Олимони Академияи миллии илмҳои Тоҷикистон дар Форуми илмӣ — техникии «Чин-Осиёи Марказӣ» иштирок намуданд
ДУШАНБЕ, 04.07.2024 /АМИТ «Ховар»/. 25-28 июни соли равон дар Ҷумҳурии Мардумии Чин Форуми илмӣ — техникии «Чин-Осиёи Марказӣ» баргузор гардид, ки дар кори он олимони Академияи миллии илмҳои Тоҷикистон иштирок намуданд. Дар ин хусус ба АМИТ «Ховар» дар Академияи миллии илмҳо хабар доданд.
Дар форум олимони варзида аз Чин, Қазоқистон, Қирғизистон, Узбекистон ва Туркманистон иштирок ва суханронӣ намуданд.
Масъалаҳои вобаста ба корҳои илмӣ- таҳқиқотӣ дар сатҳи ҷумҳуриҳои Осиёи Марказӣ ва Ҷумҳурии Мардумии Чин мавриди баррасӣ қарор гирифта, ҳамзамон байни давлатҳои мазкур натиҷагирӣ гардид. Ҳамчунин дар форуми мазкур масъалаи омода намудани кадрҳои илмӣ -таҳқиқотӣ дар Ҷумҳурии Мардумии Чин ва давлатҳои Осиёи Марказӣ мавриди баррасӣ қарор дода шуд.
Дар ҳошияи ин форум конференсияи илмӣ техникии ҳамкорӣ ва табодули таҷриба байни муассисаҳои илмии Ҷумҳурии Мардумии Чин ва давлатҳои Осиёи Марказӣ баргузор гардид, ки дар он ноиби президенти Академияи миллии илмҳои Тоҷикистон Илҳом Амонзода сухан намуд.
Дар анҷоми форум ва конфронси мазкур Ёддошти тафоҳум байни Шуъбаи илм ва техникаи вилояти Мухтори Синзиян-Уйғури Чин ва муассисаҳои илмии ҷумҳуриҳои Осиёи Марказӣ ба имзо расонида шуд. Минбаъд дар асоси ин санад ҳамкорӣ байни муассиаҳои илмии Ҷумҳурии Мардумии Чин ва ҷумҳуриҳои Осиёи Марказӣ, махсусан Ҷумҳурии Тоҷикистон рушду густариш меёбанд.
Дар ҳошияи форум, ҳайати олимони Академияи миллии илмҳои Тоҷикистон бо фаъолияти муассисаҳои илмӣ-таҳқиқотии назди Академияи илмҳои Ҷумҳурии Мардумии Чин, ҳамчунин озмоишгоҳҳои таҳқиқотӣ, аз ҷумла дар соҳаи физикаю техника ва гиёҳшиносӣ шинос шуданд.
АКС: Академияи миллии илмҳои Тоҷикистон
Ҳамкории илмӣ-таҳқиқотии Академияи миллии илмҳои Тоҷикистон бо намояндагони барномаи SATREPS ва лоиҳаи JDS вобаста ба тағйирёбии иқлим баррасӣ гардид
Академияи миллии илмҳои Тоҷикистон ва Агентии илм ва технологияи Ҷопон ҳамкориро густариш медиҳанд
Академияи миллии илмҳои Тоҷикистон ва Агентии байналмилалии Ҷопон ҳамкории илмиро тақвият мебахшанд
Дурнамои рушди ҳамкории илмии Тоҷикистон ва Ҷопон баррасӣ гардид
Дар Донишкадаи давлатии санъати тасвирӣ ва дизайни Тоҷикистон намоиши корҳои эҷодии магистрантон ифтитоҳ шуд
Президенти Академияи миллии илмҳои Тоҷикистон дар Ҷопон бо донишҷӯёни тоҷик вохӯрӣ намуд
Рӯзҳои фарҳанги Ҷумҳурии Тоҷикистон дар Ҷумҳурии Федеративии Олмон баргузор мегарданд
НИГОҲЕ БА САНЪАТИ МУСИҚӢ. Ҳамоиши илмию адабӣ дар Китобхонаи миллии Тоҷикистон
То ҷашни Наврӯз муассисаҳои фарҳангии таъмирталаби шаҳру ноҳияҳои вилояти Суғд навсозӣ мешаванд
Дар Душанбе оид ба назария ва амалияи санъат ва дизайн конференсия доир шуд
«ИЛМ — ФУРӮҒИ МАЪРИФАТ». Волидон ва омӯзгорони ғолибони озмун бо нишони «Аълочии маориф ва илм» ва «Маърифатпарвар» сарфароз гардонида шуданд
Намояндаи Тоҷикистон дар Бозиҳои Делфи соҳиби ҷойи сеюм ва медали биринҷӣ гардид
