Дар Бонки миллии Тоҷикистон пешгирии омилҳои коррупсионӣ ва муқобилияти дастҷамъона бо он баррасӣ шуд

Май 3, 2024 15:59

ДУШАНБЕ, 03.05.2024 /АМИТ «Ховар»/. Коррупсия яке аз зуҳуроти номатлуб ва доғи рӯз буда, пешгирии он омӯзиши ҷиддӣ ва муқобилияти дастҷамъонаро талаб менамояд.  Ин нуктаро муовини раиси Бонки миллии Тоҷикистон Сироҷиддин Икромӣ дар ҷамъомаде, ки дар Бонки миллии Тоҷикистон доир ба пешгирии амалҳои коррупсионӣ ва фароҳам овардани фазои оштинопазир бар зидди ин амали номатлуб бо иштироки масъулини Агентии назорати давлатии молиявӣ ва мубориза бо коррупсияи ҷумҳурӣ  доир гардид, иброз намуд.

АМИТ «Ховар» бо истинод ба Бонки миллии Тоҷикистон иттилоъ медиҳад, ки дар ҷамъомад таъмини иҷрои Фармони Президенти Ҷумҳурии Тоҷикистон дар бораи «Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030», татбиқи муқаррароти қарори Ҳукумати Ҷумҳурии Тоҷикистон «Дар бораи тасдиқи Методологияи тартиб ва методикаи гузаронидани таҳлили фаъолият (хавфҳои коррупсионӣ)» ва «Нақшаи чорабиниҳои муқовимат ба коррупсия дар Бонки миллии Тоҷикистон барои соли 2024» баррасӣ гардид.

Таъкид шуд, ки яке аз самтҳои афзалиятноки сиёсати Ҳукумати мамлакат паст кардани шиддати коррупсия буда, мубориза бо амалҳои дорои хусусияти коррупсионӣ ва коҳиш додани хатари коррупсия дар ҷомеа аз шаҳрвандон масъулияти зиёд талаб менамояд.

Дар самти иҷрои муқаррароти ин методология аз ҷониби Бонки миллии Тоҷикистон мунтазам кор бурда мешавад. Аз ҷумла, бо мақсади пурзӯр намудани заминаи меъёрии ҳуқуқии низоми бонкӣ ва танзими муносибатҳои соҳаи бонкӣ санадҳои меъёрии ҳуқуқӣ таҳияву такмил ёфта, тағйиру иловаҳо ворид карда шуданд. Методология аз ҷониби кормандон пайваста мавриди омӯзиш ва корбарӣ қарор дошта, корҳои ташвиқотиву тарғиботӣ дар самти баланд бардоштани маърифати зиддикоррупсионӣ минбаъд низ ба таври муассир ба роҳ монда мешаванд.

Иштирокдорон оид ба хавфҳои коррупсия, пешгирии омилҳои коррупсионӣ, дарки зарару оқибатҳои ногувори ин зуҳуроти нангин, хавфи рух додани чунин ҳолатҳо дар низоми бонкӣ, талаботи қонунгузории зиддикоррупсионӣ, роҳ надодан ба чунин амалҳо ва  вусъати ҳисоббаробаркуниҳои ғайринақдӣ бо мақсади аз байн бурдани омилҳои инсонӣ, баланд бардоштани маърифати зиддикоррупсионию ҳуқуқӣ ибрози назар намуданд.

АКС: Бонки миллии Тоҷикистон

Май 3, 2024 15:59

Хабарҳои дигари ин бахш

Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
ҚУРБИ АСЪОР: дар Тоҷикистон 1 евро аз 11.1532 то 11.2000 сомонӣ муқаррар шудааст
Дар Неругоҳи барқи обии «Роғун» роботи махсуси кафшерӣ ба истифода дода шуд
ҚУРБИ АСЪОР: дар Тоҷикистон 1 рубли русӣ аз 0.1198 то 0.1220 сомонӣ муқаррар шудааст
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид