Имсол кишоварзони Тоҷикистон дар зиёда аз 440 ҳазор гектар кишти баҳории зироат мегузаронанд
ДУШАНБЕ, 18.05.2024 /АМИТ «Ховар»/. Тибқи нақша, имсол дар Тоҷикистон дар 440 ҳазору 727 гектар кишти баҳории зироат гузаронида мешавад. То 13 май дар хоҷагиҳои ҷамоавӣ ва деҳқонӣ дар зиёда аз 395 ҳазор гектар кишти баҳории зироат гузаронида шудааст. Дар ин хусус ба АМИТ «Ховар» дар Вазорати кишоварзии мамлакат хабар доданд.
Ба иттилои манбаъ, майдони киштшударо ғалладонагиҳо, зироати техникӣ, равғандеҳ, полезӣ, сабзавот ва хӯроки чорво ташкил медиҳанд.
Коршиноси Институти зироаткории Академияи илмҳои кишоварзии Ҷумҳурии Тоҷикистон, доктори илмҳои кишоварзӣ Назрулло Тошалиев ба хабарнигори АМИТ «Ховар» иброз намуд, ки агар мо заминро самаранок истифода намоем, аз як замин ду ҳосил не, балки чор ҳосил низ гирифтан мумкин аст.
«Баъд аз ҷамъоварӣ намудани ҳосили картошка ва пиёз мо метавонем дар ин замин зироати донагӣ парвариш намоем ва дар қаторҷӯйҳои он кишти офтобпараст гузаронем. Пас аз ҷамъоварии зироати донагӣ кишоварзон ҷуворимакка кишт намуда метавонанд, ки ин ҳам барои дон ва ҳам хӯроки чорво зироати муфид аст»,- гуфт ҳамсуҳбати мо.
Мавсуф иброз дошт, ки яке аз шартҳои муҳим- ин киштгардон мебошад. Агар дар як замин ду ё се сол як зироатро кишт намоем, ҳосили он кам мегардад. Инчунин мо бояд маданияти заминдориро баланд бардорем, ба холӣ мондани заминҳои корам роҳ надиҳем, аз ҳар қитъа замин, аз ҷумла қитъаҳои замини наздиҳавлигӣ самаранок истифода карда, аз заминҳои обӣ гирифтани се ва ҳатто чор ҳосил, яъне кишти такрориро васеъ ҷорӣ кунем ва ҳарчи бештар маҳсулот истеҳсол намоем.
Назрулло Тошалиев иброз медорад, ки «Як рӯзи баҳор- пур кунад анбор», яъне бояд аз ин рӯзҳо хуб истифода намуд. Инчунин зироати киштшударо бояд хуб нигоҳубин намуд ва додани нуриҳои минералӣ ё органикиро фаромӯш набояд кард.
АКС аз бойгонӣ
«ДУШАНБЕ-КУЛМА». Бо кумаки молиявии Чин яке аз мушкилтарин қитъаҳои ин шоҳроҳ — «Қалъаихумб-Ванҷ-Рӯшон» таҷдид мегардад
Чин дар ҷануби Тоҷикистон неругоҳҳои офтобӣ ва шамолӣ месозад
Эмомалӣ Раҳмон: «Бунёду таҷдиди роҳ дар минтақаи «Қалъаихумб – Ванҷ – сарҳади ноҳияи Рӯшон» долони транзитии «Чин-Тоҷикистон-Узбекистон-Туркманистон-Эрон-Туркия»-ро такмил хоҳад бахшид»
Пешвои миллат: «Тоҷикистон аз иштироки фаъолонаи соҳибкорони Чин ҷиҳати бунёди паркҳои саноатӣ, ҷалби технологияҳои нав ва истеҳсолоти калонҳаҷми муштарак истиқбол хоҳад кард»
Эмомалӣ Раҳмон: «Чин аз шарикони муҳимтарини тиҷоратии Тоҷикистон боқӣ мемонад»
ЗАРДОЛУИ ТОҶИКИСТОН. Содироти ин мева сол то сол меафзояд
Дар Душанбе ҳамкории Тоҷикистон ва Хазинаи байналмилалии асъор баррасӣ гардид
Дар Душанбе вохӯрии вазирони молияи Тоҷикистону Қирғизистон доир шуд
ЧИН — ШАРИКИ БОЭЪТИМОДИ ТОҶИКИСТОН. Дар ҷумҳурӣ беш аз 700 ширкат бо сармояи чинӣ фаъолият дорад
ТАЪМИНИ АМНИЯТИ ОЗУҚАВОРӢ. Кишоварзони ноҳияи Бобоҷон Ғафуров дар майдони 4 ҳазор гектар кишти такрорӣ мегузаронанд
Вазири молия: «Нишондиҳандаҳои рушди иҷтимоию иқтисодии Тоҷикистон тамоюл ба самти рушди мусбӣ доранд»
Ҳайати соҳибкорони Шоҳигарии Арабистони Саудӣ ба Тоҷикистон меояд
