Намояндаи Тоҷикистон ҷаласаи 19-уми Гурӯҳи кории СПЕКА-ро дар Самарқанд раисӣ намуд
ДУШАНБЕ, 04.04.2024 /АМИТ «Ховар»/. Дар шаҳри Самарқанд ҷаласаи 19-уми Гурӯҳи кории Барномаи махсуси Созмони Милали Муттаҳид барои иқтисодиёти Осиёи Марказӣ /СПЕКА/ оид ба савдо доир гардид. Дар ҷаласа намояндагони Тоҷикистон, Озарбойҷон, Қазоқистон, Қирғизистон, Туркманистон ва Узбекистон ва созмонҳои бонуфузи байналмилалӣ иштирон намуданд. Ҷаласаи мазкурро муовини Вазири рушди иқтисод ва савдои ҷумҳурӣ Аҳлиддин Нуриддинзода раисӣ намуд. Дар ин хусус АМИТ «Ховар» бо истинод ба Вазорати рушди иқтисод ва савдои Тоҷикистон иттилоъ медиҳад.
Намоянаи Тоҷикистон оид ба корҳои иҷрогардида дар доираи Созмон, аз ҷумла масъалаҳо вобаста ба тақвияти ҳамкорӣ байни давлатҳои аъзои СПЕКА, тавсеа ва татбиқи минбаъдаи ҳадафҳо барои савдои устувор дар минтақа маълумоти муфассал пешниҳод намуд.
Гуфта шуд, ки Президенти Ҷумҳурии Тоҷикистон муҳтарам Эмомалӣ Раҳмон тақвияти иқтидори содиротӣ, диверсификатсияи содирот ва содагардонии расмиёти савдоро самтҳои афзалиятноки сиёсати иқтисодии Ҳукумати мамлакат дар соҳаи савдо муайян намуданд, ки дар натиҷаи он дар самти содагардонии расмиёти савдо дар Тоҷикистон як қатор корҳои назаррас амалӣ гардидааст.
Дар доираи ҷаласа аз ҷониби коршиносони ташкилотҳои байналмилалӣ вобаста ба рақамикунонӣ, тиҷорати электронӣ ва рушди робитаҳои минтақавӣ рӯнамоҳо пешниҳод гардиданд. Ҷиҳати тақвияти ҳамкории минбаъда дар соҳаи савдо байни давлатҳои манфиатдор тавсияҳои мушаххас пешниҳод шуданд.
Тоҷикистон раисии Гурӯҳи кории СПЕКА оид ба савдоро ба уҳда дорад, ки он яке аз механизмҳои фаъоли ин Созмон маҳсуб ёфта, дар доираи он то кунун якчанд санадҳои стратегӣ оид ба тақвияти ҳамкории тиҷоратии минтақавӣ ва содагардонии расмиёти савдо қабул шудааст.
АКС: Вазорати руши иқтисод ва савдои Ҷумҳурии Тоҷикистон
Бонки ҷаҳонӣ татбиқи Барномаи «Дастгирии сиёсати рушди устувор — Тоҷикистони рақобатпазир ва фарогир»-ро тасдиқ намуд
Агентии назорати давлатии молиявӣ ва мубориза бо коррупсия ба маблағи беш аз 624 миллион сомонӣ зарари молиявӣ ошкор намуд
Даромади буҷети Вилояти Мухтори Кӯҳистони Бадахшон 105,1 фоиз иҷро гардидааст
ҲИСОББАРОБАРКУНИИ ҒАЙРИНАҚДӢ. 3,5 миллион амалиёти пардохти андоз ва боҷҳо ба таври ғайринақдӣ анҷом дода шуд
Дар Душанбе тавсеаи ҳамкории Тоҷикистон бо JICA баррасӣ гардид
Зернизоми идораи эътимод бо истифода аз модули иловагии «Data mining» мавриди истифода қарор гирифт
Султон Раҳимзода ҷониби Қазоқистонро барои иштирок дар Форуми байналмилалии сармоягузории «Душанбе-Инвест 2025» даъват намуд
Хадамоти гумруки Тоҷикистон: дар содироти молҳои ватанӣ вазни қиёсии асосиро сурма ва маҳсулоти он дар ҳаҷми 30,4 фоиз ташкил медиҳад
Ҳаҷми Маҷмуи маҳсулоти дохилии ноҳияи Ёвон ба беш аз 1,5 миллиард сомонӣ расид
Дар Остона ҷаласаи 19-уми Комиссияи байниҳукуматии Тоҷикистону Қазоқистон оид ба ҳамкории иқтисодӣ доир шуд
НИШАСТИ МАТБУОТӢ. Нақшаи воридоти андозҳо ва дигар пардохтҳои ҳатмӣ ба андозаи 113,7 фоиз иҷро гардид
НИШАСТИ МАТБУОТӢ. Ҳаҷми умумии даромади буҷети давлатӣ 111,5 фоиз иҷро гардид
