Муносибатҳои иқтисодию тиҷоратии Тоҷикистон ва Арабистони Саудӣ густариш меёбанд
ДУШАНБЕ, 06.03.2024 /АМИТ «Ховар»/. Зимни вохӯрии Директори Агентии содироти назди Ҳукумати Ҷумҳурии Тоҷикистон ва Сафири Фавқулода ва Мухтори Подшоҳии Арабистони Саудӣ дар Ҷумҳурии Тоҷикистон ҷонибҳо ба масъалаи вазъи кунунӣ ва дурнамои муносибатҳои муштарак оид ба баланд бардоштани иқтидори содиротӣ, тақвияти робитаҳои тиҷоратию иқтисодӣ, ташкили марказҳои логистикӣ дар самти банду баст, коркард, захира, нигоҳдорӣ ва содироти маҳсулот, инчунин муаррифии маҳсулоти ватанӣ таваҷҷуҳи хосса зоҳир намуданд. Дар ин хусус ба АМИТ «Ховар» дар Агентии содирот хабар доданд.
Директори Агентии содирот Баҳриддин Сироҷиддинзода доир ба тадбирҳое, ки аз ҷониби Президенти Ҷумҳурии Тоҷикистон муҳтарам Эмомалӣ Раҳмон вобаста ба тақвияти гардиши савдо байни давлатҳо, таъсиси марказҳои логистикӣ ва ташкили корхонаҳои муштарак дар самти коркард намудани маҳсулоти кишоварзӣ андешида мешаванд, ибрози назар намуд.
Гуфта шуд, ки Подшоҳии Арабистони Саудӣ яке аз мамлакатҳои иқтисодии пешрафтаи минтақаи Шарқи Наздик буда, дорои захираҳои ғании табиӣ ва таҷрибаи бой дар соҳаҳои мухталиф, аз қабили саноати нафту газ, сохтмон, молия ва сармоягузорӣ мебошад.
Тоҷикистон дар соҳаҳои истеҳсоли обҳои ошомиданӣ, шарбатҳои табиӣ, асал, меваю сабзавоти барвақтии тару тоза, хушкмеваю мағзҳо, маводи ғизоии коркарди маҳсулоти кишоварзӣ, маҳсулоти тайёри нассоҷӣ, саноати коркард ва ғайра иқтидори бузург дошта, метавонад ширкатҳои Арабистони Саудиро ба ҳамкорӣ дар ин соҳаҳо ҷалб намояд.
Сафири Подшоҳии Арабистони Саудӣ Валид ибни Абдураҳмон ар-Решайдон доир ба тақвияти гардиши савдо байни ҷонибҳо маълумоти муфассал пешниҳод намуда, иброз намуд, ки солҳои охир ҳарду давлат кӯшиш менамоянд, ки барои рушди муносибатҳои тиҷоратию иқтисодӣ заминаҳои мусоид фароҳам оваранд. Аз ҷумла, ташкили форумҳои байналмилалии сармоягузорӣ, комиссияҳои байниҳукуматӣ ва дигар чорабиниҳои иқтисодӣ-сиёсӣ ба рушди муносибатҳои тиҷоратию иқтисодии ҳарду давлат метавонанд мусоидат намоянд.
Валид ибни Абдураҳмон ар-Решайдон иброз намуд, ки бо Агентии содирот баҳри мусоидат ба рушди муносибатҳои дуҷонибаи иқтисодию тиҷоратӣ байни давлатҳо омодаи ҳамкорӣ мебошанд.
АКС: Агентии содироти назди Ҳукумати Ҷумҳурии Тоҷикистон
Дар Хуҷанд Намоишгоҳи байналмилалии савдо «Суғд-2025» доир мегардад
Дар Тоҷикистон ҳаҷми истеҳсоли қолин афзоиш ёфтааст
Таҳкими ҳамкории дуҷониба дар бахшҳои саноат ва воридоти технологияҳои нав бо намояндагони BVMW баррасӣ гардид
Бонки Осиёии рушд омодагияшро барои ҷудо намудани 500 миллион доллар барои сохтмони неругоҳи «Роғун» тасдиқ намуд
Ҳамкории Тоҷикистон ва Бонки аврупоии таҷдид ва рушд дар соҳаи алоқа густариш меёбад
Таъсиси Маркази тиҷоратии Тоҷикистону Эрон ва Маркази фанноварӣ ва инноватсионии рақамӣ дар Душанбе баррасӣ шуд
Ҷаласаи нахустини ҳамоҳангсозии Ҷумҳурии Тоҷикистон ва Корея баргузор гардид
HUKUMAT.TJ. Тамоми сомонаҳои расмии мақомоти давлатии Тоҷикистон ба ин платформаи рақамӣ гузаронида мешаванд
Оё кишоварзони Тоҷикистон аҳолиро бо картошкаи ватанӣ пурра таъмин карда метавонанд?
Дар Шероз Протоколи ҷаласаи 17-уми Комиссияи муштараки Тоҷикистон ва Эрон ба имзо расид
Масъалаҳои ҷалби сармояи Британияи Кабир ба Тоҷикистон баррасӣ шуданд
Ҳамкорӣ дар самти рушди технологияҳои инноватсионӣ бо Дафтари Швейтсария оид ба рушд дар Тоҷикистон тақвият меёбад
