Тоҷикистон ва Чин масъалаҳои татбиқи ҳамкориро дар соҳаи тандурустӣ баррасӣ намуданд
ДУШАНБЕ, 04.04.2024. /АМИТ «Ховар»/. Дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон масъалаҳои амалӣ намудани ҳамкорӣ байни якчанд беморхонаҳои Ҷумҳурии Тоҷикистон ва музофоти Хубэйи Ҷумҳурии Мардумии Чин дар самтҳои ҷарроҳӣ, тибби халқӣ ва дигар бахшҳо баррасӣ гардид.
Ин масъалаҳо зимни вохӯрии муовини якуми Вазири тандурустӣ ва ҳифзи иҷтимоӣ бо намояндагони Ассотсиатсияи беморхонаҳои музофоти Хубэйи Ҷумҳурии Мардумии Чин муҳокима шуданд.
Тавре иттилоъ дода шуд, Ассотсиатсияи беморхонаҳои музофоти Хубэйи Ҷумҳурии Мардумии Чин ягона ташкилоти соҳавии идоракунии беморхонаҳо дар ин музофот мебошад, ки дар маҷмуъ 513 шуъба, 29 кумитаи махсус ва аксари беморхонаҳои ин музофотро фаро мегирад.
Гуфта шуд, ки имрӯзҳо ҳамкории Ҷумҳурии Тоҷикистон ва Ҷумҳурии Мардумии Чин дар баробари дигар бахшҳо дар соҳаи тандурустӣ низ хуб амалӣ мешавад.
Зимни сафари Президенти Ҷумҳурии Тоҷикистон ба Ҷумҳурии Мардумии Чин 14-16 сентябри соли 2006 «Созишномаи ҳамкорӣ байни Вазорати тандурустии Ҷумҳурии Тоҷикистон ва Вазорати тандурустии Ҷумҳурии Мардумии Чин» ба имзо расидааст, ки ба васеъ намудани имконияти ҳамкорӣ дар соҳаи тандурустии ду давлат заминаи хуб гузошт.
АКС: Вазорати тандурустӣ ва ҳифзи иҷтимоии аҳолии Ҷумҳурии Тоҷикистон
Дар Душанбе ҷаласаи даҳуми Шурои ҳамоҳангсози миллӣ оид ба рушди соҳаи сайёҳӣ баргузор гардид
Дар Озарбойҷон ташаббусҳои Президенти Тоҷикистон дар самти ҳифзи пиряхҳо таъкид гардиданд
Масъалаҳои фаъолияти дидбонгоҳҳои гумрукии наздисарҳадӣ баррасӣ шуданд
Ҷаласаи 7-уми Комиссияи муштараки ҳамкории тиҷоратӣ, иқтисодӣ ва илмӣ-техникии Тоҷикистон ва Покистон доир мегардад
Дар Душанбе Лоиҳаи дуюми мукаммалгардонии идоракунии молияи давлатӣ баррасӣ гардид
Дар Сингапур имконияти ҳамкории дуҷониба бо Тоҷикистон баррасӣ шуд
Пагоҳ дар вилояти Хатлон Форуми байналмилалии сармоягузорӣ доир мегардад
Дар Боку бо ташаббуси ҷониби Тоҷикистон оид ба мониторинги криосфера ва ҳамкорӣ барои тақсимоти захираҳои обӣ чорабинии канорӣ доир шуд
Ҳайати Тоҷикистон дар Форуми тиҷоратӣ-сармоягузории кишварҳо дар шаҳри Сингапур иштирок намуд
Дар Тоҷикистон Барномаи «Маблағгузории занҷираи арзиши агросектор» ҷамъбаст гардид
Ҷалби сармоягузории мустақими Ҷумҳурии Сингапур ба Ҷумҳурии Тоҷикистон баррасӣ карда шуд
Дар «Фестивал-намоиш ва фурӯши чорвои зотӣ» дастовардҳои соҳаи чорводорӣ муаррифӣ гардиданд
