ТАЪМИНИ АМНИЯТИ ОЗУҚАВОРӢ. Кишоварзони ноҳияи Бобоҷон Ғафуров дар майдони 4 ҳазор гектар кишти такрорӣ мегузаронанд
ДУШАНБЕ, 03.07.2024 /АМИТ «Ховар»/. Дар ноҳияи Бобоҷон Ғафуров кишоварзон мақсад гузоштаанд, ки соли равон дар майдони 4 ҳазор гектар кишти такрорӣ гузаронанд. Дар ин хусус АМИТ «Ховар» бо истинод ба Хадамоти матбуоти Раиси вилояти Суғд хабар медиҳад.
Ҷамоати деҳоти Зарзамини ноҳияи Бобоҷон Ғафуров дар кишту парвариш ва истеҳсоли помидор дар вилояту ҷумҳурӣ пешқадам ба ҳисоб рафта, саҳми хоҷагидорон дар таъмини амнияти озуқавории мамлакат ва фаровонии бозори истеъмолӣ басо назаррас аст.
Ҷамоат дорои 1128 гектар замини корами обӣ буда, аз он дар майдони беш аз 500 гектар помидор кишт карда мешавад. Деҳқонон аз моҳи январ кишти помидорро дар гармхона оғоз намуда, аз моҳи март кӯчати онро дар замин мешинонанд ва аз 20 май ҳосили он ба фурӯш бароварда мешавад.
Ҳамарӯза то 100 тонна помидор ба тамоми шаҳру навоҳии вилоят, пойтахти ҷумҳурӣ, минтақаи вилояти Хатлон ва корхонаҳои консервабарорӣ интиқол дода мешавад.
Деҳқонон дар баробари кишту парвариши помидор байни қаторҳо, бо мақсади ҳифзи растании помидор аз гармо ҷуворимакка кишт намуда, дар кишти такрорӣ кӯчати карамро мешинонанд ва байни он турбу шалғам низ парвариш менамоянд.
Хоҷагии деҳқонии ба номи Зоидбой Каримов бошад дорои 86 гектар замин буда, дар майдони 64 гектар пунбадона кишт намудааст. Чигити хоҷагӣ ҳанӯз моҳи апрел ба замин партофта шуда, нашъунамои он аз тарафи олимони соҳа хуб арзёбӣ карда мешавад. Роҳбарият ва аъзои хоҷагӣ дар кишту парвариш ва истеҳсоли пахта таҷрибаи бой дошта, бо истифода аз тухмиҳои хушсифат ва коркарду озуқадиҳии саривақтӣ ба гирифтани ҳосили дилхоҳ шарафёб хоҳанд гардид.
Раиси вилояти Суғд Раҷаббой Аҳмадзода зимни боздид аз хоҷагиҳои деҳқонии Ҷамоати деҳоти Зарзамини ноҳияи Бобоҷон Ғафуров иброз дошт, ки таҷрибаи деҳқонони ҷамоат бояд дар дигар минтақаҳо низ истифода бурда шавад. Зеро деҳқонони ҷамоати мазкур заминро самаранок истифода бурда, дар як сол то чор ҳосил ҷамъоварӣ мекунанд.
АКС: Хадамоти матбуоти Раиси вилояти Суғд
Вазорати энергетикаи Тоҷикистон бо ташкилоти байналмилалӣ санадҳои нави ҳамкорӣ ба имзо расонид
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Он самтҳои калидии ҳамкории байналмилалӣ, таҳқиқоти илмӣ ва қарорҳои сиёсиро фаро мегирад
Вобаста ба устувории молиявӣ барои ҳифзи пиряхҳо ва устувории иқтисодӣ дар Тоҷикистон ҳамоиш доир шуд
«АЗ ПИРЯХҲО ТО ХОҶАГИДОРОН». Барои нуҳ давлат барномаи нав таҳия карда мешавад
Масъалаҳои татбиқи лоиҳаҳои муҳими миллӣ вобаста ба тағйирёбии иқлим ва муҳофизати пиряхҳо баррасӣ шуданд
Дар Душанбе доир ба маблағгузорӣ барои мутобиқшавӣ, коҳиш ва ҷуброни талафоти вобаста ба пиряхҳо ҳамоиш доир шуд
Лоиқ Раҳмонзода: «Яке аз хатарноктарин пайомадҳо афзоиши шумораи рахнашавии кӯлҳои пиряхӣ мебошад»
Дар «Dushanbe EXPO Centre» намоишгоҳи саноатии молҳои Тоҷикистон оғоз гардид
Дар доираи Конфронси байналмилалии сатҳи баланд оид ба ҳифзи пиряхҳо дар «Кохи Сомон» зиёда аз 20 гӯша ташкил гардидааст
Дар Душанбе рушди тиҷорати дуҷониба байни Тоҷикистон ва Латвия баррасӣ гардид
Ноиби Президенти Бонки Осиёии рушд НБО «Роғун»-ро ҳамчун рамзи пешрафт ва ояндаи дурахшони минтақа арзёбӣ намуд
Муовини якуми Президенти Ҷумҳурии Зимбабве бо корҳои сохтмонӣ дар Неругоҳи барқи обии «Роғун» шинос шуд
