«Амонатбонк» ба 31 ҳазор муштарӣ 926 миллион сомонӣ маблағи қарзӣ пешниҳод намуд
ДУШАНБЕ, 05.08.2024 /АМИТ «Ховар»/. Корхонаи воҳиди давлатии Бонки амонатгузории Ҷумҳурии Тоҷикистон «Амонатбонк» аз пешниҳоди 926 миллион сомонӣ маблағҳои қарзӣ ба 31 ҳазор муштарӣ аз ҳисоби захираҳои дохилию хориҷӣ дар соли 2024 иттилоъ медиҳад.
Раиси Корхонаи воҳиди давлатии Бонки амонатгузории Ҷумҳурии Тоҷикистон «Амонатбонк» Алиҷон Салимзода дар нишасти матбуотӣ ба хабарнигорон гуфт, ки аз қарзҳои ба муштариён пешниҳоднамудаи «Амонатбонк» имсол 8,9 фоиз ба соҳаи саноат, 29 фоиз ба кишоварзӣ, 41,9 фоиз ба соҳаи истеъмолӣ, 4,5 фоиз ба сохтмон, 14,4 фоиз ба тиҷорат, 0,3 фоиз ба нақлиёт ва 1 фоиз ба соҳаи хизматрасонӣ рост меояд.
Ҳамзамон таъкид гардид, ки «Амонатбонк» иқдоми қарзҳои имтиёзнокро таҳти унвони «Баҳор-2024», «Кишоварз», «Автоқарз», «Занҳои муваффақ», инчунин «Қарзҳои ипотекӣ» амалӣ намудааст.
Бонк сиёсати қарздиҳиро таҷдид намуда, барои соҳаҳои афзалиятнок имтиёзҳо фароҳам овардааст. Аз ҷумла, фоизи қарзҳо ба соҳаи сохтмон 20 фоиз (4 банди фоизӣ), ба соҳаҳои саноат- 18 фоиз, кишоварзӣ- 19 фоиз, тиҷорат- 22 фоиз ва қарзҳои ипотекӣ: харид ва сохтмони манзил 18 фоиз ва харидории амволи бонк 14 фоиз (2 банди фоизӣ) ва қарзҳои овердрафтӣ 20 фоиз (1 банди фоизӣ) паст карда шуд.
Дар марҳилаи кунунӣ пешниҳоди қарзҳои «Амонатбонк» ба муштариён дар доираи аз 10 то 24 фоизи солона бо пули миллӣ ва аз 7 то 12 фоизи солона бо асъори хориҷӣ муайян карда шуд.
Сандуқи қарзии «Амонатбонк» 2,4 миллиард сомонӣ ва шумораи қарзгирон аз рӯи бақия зиёда аз 68 ҳазор нафарро ташкил медиҳад, ки нисбат ба ҳамин давраи соли 2023 ҳаҷми сандуқи қарзӣ 21% афзудааст.
Марзия САИДЗОДА,
АМИТ «Ховар»
АКС: АМИТ «Ховар»
Дар шаҳри Гулистон Форуми сеюми ҷавонони ҳавзаи дарёи Сир баргузор гардид
Рушди ҳамкории Тоҷикистон ва Бонки ҷаҳонӣ дар доираи Стратегияи нави шарикӣ баррасӣ карда шуд
Валиаҳди Шоҳигарии Негери-Сембилани Малайзия: «Таваҷҷуҳи Роҳбарияти олии Тоҷикистон ба татбиқи лоиҳаи НБО-и «Роғун» шоистаи таҳсин аст»
Татбиқи лоиҳаҳои муштарак дар самтҳои афзалиятноки Тоҷикистон бо Корпоратсияи байналмилалии молиявӣ баррасӣ шуд
Тоҷикистон ва Ҷопон ҳамкориро дар самти рушди энергетикаи «сабз» густариш медиҳанд
«ДУШАНБЕ ИНВЕСТ-2025». Соҳибкор аз Аморати Муттаҳиддаи Араб Марям Алшинасӣ: «Тоҷикон воқеан мардуми меҳмоннавоз, самимӣ ва дорои таъриху фарҳанги қадимӣ мебошанд»
Сулаймон Зиёзода дар Муколамаи Рим оид ба масъалаҳои об-2025 мавқеи Тоҷикистонро дар самти истифодаи устувори захираҳои об таъкид намуд
Ҳайати Тоҷикистон бо муовини директори иҷроияи Хазинаи байналмилалии асъор вохӯрӣ намуд
«ДУШАНБЕ ИНВЕСТ-2025». Байни Вазорати энергетика ва захираҳои оби Тоҷикистон ва ширкатҳои ватанию хориҷӣ се протокол ва ду ёддошти тафоҳум ба имзо расид
Ҳамкории Тоҷикистон ва Гурӯҳи Бонки исломии рушд дар пешбурди лоиҳаҳои стратегӣ дар Амрико баррасӣ гардид
ҚУРБИ АСЪОР: 1 рубли русӣ аз 0.1171 то 0.1150 сомонӣ муқаррар шудааст
Дар Тоҷикистон беш аз 184 ҳазор хоҷагии деҳқонӣ фаъолият менамоянд
