баргузор шуд
Дар Душанбе дар нуҳ сол беш аз 54 мактаб ва 42 муассисаи томактабӣ сохта шудааст
Оид ба тамоюлҳои рушди психологияи муосир ва татбиқи он дар низоми таҳсилоти рақамӣ конференсияи байналмилалӣ доир шуд
«ИЛМ – ФУРӮҒИ МАЪРИФАТ». Барои баргузории ин озмуни ҷумҳуриявӣ зиёда аз 9 миллион сомонӣ ҷудо гардид
Дар Донишгоҳи давлатии молия ва иқтисоди Тоҷикистон бахшида ба Рӯзи байналмилалии ҳадяи китоб ҳамоиш доир гардид
