ТОҶИКИСТОН, БА ПЕШ! Дар намоишгоҳи «ITB BERLIN-2024» иқтидори сайёҳии Тоҷикистон муаррифӣ шуд
ДУШАНБЕ, 06.03.2024 /АМИТ «Ховар»/. Дар шаҳри Берлини Ҷумҳурии Федеративии Олмон Намоишгоҳи байналмилалии сайёҳӣ ва тиҷоратии «ITB Berlin-2024» баргузор гардид, ки дар он 175 ҳазор нафар аз 187 давлати ҷаҳон иштирок намуданд.
АМИТ «Ховар» бо истинод ба Кумитаи рушди сайёҳии назди Ҳукумати Ҷумҳурии Тоҷикистон иттилоъ медиҳад, ки дар ин намоишгоҳи сатҳи ҷаҳонӣ, ки бо номи «Биржаи байналмилалии сайёҳии Берлин» шинохта мешавад, ҳайати Ҷумҳурии Тоҷикистон- намояндагони вазорату идораҳои давлатӣ, Дастгоҳи иҷроияи Президенти Ҷумҳурии Тоҷикистон, Донишгоҳи байналмилалии сайёҳӣ ва соҳибкории Тоҷикистон, Сафорати Ҷумҳурии Тоҷикистон дар Олмон, роҳбарону кормандони субъектҳои хизматрасони соҳаи сайёҳӣ, аз ҷумла ҶСК ширкати ҳавопаймоии «Сомон Эйр» ва ширкатҳои сайёҳии ватанӣ таҳти роҳбарии муовини якуми Раиси Кумитаи рушди сайёҳии назди Ҳукумати Ҷумҳурии Тоҷикистон Рустам Холматиён иштирок намуданд.
Соли 2024 Кумитаи рушди сайёҳӣ бо дастгирии Ҳукумати мамлакат гӯшаи ҷолиби сайёҳии Тоҷикистонро дар «ITB Berlin-2024» дар масоҳати 64 метри мураббаъ ташкил намуд ва аввалин нафаре, ки ба ҳайси меҳмони ифтихорӣ аз ин гӯша дидан намуд, собиқ мураббии овозадори дастаи мунтахаби футболи Тоҷикистон Петр Сегрт буд, ки номбурда тамошои павилони сайёҳии Тоҷикистонро дидори мардум ва шикастани хумори сарзамини беназири Тоҷикистон арзёбӣ намуд.
Намоишгоҳи байналмилалии сайёҳӣ ва тиҷоратии «ITB Berlin-2024» дар маҷмааи Мессе Берлин то 7 март идома ёфта, 20 нафар роҳбарону кормандони субъектҳои хизматрасонии соҳаи сайёҳии Тоҷикистон бо истифода аз фурсати муносиб дар ин бозори ҷаҳонии сайёҳӣ иқтидори фаровони сайёҳии Тоҷикистонро ба дӯстдорон ва алоқамандони сайру саёҳат муаррифӣ менамоянд.
Мавриди ёдоварӣ аст, ки Ҷумҳурии Тоҷикистон аз соли 2008 ҳамасола дар намоишгоҳи бонуфузи байналмилалии «ITB Berlin» фаъолона иштирок намуда, имконияти сайёҳии Тоҷикистонро пешниҳоди сайёҳон ва ҷаҳонгардон менамояд.
АКС: Кумитаи рушди сайёҳии назди Ҳукумати Ҷумҳурии Тоҷикистон
Дар Душанбе нишасти нуздаҳуми Шурои роҳбарикунандаи СПЕКА баргузор гардид
Байни Агентии содироти Тоҷикистон ва Кумитаи рушди содироти Арабистони Саудӣ оид ба рушди содироти ғайринафтӣ Ёддошти тафоҳум ба имзо расид
Ҷаласаи гурӯҳи коршиносон оид ба ташкили бозори минтақавии неруи барқи мамлакатҳои Созмони ҳамкории иқтисодӣ баргузор шуд
Сулаймон Султонзода дар Нишасти дуюми вазирони мақомоти ҳифзи ҳуқуқи давлатҳои аъзои Созмони ҳамкории исломӣ иштирок намуд
Имсол аз Тоҷикистон беш аз ҳазор тонна хуч ба хориҷи мамлакат содирот гардидааст
Дар Риёз ҷаласаи чоруми Кумитаи муштараки Тоҷикистон ва Арабистони Саудӣ оид ба ҳамкории иқтисодӣ, тиҷоратӣ ва сармоягузорӣ доир гардид
Дар шаҳри Кӯлоб филиали «Саноатсодиротбонк» ифтитоҳ гардид
Таҷрибаи Ҷумҳурии Корея оид ба истифодаи технологияҳои ҳушманд дар соҳаи кишоварзӣ дар ноҳияҳои Тоҷикистон баррасӣ гардид
Вазири энергетикаи Тоҷикистон дар Риёз дар чорабинии канорӣ оид ба диверсификатсияи манбаъҳои энергия иштирок намуд
Конфронси 28-уми байналмилалии сармоягузорӣ дар шаҳри Риёзи Подшоҳии Арабистони Саудӣ ба анҷом расид
Дар шаҳри Риёз ҳамоиши доираҳои тиҷоратию сармоягузории Тоҷикистон ва Арабистони Саудӣ баргузор гардид
Байни Вазорати кишоварзии Тоҷикистон ва Вазорати муҳити зист, об ва кишоварзии Подшоҳии Арабистони Саудӣ Ёддошти тафоҳум ба имзо расид
