«МАКТАБИ ВАҲДАТОФАРИИ ПЕШВОИ МИЛЛАТ». Дар Донишгоҳи миллии Тоҷикистон ҳамоиши ҷумҳуриявии илмӣ – назарияӣ баргузор шуд
ДУШАНБЕ, 25.06.2024 /АМИТ «Ховар»/. Имрӯз дар Донишгоҳи миллии Тоҷикистон бахшида ба Рӯзи Ваҳдати миллӣ ҳамоиши ҷумҳуриявии илмӣ – назарияӣ таҳти унвони «Мактаби ваҳдатофарии Пешвои миллат» баргузор шуд. Тавре ба АМИТ «Ховар» дар Донишгоҳи миллии Тоҷикистон хабар доданд, дар ҳамоиш роҳбарияти Донишгоҳ, устодону кормандон ва меҳмонон иштирок намуданд.
Дар ҳамоиш ректори Донишгоҳи миллӣ Эмомалӣ Насриддинзода таъкид намуд, ки раванди сулҳи тоҷикон воқеаи басо беназир ва омӯзанда аст, ки сабақҳои арзишманди он на танҳо дар дохили Тоҷикистон, балки берун аз он дар саросари ҷаҳон мавриди қабул ва омӯзиш қарор гирифт.
«Пешвои муаззами миллат иброз медоранд: «Ваҳдат барои мо як вожа ва калимаи одӣ нест, балки номаи тақдири мо, шарти пешрафти кишварамон ба сӯйи ояндаи ободу осуда ва муҳимтар аз ҳама, кафили сарҷаъмию хушбахтии имрӯзу ояндаи халқамон аст», ёдоварӣ шуд дар ҳамоиш.
Тазаккур дода шуд, ки сулҳу ваҳдати тоҷикон собит намуд, ки дар ҳалли ҳар гуна моҷаро, зиддиятҳои иҷтимоиву гурӯҳӣ ва қавмию миллӣ нақши шахсияти таърихӣ барҷаста аст.
Вобаста ба нақши Асосогузори сулҳу ваҳдати миллӣ – Пешвои миллат, Президенти Ҷумҳурии Тоҷикстон муҳтарам Эмомалӣ Раҳмон дар рушди давлатдории миллӣ иброз гардид, ки Ваҳдати миллӣ ҳамчун омили муттаҳидсозандаи тамоми мардуми Тоҷикистон шароит фароҳам овард, ки бо истифодаи арзишҳои аз ҷониби ҷомеаи ҷаҳонӣ эътирофшуда дар ҷумҳурӣ таҳкурсии ташаккули ҷомеаи шаҳрвандӣ гузошта шавад ва барои беҳтар гардидани сатҳи зиндагии мардум, ободӣ ва ояндаи давлати соҳибистиқлол заминаи мусоид муҳайё гардад.
Дар идомаи ҳамоиш оид ба моҳият ва аҳамияти ваҳдати миллӣ, барқароршавии сулҳ ва амнияту осоиш дар ҷумҳурӣ, зарурат ва ҳифзи сулҳу ваҳдати бо заҳматҳои зиёд бадастомада, таъмини якпорачагии сарзамини тоҷикон ибрози назар карда шуд.
Таъкид гардид, ки маҳз бо шарофати ваҳдати миллӣ дар Тоҷикистон заминаҳои рушду пешрафт фароҳам омада, ҷумҳурӣ ба дастовардҳои назарраси сиёсиву иқтисодӣ ва фарҳангӣ ноил шуд.
Ҳамзамон иштирокчиёни дигар дар бораи ваҳдати миллӣ ва нақши Пешвои миллат дар эҳёи он ибрози андеша намуда, аз ашъори бузургони сухан шеърҳо қироат карданд.
АКС: Донишгоҳи миллии Тоҷикистон
Дар Донишгоҳи технологии Тоҷикистон вобаста ба нақши ихтирооту навоварӣ дар рушди иқтисоди миллӣ конференсия доир шуд
Дар дурдасттарин деҳаи Қаратоғ бинои нави муассисаи таълимӣ бунёд карда мешавад
Дар Душанбе оид ба ояндаи таҳсилоти эҷодӣ ва дизайн конференсияи байналмилалӣ баргузор шуд
Дар мавзуи ҷавонон ва ҷаҳони муосир конференсияи ҷумҳуриявӣ баргузор шуд
Ҳамкории Донишгоҳи байналмилалии сайёҳӣ ва соҳибкории Тоҷикистон ва Донишгоҳи гуманитарии шаҳри Екатеринбург тақвият меёбад
СОҲИБКОРОНИ ВАТАНДӮСТ. Бо ташаббуси онҳо дар Хатлон сохтмони муассисаҳои таҳсилоти томактабӣ идома дорад
«ИЛМ-ФУРӮҒИ МАЪРИФАТ». Дар шаҳри Хуҷанд даври якуми озмуни ҷумҳуриявӣ идома дорад
Ректори Донишгоҳи байналмилалии сайёҳӣ ва соҳибкории Тоҷикистон дар Форуми ректорони муассисаҳои таҳсилоти олии касбӣ иштирок намуд
Донишгоҳи байналмилалии сайёҳӣ ва соҳибкории Тоҷикистон ва Донишгоҳи давлатии иқтисодии Урал ҳамкориро таҳким мебахшанд
Ба кормандони Кумита оид ба таҳсилоти ибтидоӣ ва миёнаи касбӣ муқаррароти Қонуни Тоҷикистон «Дар бораи муқовимат ба коррупсия» тавзеҳ дода шуд
Дар Коллеҷи махсусгардонидашудаи шаҳри Бохтар вобаста ба саҳми иқтисоди рақамӣ ва инноватсия ҳамоиш доир шуд
Вобаста ба тибби сайёҳӣ ва нақши он дар рушди илмҳои табиатшиносӣ ва дақиқ конфронси байналмилалӣ доир шуд
