Дар Душанбе масъалаи кумаки бебозгашти техникии Чин ба Хадамоти гумруки Тоҷикистон баррасӣ гардид
ДУШАНБЕ, 21.06.2024 /АМИТ «Ховар»/. Масъалаи кумаки бебозгашти техникии Чин ба Хадамоти гумруки Тоҷикистон дар мулоқоти муовини якуми сардори Хадамоти гумруки назди Ҳукумати Ҷумҳурии Тоҷикистон Азим Турсунзода бо намояндагони Вазорати савдои Ҷумҳурии Мардумии Чин ва ширкати технологии «НУКТЕК»-Чин дар Душанбе баррасӣ гардид. Дар ин хусус ба АМИТ «Ховар» дар Хадамоти гумруки назди Ҳукумати Ҷумҳурии Тоҷикистон хабар доданд.
Тибқи иттилои манбаъ, дар асоси «Мубодилаи ёддоштҳо оид ба пешниҳоди таҷҳизоти муоинаи гумрукӣ байни Ҳукумати Ҷумҳурии Тоҷикистон ва Ҳукумати Ҷумҳурии Мардумии Чин», ки 13 октябри соли 2018 ба имзо расонида шуда буд, аз ҷониби Ҷумҳурии Мардумии Чин таҷҳизоти муоинаи гумрукӣ дар моҳи январи соли 2020 ба Хадамоти гумрук тақдим гардид.
Таҷҳизоти муоинаи гумрукии ширкати «NUCTECH COMPANY LIMITED»-и Чин, аз 8 номгӯй ва 146 адад иборат буда, насб ва васл намудани ин таҷҳизот аз ҷониби мутахассисони чинӣ дар гумрук ва дидбонгоҳҳои гумрукии Хадамоти гумрук ба анҷом расонида шуда, ҷониби чинӣ кафолат ва хизматрасонии ин таҷҳизотро дар муҳлати ду сол аз санаи насби онҳо, ба зимма гирифта буд ва ин марҳила айни ҳол ба анҷом расидааст. Аз ин рӯ, намояндагони Чин аз раванди муоинаи гумрукӣ, ки бо истифода аз технологияҳои чинӣ анҷом дода мешавад, аз наздик шинос шуданд.
Гуфта шуд, ки вохӯрии мазкур дар тақвият ва густариши ҳамкории гумрукӣ заминаи мусоид фароҳам хоҳад овард.
Ҷонибҳо масъалаи густариши ҳамкориро муҳим арзёбӣ намуда, ҷиҳати фароҳам овардани шароити мусоид дар самти фаъолияти гумрукӣ масъалагузорӣ карданд.
Таъкид гардид, ки баъди насби таҷҳизоти техникии чинӣ иқтидори назоратии гузаргоҳҳои наздисарҳадии гумрукӣ тақвият ёфта, инфрасохтори гумрукие, ки ба талаботи умумиэътирофшудаи байналмилалӣ ҷавобгӯ мебошад, фароҳам оварда шудааст.
Бо дарназардошти имкониятҳои мавҷудаи байни давлатҳо, ҷонибҳо ба хулоса омаданд, ки ҷиҳати пешбурди раванди корӣ дар сатҳи дахлдор ташкил ва татбиқи лоиҳаҳои нави ҳамкориро бояд шуруъ намоянд.
Ҳайати намояндагони Чин инчунин бо раванди фаъолияти дидбонгоҳи терминали №1 дар шаҳри Душанбе шинос шуданд.
АКС: Хадамоти гумруки назди Ҳукумати Ҷумҳурии Тоҷикистон
ИСЛОҲОТ ДАР НИЗОМИ ИҶОЗАТДИҲӢ. Тоҷикистон фазои маъмуриро барои соҳибкорону сармоягузорон мусоидтар намуд
Дар Тоҷикистон кадом бахши кишоварзӣ аз андоз аз арзиши иловашуда ва боҷи гумрукӣ пурра озод мебошад?
ЭНЕРГИЯИ «САБЗ». Дар Тоҷикистон аз ҷониби ширкати саудии «Аcwa Power» неругоҳҳои офтобӣ сохта мешаванд
Лоиҳаи «Барномаи давлатии рушди инноватсионии соҳаи пахтакорӣ барои солҳои 2026-2030» таҳия мегардад
Роҳи мошингарди «Айнӣ – Кӯҳистони Мастчоҳ» навсозӣ мешавад
НЕРУГОҲИ ОФТОБӢ. Ширкати «Mаsdar» дар Тоҷикистон чунин неругоҳро бо иқтидори 400 мегаватт бунёд менамояд
Лоиҳаи Барномаи нави саноатикунонии босуръати Тоҷикистон барои солҳои 2026-2030 таҳия мегардад
ЭНЕРГИЯИ «САБЗ». Дар Тоҷикистон нахустин лоиҳаи неругоҳи офтобӣ бо иқтидори 500 МВт татбиқ карда мешавад
Байни Кумитаи ҳифзи муҳити зист ва UNDP оид ба коҳиш додани истифодаи гидрофторкарбонҳо созишнома ба имзо расид
Аз 1 январ раёсат дар Шуро оид ба авиатсия ва истифодаи фазои ҳавоии ИДМ ба Тоҷикистон гузашт
Дар «Саноатсодиротбонк» оид ба нуктаҳои Паёми Президенти Тоҷикистон ба Маҷлиси Олӣ ҳамоиш доир шуд
Ҳаҷми истеҳсоли маҳсулоти саноатӣ дар Минтақаи озоди иқтисодии «Панҷ» ба 17 миллион сомонӣ баробар гардид
