Рӯзҳои синамои Тоҷикистон дар Озарбойҷон доир шуд

Май 25, 2024 13:44

ДУШАНБЕ, 25.05.2024 /АМИТ «Ховар»/. Аз 20 то 23 май Рӯзҳои синамои Тоҷикистон дар Озарбойҷон баргузор гардид.  Рӯзҳои синамои Ҷумҳурии Тоҷикистон дар Озарбойҷон бо намоиши филми ҳунарии классикии «Рустам ва Суҳроб» оғоз шуд. Дар ин  хусус ба АМИТ «Ховар» дар Муассисаи давлатии «Тоҷикфилм» хабар доданд.

Дар расми ифтитоҳи ин рӯзҳо  таъкид гардид, ки баргузории Рӯзҳои синамои Тоҷикистон имкон фароҳам меорад, то робитаю  ҳамкорӣ дар соҳаи синамо, табодули таҷриба, офаридани филмҳои муштарак ва намоиши филмҳои ватанӣ ба алоқамандони синамо ба роҳ монда шавад.

Ҷониби Озарбойҷон таҳкиму тақвияти ҳамкорӣ дар соҳаи синамо байни синамогарони тоҷику озарро амри зарурӣ ва муҳим арзёбӣ намуда, тазаккур дод, ки робитаю муносиботи Тоҷикистону Озарбойҷон, бахусус ҳамкории судманди синамогарон решаҳои амиқи таърихӣ доранд.

«Моро месазад, то ин ҳамкориро боз ҳам ҷоннок намоем, аз ҳамдигар биомӯзем ва таҳияи филмҳои муштаракро оғоз бахшем, ки ба манфиати ҳар ду миллат ва синамогаронамон хоҳад буд», — иброз доштанд ҳайати филмофарони Озорбойҷон.

Дар идома табодул ва тақдими туҳфаҳои хотиравӣ байни ҳайатҳои ҳар ду ҷониб анҷом дода шуд.


Давоми чор рӯз барои  ҳаводорону алдоқамандони синамо филмҳои тоҷик, ба монанди филми ҳунарии классикии «Рустам ва Суҳроб»-и коргардон Борис Кимёгаров, филмҳои ҳунарии «Дов»-и коргардон Муҳиддин Музаффар, «Оинаи беҷило»-и коргардон Носир Саидов ва филми мустанади «Шинохти Саразм»-и коргардон Рустам Сатторзода намоиш дода шуд.

Филмҳо дар Маркази синамои ба номи «Низомӣ»-и шаҳри Боку намоиш дода шуд.

Дар доираи чорабинӣ мулоқоту вохӯриҳои судманди синамогарони тоҷик бо ҳамтоёни озариашон баргузор шуд.

Рӯзҳои синамои Тоҷикистон 23 май бо намоиши филми ҳунарии «Оинаи беҷило» анҷом ёфт.

 

АКС: Муассисаи давлатии «Тоҷикфилм»

Май 25, 2024 13:44

Хабарҳои дигари ин бахш

Бахшида ба 100-солагии адабиётшиноси маъруфи тоҷик Соҳиб Табаров ҳамоишу маҳфилҳои илмӣ-адабӣ доир мешаванд
Донишкадаи умумирусиягии кинематографияи ба номи Сергей Герасимови шаҳри Москва қабули довталабонро эълон намуд
«Нурворизм» ва «Танворизм» -«Ду равияи як рассом». Дар Осорхонаи миллӣ намоиши асарҳои рассом Зокир Собиров ифтитоҳ гардид
Коллеҷи хореографӣ ба номи Малика Собирова дар соли нави хониш ба истифода дода мешавад
«ТОҶИКОНА МЕПӮШЕМ». Ҳадафи ин иқдом тарғиби либоси миллӣ ва ҷалби тарроҳон ба муосиргардонии он мебошад
«САҲМИ ИБНИ СИНО ДАР ТАШАККУЛИ ТИББИ ҚАДИМ ВА МУОСИР: ОСОРИ ИЛМӢ, ТАҶРИБА ВА НАЗАРИЯ». Таҳти ин унвон дар Русия озмуни мақолаи беҳтарин эълон гардид
Филми «Дар талоши ҳақиқат» аввалин маротиба дар синамоҷашнвораи «Дебют»-и Амрико иштирок мекунад
Агентии миллии иттилоотии Тоҷикистон «Ховар» ҳамкориро бо рӯзномаи «Жэнмин Жибао»-и Чин тақвият мебахшад
Байни Агентии миллии иттилоотии Тоҷикистон «Ховар» ва Медиакорпоратсияи «CMG»-и Чин Ёддошти тафоҳуми ҳамкорӣ ба имзо расид
«ҲУНАР ОМӮЗ…». Дар ин озмун беҳтарин даврии чакан ба намоиш гузошта шуд
Меҳмонон аз Ҷумҳурии Мардумии Чин Осорхонаи миллии Тоҷикистонро тамошо карданд
Дар Муассисаи давлатии «Боғи Ирам»-и шаҳри Душанбе даврии ниҳоии Озмуни ҷумҳуриявии «Ҳунар омӯз…» оғоз шуд