Дар доираи «Лоиҳа оид ба асосҳои рақамӣ дар Ҷумҳурии Тоҷикистон» Ёддошти ҳусни тафоҳум ба имзо расид
ДУШАНБЕ, 03.06.2024 /АМИТ «Ховар»/. Байни Ҳукумати Конфедератсияи Швейтсария, Ҳукумати Ҷумҳурии Тоҷикистон ва Ассотсиатсияи Байналмилалии Рушд дар бораи ҳамкорӣ дар доираи «Лоиҳа оид ба асосҳои рақамӣ дар Ҷумҳурии Тоҷикистон» Ёддошти ҳусни тафоҳум ба имзо расонида шуд.
Тавре АМИТ «Ховар» бо истинод ба Вазорати молияи ҷумҳурӣ хабар медиҳад, баимзорасии Ёддошти ҳусни тафоҳум 2 июл дар «Маҷмааи Хуталон» дар ҳошияи Ҷаласаи гурӯҳи электорати Хазинаи байналмилалии Асъор ва Бонки ҷаҳонӣ баргузор гардид.
Ёддошти мазкурро Вазири корҳои хориҷии Конфедератсияи Швейтсария Игнасио Кассис, Вазири молияи Ҷумҳурии Тоҷикистон Файзиддин Қаҳҳорзода ва ноиби Президенти Бонки ҷаҳонӣ оид ба Аврупо ва Осиёи Марказӣ хонум Антонелла Бассани ба имзо расониданд.
Ёдовар мешавем, ки 2 июл дар «Маҷмааи Хуталон» Ҷаласаи гурӯҳи электорати Хазинаи байналмилалии асъор ва Бонки ҷаҳонӣ баргузор гардид.
Ҷаласа нахустин маротиба дар Ҷумҳурии Тоҷикистон доир гардида, ҷиҳати таҳкими ҳамкорӣ дар доираи мамлакатҳои узви электорат бо мақсади боз ҳам баланд бардоштани нуфузи Тоҷикистон дар арсаи байналмилалӣ ва муаррифии имкониятҳои нави ҳамкорӣ ва сармоягузорӣ мусоидат хоҳад кард.
Дар ҷаласа муовини якуми Сарвазири Ҷумҳурии Тоҷикистон, Роҳбарияти Хазинаи байналмилалии асъор, Бонки ҷаҳонӣ, вазоратҳои молия ва бонкҳои марказии Конфедератсияи Швейтсария, Полша, ҷумҳуриҳои Озарбойҷон, Қазоқистон, Туркманистон, Қирғизистон, Узбекистон, Тоҷикистон ва ғайра иштирок намуданд.
Дар ҷаласа масъалаҳо марбут ба вазъи иқтисодии давлатҳои аъзо, татбиқи сиёсати фискалию монитарӣ ва дигар масъалаҳои муҳими иқтисодӣ мавриди баррасӣ ва муҳокима қарор дода шуданд.
АКС: Вазорати молияи Ҷумҳурии Тоҷикистон
Оид ба масъалаҳои идоракунии молияи давлатӣ ҷаласа доир гардид
Дар Душанбе таҳти раёсати ҷониби Тоҷикистон ҷаласаи 48-уми Шурои авиатсия ва истифодаи фазои ҳавоии ИДМ баргузор гардид
Хизматрасониҳои нави электронии андоз ҷорӣ карда шуданд
«ХАТЛОН — САРЗАМИНИ ТАМАДДУНҲО ВА САЁҲАТ». Дар ноҳияи Муъминобод Форум ва намоиши байналмилалии сайёҳӣ доир мегардад
Дар Душанбе ҷаласаи ҷашнии Шурои нозирони Созмони ҳамкории роҳҳои оҳан баргузор мешавад
Азнавбарқароркунии мусофирбарӣ тавассути роҳи оҳан дар хатсайри «Душанбе — Москва» баррасӣ карда шуд
Муовини Сарвазири Тоҷикистон дар ноҳияҳои Хатлон бо корҳои саҳроӣ шинос шуд
Дар Тоҷикистон ҷамъоварии пиёзи барвақтӣ оғоз гардид
Дар Зафаробод дар беш аз 14 ҳазор гектар пунбадона кишт карда мешавад
«Маркази рақамикунонии соҳаи нақлиёт» соҳиби мақоми резиденти IT-Park Dushanbe шуд
Дар Душанбе савдои фаромарзии бекоғаз ва экосистемаи рақамии тиҷорати электронӣ баррасӣ гардид
Ҷаласаи нахустини гурӯҳи кории Тоҷикистону Русия оид ба ҳамкорӣ дар соҳаи рақамикунонӣ ва технологияҳои иттилоотӣ баргузор гардид
