Дар Душанбе баргузории намоишгоҳҳои рассомон дар Тоҷикистон ва Олмон баррасӣ шуд
ДУШАНБЕ, 03.05.2024. /АМИТ «Ховар»/. Зимни мулоқоти Раиси Кумитаи рушди сайёҳии назди Ҳукумати Ҷумҳурии Тоҷикистон ва намояндаи ташкилоти олмонии «Art & Culture International» аз ҷониби роҳбарияти Кумита оид ба имконияти сайёҳӣ, таърих, фарҳанг ва нигораву бозёфтҳои нодиру қадимӣ, ки аз мавзеъҳои гуногуни Тоҷикистон ёфт шуда, ба ҷалби сайёҳон замина мегузоранд, маълумот дода шуд. Дар ин хусус АМИТ «Ховар» бо истинод ба ин кумита хабар медиҳад.
Зимни суҳбат оид ба баргузории намоишгоҳҳои рассомони тоҷик дар Олмон ва рассомони олмонӣ дар Тоҷикистон, инчунин ташкили Намоишгоҳи байналмилалии рассомӣ дар шаҳри Душанбе ибрози назар карда шуд. Изҳор гардид, ки ташкили чунин чорабиниҳои сатҳи баланд ба ҷалби бештари гардишгардон мусоидат менамояд.
Бояд гуфт, ки «Art & Culture International» ташкилоти ғайритиҷоратӣ буда, дар лоиҳаҳои санъат ва фарҳанг вобаста ба санъати тасвирӣ ва иҷроӣ, инчунин дар бахши мусиқӣ ҳам дар Олмон ва ҳам дар хориҷа иштирок менамояд. Ҳадафи он мусоидат ба табодули фарҳанги миллӣ ва байналмилалӣ, афкори байналмилалӣ байни рассомон, инчунин таблиғ ва нашри китобҳо мебошад.
Инчунин «Art & Culture International» вохӯриҳои рассомон ва меҳмонони миллатҳои гуногунро бо лоиҳаҳои гуногуни фарҳангӣ, аз қабили намоишгоҳҳо, сафарҳои консертӣ доир ва дастгирӣ намуда, бо роҳи табодули барномаҳои минтақавӣ ва байналмилалии фарҳангӣ ба муколамаи фарҳангҳо мусоидат мекунад.
АКС: Кумитаи рушди сайёҳии назди Ҳукумати Ҷумҳурии Тоҷикистон
Тоҷикистон ва Қатар роҳҳои густариши ҳамкорӣ дар соҳаи авиатсияи гражданиро баррасӣ карданд
Дар Тоҷикистон тайи ду даҳсолаи охир беш аз чор миллион ҷойи кор таъсис ва барқарор гардидааст
Дар Душанбе Муколамаи минтақавии кишварҳои Осиёи Марказӣ таҳти унвони «80 миллион нафар, 5 кишвар, 1 овоз» доир гардид
Дар Форуми байналмилалии «Хатлон инвест-2025» байни ширкату корхонаҳои истеҳсолию саноатӣ санадҳои нави ҳамкорӣ ба имзо мерасанд
Ҳайати Тоҷикистон дар ҷаласаи умумии солонаи аъзоёни Шабакаи байниидоравии Камден иштирок намуд
БАРНОМАИ КАБУДИРЗОРКУНӢ. Дар доираи ин барнома дар Тоҷикистон ҳудуди ду миллиард дарахт шинонида мешавад
ШАРШАРАҲОИ ЗЕБОИ БАЛҶУВОН. Табиати нотакрори ин минтақаро беш аз 45 ҳазор сайёҳон тамошо карданд
Дар Маркази тадқиқоти стратегӣ вазъи соҳаи роҳу нақлиёт ва таҳлили сатҳи рақамикунонии соҳа баррасӣ гардид
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Пулҳои коғазии ҷашнӣ бо арзиши номиналии 100 сомонӣ ба муомилот бароварда шуд
Даромади буҷети давлатӣ барои соли 2026 дар ҳаҷми 65 миллиард сомонӣ пешбинӣ шудааст
РУШДИ САНОАТ. Дар Тоҷикистон ҳамасола зиёда аз 4,4 миллион тонна семент истеҳсол мегардад
