Рӯзи шанбе дар милитсияи Хатлон «Рӯзи театр» эълон гардид
ДУШАНБЕ, 08.06.2024 /АМИТ «Ховар»/. Роҳбарияти Раёсати Вазорати корҳои дохилӣ дар вилояти Хатлон дар мақомоти милитсияи вилоят рӯзи шанберо «Рӯзи театр» эълон намуда, тибқи нақшаи таҳиягардида кормандони мақомот ба тамошои саҳнаҳои театрӣ ба театри вилоятӣ ба номи Ато Муҳаммадҷонови шаҳри Бохтар мераванд. Дар ин хусус АМИТ «Ховар» бо истинод ба Раёсати Вазорати корҳои дохилӣ дар вилояти Хатлон хабар медиҳад.
Тавре дар ба Раёсати Вазорати корҳои дохилӣ дар вилояти Хатлон таъкид намуданд, ин иқдом дар партави сиёсати фарҳангпарваронаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати ғанӣ гардонидани фарҳангу маънавиёти кормандони милитсия, эҳтиром ба ҳунари аҳли фарҳангу адаб, осори ҷаҳонгир ва пурғановати ниёгони тамаддунофари тоҷик, тақвият додани принсипи хушахлоқии кормандони милитсия дар муносибат бо ҷомеа ва баланд бардоштани дониши таърихии кормандони милитсия тавассути барномаҳои театрӣ амали карда мешавад.
Тавре Пешвои фарҳангпарвари миллат муҳтарам Эмомалӣ Раҳмон дар як суханронӣ изҳор доштанд: «Театр ва дар маҷмӯъ фарҳанг дар ҳама давру замон таҷассумгари ҳувияти миллист. Маҳз фарҳанг, забон ва анъанаву суннатҳои нек асолати миллиро пойдору устувор нигоҳ медоранд».
Дар ҳақиқат театр дар ҳар давру замон тарғибгари ғояҳои баланди инсонӣ ва тараннумгари фарҳангу ҳунари асили мардумӣ буда, нақши он дар ташаккули маънавиёти ҷомеа басо муҳим арзёбӣ мегардад.
Тибқи нақшаи таҳиягардидаи Раёсати Вазорати корҳои дохилӣ дар вилояти Хатлон дар навбати аввал ҳайати кормандони Шуъбаҳои Вазорати корҳои дохилӣ дар шаҳрҳои Бохтар ва Левакант ба тамошои саҳнаҳои театрӣ ба театри вилоятӣ ба номи Ато Муҳаммадҷонови шаҳри Бохтар рафтанд.
Ба кормандони милитсия намоишномаи «Аруси хапак», ки аз рӯи асари нависандаи маъруфи тоҷик Ҷумъа Қуддус дар таҳияи Баҳром Қурбонзода рӯи саҳна гузошта шуд, тамошо намуданд.
Воқеан ҳам ҳунармандони театр нақшҳои худро хеле олӣ иҷро намуданд, ки аз тамошои он ҳозирин ба худ ғизои маънавӣ гирифтанд.
АКС: Раёсати Вазорати корҳои дохилӣ дар вилояти Хатлон
Гурӯҳи хабарнигорони Қирғизистон бо мақсади шиносоӣ бо дастовардҳои даврони истиқлол ва иштирок дар тантанаҳои наврӯзӣ ба Тоҷикистон ташриф овард
Эмомалӣ Раҳмон: Ҳифзи Наврӯз – ҳифзи ҳувият ва худшиносии миллати куҳанбунёду тамаддунсози тоҷик мебошад
Эмомалӣ Раҳмон: Ҳамчун ворисони аслии тамаддуни ориёӣ суннатҳои наврӯзиро минбаъд низ пос дорем
КУЛОЛГАРӢ — РАМЗИ ФАРҲАНГИ МИЛЛӢ. Анъанаи истифодаи зарфҳои кулолӣ дар Наврӯз то имрӯз боқӣ мондааст
Эмомалӣ Раҳмон: Наврӯз моро ба некиву накукорӣ даъват мекунад
ГУЛҲОИ ВАТАН ДАР ЧАКАНИ МАН. Ин мероси пурарзиши ниёгон фарҳанг ва таърихи куҳани тоҷиконро инъикос менамояд
Эмомалӣ Раҳмон: Наврӯз ба ягон дину мазҳаб пойбанд нест
Эмомалӣ Раҳмон: Наврӯз яке аз куҳантарин ва пурмазмунтарин ҷашнҳои башарият мебошад
Президенти Тоҷикистон: «Ватани азизи худро сидқан дӯст дорем, ба таърих, забон, фарҳанг ва дигар арзишҳои миллӣ арҷ гузорем»
ИМРӮЗ — РӮЗИ УМУМИҶАҲОНИИ НАЗМ. Дар Тоҷикистон дар ин рӯз базмҳои наврӯзии шеъру суруд баргузор мешаванд
Сарвари давлат: «Ҷанбаи умдаи ҷашни Наврӯз дасти кумак дароз кардан ба ниёзмандон ва хурсанд кардани дили ятимон аст»
