Дар Британияи Кабир нахустнамоиши Осорхонаи миллӣ баргузор мешавад
ДУШАНБЕ, 06.08.2024. /АМИТ «Ховар»/. Аз 26 сентябри соли 2024 то 23 феврали соли 2025 дар осорхонаи Британияи Кабир дар доираи намоиши «Роҳи бузурги абрешим» ёдгориҳои Тоҷикистон муаррифӣ мегарданд. Дар ин хусус ба АМИТ «Ховар» дар Осорхонаи миллии Тоҷикистон хабар доданд.
Ин иқдом ба хотири арҷгузории мероси ниёгон ва муаррифии мероси гаронбаҳои таърихӣ, ки дар фонди тиллоии муассиса маҳфуз мебошад, амалӣ мегардад. Аз ҷумла, аз фонди Муассисаи давлатии «Осорхонаи миллӣ» экспонатҳои марбут ба фарҳанги буддоии асрҳои VII – VIII, ки аз ёдгориҳои Аҷинатеппа, Кофарниҳон, Вахш бозёфт гардидаанд, барои намоиш интихоб шуда, дар намоишгоҳ гузошта мешаванд. Дар 93 соли фаъолияти осорхонавии Тоҷикистон чунин намоиш маротибаи аввал дар Британияи Кабир баргузор мегардад.
Дар фонди Муассисаи давлатии «Осорхонаи миллӣ» навъҳои гуногуни осори бостоншиносӣ, мероси хаттӣ, сиккашиносӣ, санъати ороишӣ-амалӣ, тасвирӣ, муҷассамасозӣ, мардумшиносӣ, намудҳои гуногуни олами ҳайвонот ва набототи ин сарзамини бостонӣ ҳифз ва нигаҳдорӣ мешаванд.
Иттилоъ дода шуд, ки тариқи баргузории намоишҳои гуногунмазмун аз фонди Осорхонаи миллӣ мероси гаронбаҳои тоҷикон ва ниёгони тоҷик то имрӯз дар осорхонаҳои Фаронса, ИМА, Чин, Ҳиндустон, Эрон, Русия ва дигар давлатҳо муаррифӣ гаштаанд.
Бояд ёдовар шуд, ки танҳо давоми шашмоҳаи якуми соли 2024 намояндагони 41 давлати дунё толорҳои намоишии Осорхонаи миллиро тамошо намудаанд.
АКС: Осорхонаи миллии Тоҷикистон
Туҳфаи Президенти Тоҷикистон — «Шоҳнома»-и Абулқосим Фирдавсӣ ба ноҳияи Мастчоҳ расид
ҲИФЗИ МЕРОСИ МИЛЛӢ ДАР ТОҶИКИСТОН. Тавассути сиёсати хирадмандона имрӯз ҷаҳониён бо таъриху фарҳанги миллати мо шинос мешаванд
Донишкадаи давлатии санъати тасвирӣ ва дизайни Тоҷикистон бо «Россотрудничество» ҳамкориро густариш медиҳад
Дар Институти масъалаҳои об, гидроэнергетика ва экология озмоишгоҳи муштараки муҳити экологӣ ба истифода дода шуд
Фестивали байналмилалии «Сӯзании Панҷакент» баргузор мешавад
«Харитаи хатсайри Шӯриши Восеъ» таҳия мегардад
«ФАРҲАНГИ СУМАНАКПАЗӢ». Номинатсияи миллии Ҷумҳурии Тоҷикистон ба Феҳристи мероси фарҳанги ғайримоддии ЮНЕСКО ворид гардид
РӮЗИ БАЙНАЛМИЛАЛИИ РАССОМОН. Ин ҳунар дар Тоҷикистон беш аз ҳазор сол пеш ба вуҷуд омадааст
«ҲИФЗИ МЕРОС». Бо мақсади муаррифии сазовори таъриху фарҳанги миллати тоҷик маҷаллаи илмӣ ба нашр расид
РӮЗҲОИ ФАРҲАНГИ ЧИН ДАР ТОҶИКИСТОН. Дар Донишкадаи давлатии фарҳанг ва санъат барномаи фарҳангӣ доир шуд
«МАВЛОНО ВА ТАМАДДУНИ ИНСОНӢ». Ин китоби Президенти Ҷумҳурии Тоҷикистон дар озмуни байналмилалӣ сазовори ҷойи якум гардид
Байни АМИТ «Ховар» ва Агентии иттилоотии «S.P.A»-и Арабистони Саудӣ Ёддошти тафоҳум оид ба ҳамкорӣ дар соҳаи мубодилаи иттилоот ба имзо расид
