Дар шаҳри Хоруғ корхонаи истеҳсоли ҳасиб бунёд мегардад
ХОРУҒ, 29.03.2024 /АМИТ «Ховар»/. Дар шаҳри Хоруғ дар мавзеи бинои собиқ заводи нони шаҳри Хоруғ корҳои сохтмони корхонаи истеҳсоли ҳасиб ва маҳсулоти ширӣ оғоз гардид.
Тавре хабарнигори минтақавии АМИТ «Ховар» Файз Мирасан хабар медиҳад, муассиси корхона соҳибкори муваффақи маҳаллӣ Рамеш Худоиев мебошад, ки бо таъсиси Ҷамъияти дорои масъулияти маҳдуди ширкати «Неъматҳои Помир» ният дорад аз ҳисоби гӯшти чорвои маҳаллӣ ва ширкатҳои бузурги мурғпарварии ватанӣ корхонаи истеҳсоли ҳасиб бунёд намояд. Лоиҳа дар доираи 10 миллион сомонӣ амалӣ мешавад. Ин иқдом дар пайи баргузории Форуми байналмилалии соҳибкорию сармоягузории «Помиринвест 2023» ҳосил шудааст.
Иттилоъ дода шуд, ки лоиҳа дар ду марҳила амалӣ мегардад. Таҷҳизот барои корхонаи нав аз давлатҳои Аврупо ворид карда шуда, мутахассисони аврупоӣ бо ворид намудани технологияи муосир ҳамчунин мутахассисони маҳаллиро баъди насбу васли таҷҳизот дар ҷойи кор ба омӯзиш фаро мегиранд.
Бо ба кор андохтани ин корхонаи саноатӣ беш аз 30 нафар бо ҷойи кори доимӣ таъмин мешаванд. Ҳоло миқдори зарурии масолеҳи сохтмонӣ дастрас гардида, бо ҷалби сохтмончиёни ватанӣ корҳои бунёдӣ дар ин иншоот оғоз мешаванд.
Гуфта шуд, ки дар фосилаи кӯтоҳи вақт бунёд гардидани силсилаиншооти саноатии ҳудуди вилоят ва минбаъд низ бештар тавсия додани ин иқдом ба ташкили ҷойҳои нави корӣ ва беҳтар шудани сатҳу сифати зиндагии мардум мусоидат менамояд. Ин лоиҳа дар доираи Форуми соҳибкориву сармоягузории «Помиринвест-2023» бунёд шуда, муассиси корхонаи навбунёд супориш гирифт, ки то моҳи августи соли 2024 фаъолиятро оғоз намояд.
АКС: АМИТ «Ховар»
Эмомалӣ Раҳмон: «Кишоварзонро зарур аст рӯзҳои мусоиди баҳориро самаранок истифода намоянд»
Ҷашни байналмилалии Наврӯз дар Бонки миллии Тоҷикистон дар сатҳи баланд таҷлил гардид
Дар Донишгоҳи давлатии ҳуқуқ, бизнес ва сиёсати Тоҷикистон Наврӯз бо оростани хаймаҳои наврӯзӣ таҷлил шуд
Бахшида ба Ҷашни байналмилалии Наврӯз дар ноҳияи Ёвон иншооти ҷашнӣ ифтитоҳ гардид
Дар Душанбе истифода ва ҳифзи захираҳои обии мамлакат дар шароити тағйирёбии иқлим баррасӣ гардид
Ҷаласаи сеюми Гурӯҳи кории муштараки Тоҷикистону Покистон оид ба савдо, сармоягузорӣ ва нақлиёт баргузор шуд
Бонки миллии Тоҷикистон ба Эъломияи Кейптаун ҳамроҳ шуд
Дар Донишкадаи давлатии санъати тасвирӣ ва дизайни Тоҷикистон намоиши «Баҳори Истиқлол» баргузор шуд
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
Сохтмони муҷассама дар гардиши дараи Алмосии шаҳри Ҳисор ба анҷом мерасад
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
