Панҷ ихтисоси Донишгоҳи технологии Тоҷикистон соҳиби Шаҳодатномаи байналмилалӣ мебошанд
ДУШАНБЕ, 26.07.2024 /АМИТ «Ховар»/. Соли равон ихтисосҳои 1-49010102 –технологияи маҳсулоти нонӣ, макаронӣ, қаннодӣ ва ғизоӣ бо роҳи махсус хушконидашуда ва 1-49010103–технологияи консервакунонии Донишгоҳи технологии Тоҷикистон аз аккредитатсияи байналмилалӣ муваффақона гузашта, соҳиби Шаҳодатномаи байналмилалӣ гардиданд. Дар ин хусус ба намояндагони воситаҳои ахбори омма дар нишасти матбуотӣ ректори Донишгоҳи технологии Тоҷикистон Зоир Раҳмонзода иттилоъ дод.
Гуфта шуд, ки айни замон дар маҷмӯъ 5 ихтисоси донишгоҳ соҳиби Шаҳодатномаи байналмилалӣ мебошанд.
Зоир Раҳмонзода афзуд, ки Донишгоҳи технологии Тоҷикистон моҳи апрели соли равон шашумин маротиба аз аттестатсияи навбатии давлатии Агентии назорат дар соҳаи маориф ва илми назди Президенти Ҷумҳурии Тоҷикистон гузашта, соҳиби Иҷозатномаи Т-ИФ №0005159 аз 13 майи соли равон оид ба пешбурди фаъолияти таълимӣ ба муҳлати бемаҳдуд дар соҳаи таҳсилоти олии касбӣ, таҳсилоти олии касбии баъд аз муассисаи олии таълимӣ ва таҳсилоти иловагӣ гашта, дар асоси он аз рӯи 57 ихтисоси зинаи бакалавр, 36 ихтисоси зинаи магистартура ва 8 ихтисоси докторантура аз рӯи ихтисоси PhD, 30 машғулияти кутоҳмуддат, 6 машғулияти тайёрии омӯзиши Маркази миллии тестии назди Президенти Ҷумҳурии Тоҷикистон, як Маркази таълимию хизматрасонии «Меҳри модар» дар ноҳияи Темурмалик мутахассисонро тайёр мекунад.
Бояд тазаккур дод, ки алҳол дар сохтори Донишгоҳи технологии Тоҷикистон 8 факултет, 19 кафедра, 4 марказ, инчунин филиали донишгоҳ дар шаҳри Исфара, Муассисаи давлатии таълимии «Литсейи инновтасионии Душанбе» фаъолият доранд.
Марзия САИДЗОДА,
Зоирҷони ТОҲИР (АКС),
АМИТ «Ховар»
Оид ба таҳия ва такмили китобҳои дарсӣ машварати методӣ баргузор шуд
Дар ноҳияи Рӯдакӣ оид ба нақши Наврӯз дар ташаккули худшиносии миллӣ конференсияи илмӣ доир шуд
Иди Наврӯзро дар Коллеҷи политехникии ноҳияи Данғара пуршукуҳ ҷашн гирифтанд
Оид ба инкишофи бартарияти рақобатпазирии иқтисодиёти Тоҷикистон дар шароити муосир конференсияи байналмилалӣ доир шуд
Дар Коллеҷи техникию омӯзгории ноҳияи Рӯдакӣ озмоишгоҳи физика ба истифода дода шуд
Бахшида ба ҷашни Наврӯз дар “Боғи Ирам” Фестивали муассисаҳои таҳсилоти ибтидоӣ ва миёнаи касбӣ баргузор шуд
«АЗ НАВРӮЗ ТО НАВРӮЗ». Дар Донишкадаи давлатии санъати тасвирӣ ва дизайни Тоҷикистон ҷашни Наврӯзро таҷлил намуданд
Барои масъулини муассисаҳои таҳсилоти миёнаи касбӣ дар самти татбиқи низоми кредитӣ машварат оғоз ёфт
Хатмкунандагони Донишгоҳи техникии Тоҷикистонро ба хизмат дар сафи Қувваҳои Мусаллаҳ гусел намуданд
Дар Донишгоҳи давлатии Бохтар оид ба тағйирёбии иқлим ва таъсири он ба иқтисоди миллӣ ҳамоиш доир шуд
Хонандагони тоҷик дар Олимпиадаи байналмилалии «Brainiacs» 173 ҷойи ифтихориро сазовор шуданд
Фаррух Каримзода дар Олимпиадаи кушоди математикии донишҷӯёни мактабҳои олии ҷаҳон соҳиби медали тилло гардид
