Дар минтақаи Кӯлоб қисми даромади буҷет 106 фоиз иҷро гардид
КӮЛОБ, 30.07.2024 /АМИТ «Ховар»/. Дар минтақаи Кӯлоб қисми даромади буҷет 106 фоиз иҷро гардид, ки нисбат ба нақша 12,4 миллион сомонӣ зиёд мебошад. Дар ин хусус зимни нишасти матбуотӣ сардори Раёсати молияи минтақаи Кӯлоб Маъруф Ҷаъфарзода иттилоъ дод.
Бо назардошти рушди воқеии иқтисодии минтақаи Кӯлоб қисми даромади буҷети маҳаллии шаҳру ноҳияҳо дар шашмоҳаи аввали соли 2024 бо назардошти тағйиру иловаҳо ба маблағи 208,1 миллион муқаррар гардида, иҷрои аслии он 220,5 миллионро дар бар мегирад. Маблағгузории қисми хароҷоти буҷетии минтақаи Кӯлоб мутобиқи Қонун «Дар бораи буҷети давлатии Ҷумҳурии Тоҷикистон барои соли 2024» аз рӯи даромадҳои воқеӣ амалӣ мешавад.
«Ҳамин тавр қисми хароҷоти буҷетҳои маҳаллии шаҳру ноҳияҳои минтақаи Кӯлоб дар шашмоҳаи аввали имсол бо назардошти тағйиру иловаҳо, маблағҳои мақсадноки ҷумҳуриявӣ, вилоятӣ ва маблағҳои ҳисобаробаркуниҳо ба маблағи 532,8 миллион сомонӣ муқаррар шуда, иҷрои аслӣ дар ин давра 520 миллион сомониро ташкил медиҳад»,-гуфт Маъруф Ҷаъфарзода.
Инчунин пардохти рухсатпулии омӯзгорон таҳти назорати қатъии доимӣ қарор дошта, мувофиқи маълумоти пешниҳоднамудаи раёсатҳои Вазорати молия, дар шаҳру ноҳияҳои минтақаи Кӯлоб ба маблағи 61,1 миллион сомонӣ ҳисоб карда шуд.
Дар ин давра рухсатпулии пардохтшуда 45,6 миллион сомониро дар бар мегирад, ки ба 75 фоизи нақша баробар аст.
Сулаймон ХОЛЗОДА,
АМИТ «Ховар»
АКС: АМИТ «Ховар»
Дар Душанбе ҷаласаи 13-уми Комиссияи байниҳукуматӣ оид ба ҳамкории тиҷоратӣ ва иқтисодии Тоҷикистону Узбекистон баргузор шуд
Байни Тоҷикистон ва Гурӯҳи Бонки ҷаҳонӣ барои бунёди хати интиқоли барқ дар Тоҷикистон Созишномаи молиявии грантӣ ба имзо расид
Вазири саноат, маъдан ва тиҷорати Ҷумҳурии Исломии Эрон ба Тоҷикистон ташриф овард
Дар Хатлон дар беш аз 64 ҳазор гектар тухмгузории малахи марокашӣ ба қайд гирифта шудааст
Ба иқтисоди Тоҷикистон соли 2025 қариб 7 миллиард доллар сармояи хориҷӣ ворид гардид
Ҳайати Хадамоти гумруки Тоҷикистон дар ҷаласа доир ба татбиқи методологияи «Таҳқиқоти вақти иҷозати мол» иштирок намуд
Ҷаласаи миллӣ оид ба таҳияи дастурамалҳои рушди устувори гидроэнергетикаи хурд баргузор шуд
Масъалаи афзоиши содироти маҳсулоти кишоварзии Тоҷикистон ба Русия баррасӣ гардид
Ҳамкории Тоҷикистон ва Узбекистон дар муқовимат ба коррупсия густариш меёбад
Дар шаҳри Остона масоили омодагӣ ба Саммити минтақавии экологӣ баррасӣ гардид
Соли 2025 ба Тоҷикистон дар ҳаҷми 8 миллиарду 295,6 миллион доллар молу маҳсулот ворид карда шуд
Дар Бонки миллии Тоҷикистон оид ба риояи талаботи қонунҳои миллӣ ҳамоиш доир гардид
