Дар Осорхонаи миллӣ маҳфили «Шоҳномахонӣ» баргузор гардид
ДУШАНБЕ, 02.05.2024 /АМИТ «Ховар»/. Бо мақсади огоҳии ҳарчи бештари ҷавонон аз таъриху фарҳанги ниёгон ва баланд бардоштани маърифати суханварии кормандон дар Осорхонаи миллии Тоҷикистон маҳфили илмӣ-фарҳангии «Шоҳномахонӣ» баргузор гардид. Дар ин хусус ба АМИТ «Ховар» сардори шуъбаи методӣ ва омода намудани кадрҳои илмии Осорхонаи миллии Тоҷикистон Алишер Зарипов иттилоъ дод.
Дар маҳфил доир ба мақому манзалати шоҳасари безаволи ҳаким Абулқосим Фирдавсӣ «Шоҳнома» ва нақши он дар адабиёти оламшумули халқи тоҷик сухан гуфта шуд.
Ҳамзамон иброз гардид, ки иқдоми шоиста ва наҷибе, ки дар замони соҳибистиқлолии Тоҷикистон амалӣ мешавад, ин аз ҷониби Президенти Ҷумҳурии Тоҷикистон муҳтарам Эмомалӣ Раҳмон нашр гардидани шоҳасари Абулқосим Фирдавсӣ «Шоҳнома» мебошад.
Бояд гуфт, ки Президенти Ҷумҳурии Тоҷикистон 5 декабри соли 2023 зимни суханронӣ дар Симпозиуми байналмилалии илмӣ ба ифтихори 115-солагии аллома Бобоҷон Ғафуров ба хотири огоҳии ҳарчи бештари мардум аз таъриху фарҳанг ва тамаддуни аҷдодон дастур доданд, ки «Шоҳнома»-и безаволи Абулқосим Фирдавсӣ чоп ва ба тамоми мардуми мамлакат дастрас шавад.
Дар маҳфили «Шоҳномахонӣ» аз ҷониби ходимони илмии Осорхонаи миллӣ аз «Шоҳнома»-и безаволи Абулқосим Фирдавсӣ достонҳо бо маҳорати баланд қироат гардиданд.
Дар анҷоми маҳфили «Шоҳномахонӣ» роҳбарияти Осорхонаи миллӣ ҳамагонро ба омӯзишу тарғиби ин шоҳасар ҳидоят намуданд.
Пешниҳод карда шуд, ки ба ифтихори ҳифзи хотиpаи таъpихӣ, бyзypгдошти забон ва меpоси фаpҳангӣ маҳфили илмӣ-фарҳангии «Шоҳномахонӣ» чун анъана охири ҳар моҳ дар сатҳи баланд баргузор гардад.
АКС: Осорхонаи миллии Тоҷикистон
Ҳайати мақомоти зиддикоррупсионии Узбекистон бо таъриху фарҳанги миллати тоҷик шинос шуд
Китоби академик Фарҳод Раҳимӣ доир ба ташаббусҳои Президенти Тоҷикистон, пиряхҳо ва иқлим ба нашр расид
Дар Маркази рушди инноватсионии илм ва технологияҳои нав системаи гармидиҳӣ насб мегардад
Ҷаласаи Кумитаи тадорукоти Синамоҷашнвораи дуюми байналмилалии Душанбе «Тоҷи Сомон» баргузор гардид
НИШАСТИ МАТБУОТӢ. Имсол Донишкадаи давлатии санъати тасвирӣ ва дизайни Тоҷикистонро 332 донишҷӯ хатм намуд
Банаворгирии филми муштараки Тоҷикистону Узбекистон бо номи «Дурахши ахтарон: Ҷомӣ ва Навоӣ» оғоз ёфт
«ПЕШВО, ҲИЗБ, МИЛЛАТ». Бахшида ба 30-солагии таъсиси ҲХДТ андешаҳои шахсиятҳои шинохтаи дунё ба нашр расид
НИШАСТИ МАТБУОТӢ. Донишҷӯёни Консерваторияи миллӣ дар озмунҳои байналмилалӣ ҷойҳои намоёнро гирифтанд
Дар муассисаҳои илмию таҳқиқотии Академияи миллии илмҳои Тоҷикистон 8 озмоишгоҳи нав ба истифода дода шуд
НИШАСТИ МАТБУОТӢ. Донишкадаи давлатии фарҳанг ва санъати Тоҷикистон ихтисоси «Омӯзгорони томактабӣ» таъсис медиҳад
Дӯстӣ пойдор бошад, комёбиҳо бештар мегарданд. Эҳдо ба Рӯзи байналмилалии дӯстӣ
Китоби «Фурӯғи худшиносии миллӣ» ба нашр расид
