Сомон Эйр дар соли равон тавассути хатсайрҳои мунтазами байналмилалӣ ва чартерӣ қариб ним миллион мусофир интиқол додааст
ДУШАНБЕ, 28.07.2024/АМИТ «Ховар»/. Ширкати ҳавопаймоии «Сомон Эйр» дар нимсолаи якуми соли равол парвозҳои мунтазам ва транзитиро асосан аз Тоҷикистон ба самтҳои Туркия, Арабистони Саудӣ, Аморати Муттаҳидаи Араб, Эрон, Русия, Қазоқистон, Чин, Олмон, Узбекистон ва Ҳиндустон иҷро намуд, ки 60 фоизи интиқоли мусофиркашонӣ ба самти Русия рост меояд.Ширкат дар ин давра тавассути хатсайрҳои мунтазами байналмилалӣ ва чартерӣ 482 ҳазору 500 мусофир интиқол додааст, ки нисбат ба ҳамин давраи соли гузашта 122 ҳазору 550 мусофир, ё 34,1 фоиз зиёд мебошад. Дар ин хусус директори генералии ширкати ҳавопаймоии «Сомон Эйр» Абдулқосим Валиев дар нишасти матбуотии Агентии авиатсияи граждании назди Ҳукумати Ҷумҳурии Тоҷикистон хабар дод.
Гуфта шуд, ки ин омор тавассути хатсайрҳои дохилӣ 60 ҳазору 410 мусофирро ташкил медиҳад, ки нисбат ба ҳамин давраи соли гузашта 15 ҳазору 400 нафар, ё 34,2 фоиз зиёд аст.
Инчунин дар ин давра ширкати ҳавопаймоии «Сомон Эйр» 570 тонна бор 7,4 тонна почта интиқол додаааст, ки дар қиёс нисбат ба ҳамин давраи соли гузашта 47,5 тонна, ё 9 фоиз зиёд мебошад. Ширкати ҳавопаймоии «Сомон Эйр» дар бозори байналмилалии интиқолоти ҳавоӣ аз соли 2008 муваффақона фаъолият дошта, узви Ассотсиатсияи байналмилалии нақлиёти ҳавоӣ (IATA) мебошад. Парки ширкат аз ҳавопаймоҳои Boeing 737-800 ва Boeing 737-900 иборат аст.
Тавсеаи шабакаи парвозҳо ва парки ҳавопаймоӣ аз афзалиятҳои асосии ширкат буда, дар айни замон «Сомон Эйр» парвозҳои мунтазамро аз Тоҷикистон ба Олмон, Амороти Муттаҳидаи Араб, Туркия, Чин, Арабистони Саудӣ, Эрон, Ҳиндустон, Русия, Қазоқистон, Гурҷистон ва Узбекистон анҷом медиҳад.
Марзия САИДЗОДА,
АМИТ «Ховар»
АКС: АМИТ «Ховар»
Губернатори Ҳукумати мардумии музофоти Шэнсии Чин бо фаъолияти Минтақаи озоди иқтисодии «Данғара» шинос шуд
Тоҷикистон дар муборизаи байналмилалӣ барои ҳифзи бабри барфӣ саҳм мегузорад
МАСЛИҲАТИ МУТАХАССИС. Норасоии намӣ ба решаи дарахтон самаранокии боғотро паст мекунад
Густариши ҳамкории вилояти Хатлон бо музофоти Шэнсӣ баррасӣ шуд
Дар Душанбе ҳамкории иқтисодӣ ва татбиқи лоиҳаҳои муштараки Тоҷикистону Чин баррасӣ гардид
РӮЗИ ҶАҲОНИИ БЕХАТАРИИ ОЗУҚАВОРӢ. Бо мақсади таъмини бехатарии маҳсулот дар Тоҷикистон 14 озмоишгоҳ фаъолият дорад
Сарфаи неруи барқ танҳо вазифаи давлатӣ нест, балки масъулияти ахлоқии ҳар як шаҳрванди мамлакат аст
«IMPERIУA TECHSTREAM — 2025». Дар Душанбе барои наврасон нахустин озмуни технологияҳои иттилоотӣ баргузор гардид
РӮЗИ БАЙНАЛМИЛАЛИИ МУҲИТИ ЗИСТ. Баҳодур Шерализода: «Ҷомеаи ҷаҳон Тоҷикистонро ҳамчун давлати ташаббускор дар соҳаи обу иқлим ва ҳифзи пиряхҳо эътироф намудааст»
Бонки рушди Созмони ҳамкории Шанхай таъсис дода мешавад
Байни Тоҷикистон ва Қирғизистон Протокол оид ба мубодилаи маълумоти пешакии гумрукӣ дар бораи интиқоли молу воситаҳои нақлиёт ба имзо расид
Ҷаласаи 80-уми Шурои роҳбарони хадамотҳои гумруки давлатҳои иштирокдори Иттиҳоди Давлатҳои Мустақил баргузор гардид
