ДАРАХТ БИНШОН! Дар минтақаи таълимӣ-таҷрибавии «Палос» беш аз 1000 бех ниҳол шинонида шуд
ДУШАНБЕ, 10.03.2024 /АМИТ «Ховар»/. Дар минтақаи таълимӣ-таҷрибавии «Палос»-и Донишгоҳи давлатии Хуҷанд ба номи академик Бобоҷон Ғафуров аз ҷониби роҳбарияти донишгоҳ, собиқадорон ва устодону донишҷӯён беш аз 1000 бех ниҳоли дарахтони мевадиҳанда ва ҳамешасабз шинонида шуд.
Тавре АМИТ «Ховар» бо истинод ба Донишгоҳи давлатии Хуҷанд хабар медиҳад, дар доираи ин ташаббус 800 бех ниҳоли дарахтони мевадиҳанда, аз ҷумла чор навъи зардолу ва олу, 238 ниҳоли арча шинонида шуд.
Минтақаи таълимӣ-таҷрибавии «Палос» дар масоҳати 25,9 гектар дар Ҷамоати Дадобой Холматови ноҳияи Бобоҷон Ғафуров ҷойгир буда, шумораи дарахтони мевадиҳанда 15 намудро ташкил медиҳад.
Дар минтақа қариб 10 ҳазор бех ниҳоли гуногун парвариш ёфта, ҳамасола беш аз 20 тонна анвои гуногуни мева аз ин минтақа ҷамъоварӣ мешавад.
Раёсати донишгоҳ ҷиҳати шинонидани дарахтони ба шароиту иқлим мувофиқ, зиёд намудани ҳосили дарахтони мевадиҳанда, истифодаи самараноки замин ва корҳои ободонӣ дар минтақа мунтазам тадбирҳои зарурӣ анҷом медиҳад.
Ректори донишгоҳ ба масъулин ҷиҳати таъмини фаъолияти сифатнок ва самарабахши минтақаи таълимӣ-таҷрибавии «Палос» дастуру маслиҳат дод.
АКС: Донишгоҳи давлатии Хуҷанд ба номи академик Бобоҷон Ғафуров
Дар Тоҷикистон ниҳолшинонӣ дар се марҳила гузаронида мешавад
ДАРАХТ БИНШОН. Дар кӯчаи Деҳотии шаҳри Душанбе беш аз 500 бех ниҳоли ороишии санавбар шинонида шуд
ДАРАХТ БИНШОН! Дар шаҳри Душанбе зиёда аз 214 ҳазор бех дарахтони ороишию сояафкан шинонида мешаванд
ДАРАХТ БИНШОН! Дар ноҳияи Ҷалолиддини Балхӣ беш аз 30 ҳазор бех ниҳоли сояафкану ҳамешасабз шинонида мешавад
Дар хоҷагии ҷангали ноҳияи Ховалинг тақрибан 10 ҳазор бех ниҳоли санавбар шинонида шуд
ДАРАХТ БИНШОН! Дар талу теппаҳои канори шоҳроҳи Душанбе-Рӯдакӣ-Ваҳдат садҳо бех ниҳолҳои ҳамешасабз шинонида шуданд
Дар ноҳияи Мастчоҳ зиёда аз 20 ҳазор бех ниҳол шинонида шуд
БАРНОМАИ КАБУДИРЗОРКУНӢ. Дар доираи ин барнома дар Тоҷикистон ҳудуди ду миллиард дарахт шинонида мешавад
Дар ҳудуди шаҳри Душанбе зиёда аз 214 ҳазор бех дарахтони ороишию сояафкан шинонида мешаванд
ИҚДОМИ САБЗ. Чоҳи амудии ноҳияи Мастчоҳ беш аз 5 гектар заминҳои ниҳолпарвариро бо оби доимӣ таъмин менамояд
Дар минтақаи Кӯлоб беш аз 45 ҳазор бех дарахти павловния парвариш карда мешавад
Боғдорони ноҳияи Ишкошим ба парвариши чормағз оғоз намуданд
