Олимони кайҳоншиноси тоҷик дар Конгресси байналмилалии астраномҳо дар Фаронса иштирок карданд
ДУШАНБЕ,04.07.2024 /АМИТ «Ховар»/. Олимони Институти астрофизикаи Академияи миллии илмҳои Тоҷикистон дар Конгресси байналмилалии астраномҳо, ки дар Донишгоҳи Сорбони Парижи Фаронса баргузор шуд, иштирок намуданд. Онҳо дар ин ҳамоиш фаъолияти таҳқиқотии хеш ва дастовардҳои омӯзиши кайҳонро дар Тоҷикистон муаррифӣ карданд. Дар ин хусус АМИТ «Ховар» бо истинод ба Институти астрофизика хабар медиҳад.
Иттилоъ дода шуд, ки роҳбари шуъбаи ҷирмҳои байнисайёравии Институти астрофизикаи Академияи миллии илмҳои Тоҷикистон Гулчеҳра Қоҳирова ва ходими калони илмии шуъбаи ҷирмҳои байнисайёравии Институти астрофизика Фирӯза Раҳматуллоева дар доираи иштирок дар ин чорабинӣ, бо мақомоти дахлдор масъалаи тақвияти ҳамкории судманди илмӣ бо расадхонаи астрономии Парижро мавриди баррасӣ қарор доданд.
Астраномҳои тоҷик дар Расадхонаи Париж барои густариш бахшидани ҳамкории илмӣ ва ба роҳ даровардани мушоҳидаҳои объектҳои наздизаминӣ, бо коршиносони пешбари Расадхонаи Париж профессорон — Ҷереми Вайбалон ва Франсуас Колас вохӯриҳои илмӣ баргузор намуданд.
«Ба нақша гирифта шуд, ки соли оянда се адад таҷҳизоти замонавии фаронсавии FRIPON барои ба қайд гирифтани метеорҳо «ҷирмҳои хурди кайхонӣ, ки ба атмосфераи Замин ворид мешаванд» дар минтақаҳои Тоҷикистон васл хоҳад шуд, ки ин барои васеъ гардидани доираи таҳқиқоти илмӣ дар Тоҷикистон хело муфид мебошад»-, иброз дошт Гулчеҳра Қоҳирова.
Бояд гуфт, ки дар шароити ҷаҳоншавӣ масъалаҳои сиёсӣ дар соҳаи захираҳои об, ҳифзи муҳити зист, тағйирёбии иқлим ҳамеша дар маркази таваҷҷуҳи Ҳукумати Ҷумҳурии Тоҷикистон мебошад. Омӯзиши кайҳон бо мақсадҳои осоишта, ҳамчун яке аз самтҳои афзалиятноки рушди Ҷумҳурии Тоҷикистон, эътибори давлатро дар арсаи байналмиллалӣ низ баланд мебардорад.
Ёдовар мешавем, ки муассисаи Расадхонаи Париж маркази таҳқиқотии астрономии бузурги фаронсавӣ буда, дар соҳаи тахқиқоти амалӣ ва бунёдӣ дар ҷаҳон саҳми бузург дорад. Даъват шудани олимони астрофизикҳои тоҷик ба расадхонаи мазкур, аз он шаҳодат медиҳад, ки сатҳи олимони тоҷик дар соҳаи астрофизика хеле назаррас аст.
АКС: Институти астрофизикаи Академияи миллии илмҳои Тоҷикистон
Моҳи октябр дар Тоҷикистон Озмуни ҷумҳуриявии «Донандаи беҳтарини асарҳои Пешвои миллат» доир мегардад
Дар муассисаҳои илмӣ-таҳқиқотӣ 18 озмоишгоҳ таъмир ва бо таҷҳизоти замонавӣ муҷаҳҳаз карда шуд
ФАРҲАНГ — ҲАСТИИ МИЛЛАТ. Дар Душанбе аҳли фарҳангу ҳунар қадрдонӣ гардиданд
«МАН АВВАЛ ТОҶИКАМ, БАЪД МУСАЛМОН!». Миллатдӯстӣ шарти асосии муқовимат ба таҳдидҳои мафкуравӣ аст
Дар Душанбе Фестивал-озмуни «Як матову сад ранг» ва намоиш-фурӯши маҳсулоти чакан, нақшдӯзӣ ва зардӯзӣ доир мешавад
«ШОҲНОМАХОНӢ». Дар Суғд барои даври сеюми озмуни ҷумҳуриявӣ беш аз 400 ҳазор сомонӣ ҷудо гардид
«ШОҲНОМАХОНӢ». Дар Хатлон барои ғолибони даври сеюми озмуни ҷумҳуриявӣ беш аз 200 ҳазор сомонӣ ҷудо гардид
«САЙРИ ГУЛИ ЛОЛА». Моҳи апрел дар Тоҷикистон Фестивали гулҳо баргузор мегардад
Таҳкими худшиносии ҷавонон тавассути тарғиби фарҳангу тамаддун ва таърихи пурғановати миллӣ амали омӯзанда аст
Нашриёти «Орван» китоби «Ҳазор марворид»-ро ба нашр расонид
«ГАНҶИНАИ ТАЪРИХ ВА ФАРҲАНГИ ТОҶИКОН». Таҳти ин унвон маротибаи аввал озмуни ҷумҳуриявӣ баргузор мегардад
«ТОҶИКИСТОН-ВАТАНИ АЗИЗИ МАН». Барои баргузории озмуни ҷумҳуриявӣ беш аз ҳашт миллион сомонӣ ҷудо мегардад
