Дар ноҳияи Исмоили Сомонии пойтахт Рӯзи ҷавонон бо шаҳомати хосса таҷлил карда шуд
ДУШАНБЕ, 24.05.2025 /АМИТ «Ховар»/. Ҷавонони саодатманди мамлакат имрӯз дар ҳамаи соҳаҳои ҳаёти хоҷагии халқ ба дастовардҳои назаррас ва муваффақияти калон ноил шуда, барои баланд бардоштани ному мақоми ҷумҳурии соҳибистиқлоламон талош меварзанд. Ин матлаб 23 май зимни баргузории ҳамоиши фарҳангӣ бахшида ба Рӯзи ҷавонони Тоҷикистон, ки бо ташаббуси Мақомоти иҷроияи ҳокимияти давлатии ноҳияи Исмоили Сомонии пойтахт дар «Боғи фарҳангӣ – фароғатии ба номи Садриддин Айнӣ» доир шуд, баён гардид.
Иброз гардид, ки ҷавонони Тоҷикистон шарафу номуси ватандӯстӣ ва ормонҳои халқамонро ҳамеша шиори зиндагиву фаъолият қарор дода, дар татбиқи ҳадафҳои стратегии мамлакат боз ҳам бештар заҳмат мекашанд ва барои рушди устувори Ватани азизамон минбаъд низ саҳми арзанда мегузоранд.
Гуфта шуд, ки аз ҷониби Ҳукумати мамлакат ва бо роҳбарии Асосгузори сулҳу ваҳдати миллӣ-Пешвои миллат, Президенти Тоҷикистон муҳтарам Эмомалӣ Раҳмон тамоми шароит барои насли ояндасозу ватанпараст барои зиндагиву фаъолияти шоиста муҳайё гардидааст. Таъсиси Стипендияи президентӣ барои хонандагони муассисаҳои таҳсилоти миёна, квотаи президентӣ барои таҳсили духтарону ҷавонони ноҳияҳои дурдаст дар муассисаҳои таҳсилоти олӣ, таҳсили ҷавонон дар мактабҳои олии хориҷи мамлакат аз ҳисоби Фонди Президенти ҷумҳурӣ, ҷоизаи Президенти Тоҷикистон ба ғолибону ҷоизадорони мусобиқаҳои байналмилалии варзишӣ ва ба ин монанд номгӯи таваҷҷуҳи Пешвои миллат муҳтарам Эмомалӣ Раҳмон ба қишри фаъоли ҷомеаро метавон номбар намуд.
Дар ҳамоиш барномаи хотирмони фарҳангӣ бо суруду оҳангҳои ҷаззоб пешниҳоди иштирокдорон гардонида шуд.
АКС: Мақомоти иҷроияи ҳокимияти давлатии ноҳияи Исмоили Сомони
Пагоҳ дар Агентии хизмати давлатӣ, Хадамоти назорати давлатии бехатарии корҳо дар саноат ва соҳаи кӯҳкорӣ, Академияи идоракунии давлатӣ ва Саридораи геология нишасти матбуотӣ баргузор мегардад
Вазорати энергетика: «Воридот ва нархи гази моеъ таҳти назорати мақомоти ваколатдори соҳа қарор дорад»
«ФАЙЗИ ИСТИҚЛОЛ». Дар басти сеюми ин лагер 410 кӯдаку наврас ба истироҳат фаро гирифта шуд
Суҳбат дар баландӣ. Сокинони ВМКБ бо топ-менеҷерони ширкати «МегаФон Тоҷикистон» мулоқот намуданд
Дар Кӯлоб вобаста ба саҳми шуроҳои ҷамъиятӣ дар амалишавии ислоҳоти милитсия ҳамоиш баргузор шуд
Имрӯз дар Тоҷикистон ҳавои тағйирёбанда пешгӯӣ шудааст
Бо иқдоми соҳибкорони ватанӣ заминҳои кишоварзии ноҳияи Деваштич обёрӣ гардиданд
Таътили тобистонаи хонандагон дар истироҳатгоҳи омӯзишии «Истиқлол»-и назди Донишгоҳи давлатии Кӯлоб бофароғат мегузарад
Имрӯз дар шаҳри Душанбе ҳаво то 39 дараҷа гарм мешавад
Ғиёсиддин Ашӯрзода раиси Ҳизби ислоҳоти иқтисодии Тоҷикистон интихоб гардид
