Дар Кумита оид ба таҳсилоти ибтидоӣ ва миёнаи касбӣ ташкилоти ибтидоии ҳизбии «Касбомӯз» таъсис дода шуд
ДУШАНБЕ, 26.08.2024 /АМИТ «Ховар»/. Дар Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон ташкилоти ибтидоии ҳизбии «Касбомӯз» таъсис дода шуд.
Тавре ба АМИТ «Ховар» дар ин ниҳод хабар доданд, зимни ҷаласа Раиси Кумита оид ба таҳсилоти ибтидоӣ ва миёнаи касбӣ Фарҳод Раҳимӣ иброз дошт, ки Ҳизби Халқии Демократии Тоҷикистон дар солҳои аввали соҳибистиқлолии ҷумҳурӣ бо мақсади хизмати содиқона ба халқу Ватан ва ифодаи азму иродаи мардуми шарифи Тоҷикистон таъсис ёфт. Ӣн ҳизб маҳз бо рисолати мардумсолорӣ, сулҳу оромӣ, суботи сиёсӣ, ваҳдати миллӣ, созандагиву бунёдкорӣ ва тарғиби ғояҳои бузурги ватандӯстию худшиносӣ дар дили ҳар шаҳрванди мамлакат маҳбубият пайдо намуд, ки имсол аз таъсиси он 30 сол сипарӣ мегардад.
Вақте ба фаъолияти созандаи Ҳизби Халқии Демократии Тоҷикистон назар меандозем, маълумамон мегардад, ки зарурати таъсиси он маҳз ҳифзи якпорчагии Ватан, нигоҳ доштани ваҳдати миллӣ, таъмини ҳуқуқи шаҳрвандон ва дар маҷмуъ амалӣ сохтани ормонҳои миллии ҳар фарди тоҷик мебошад.
Раиси Кумитаи иҷроияи Ҳизби Халқии Демократии Тоҷикистон дар ноҳияи Шоҳмансур Нилуфар Каримзода иброз дошт, ки Ҳизби Халқии Демократии Тоҷикистон принсипҳои демократӣ, иҷтимоӣ, ҳуқуқбунёдӣ ва дунявӣ доштани давлатро асоси кор қарор дода, ба муқобили ҳар гуна зуҳуроти номатлуби иҷтимоӣ, аз ҷумла терроризм, экстремизми сиёсӣ, сепаратизм, ҷинояткории муташаккилона, нашъамандӣ, маҳалгароӣ, бадбинии иҷтимоӣ ва мазҳабӣ мубориза мебарад. Ин кор бояд ҳамеша вазифаи ҷонии ҳар узви ҳизб дониста шавад.
Дар ҷаласа бо дастгирӣ ва ҷонибдории аъзои ҳизб Раиси Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон Фарҳод Раҳимӣ раиси ташкилоти ибтидоии ҳизбии «Касбомӯз» интихоб шуда, муовини раис ва котиб аз ҳисоби кормандон таъйин гардид.
АКС: Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон
Беморхонаи марказии ноҳияи Муъминобод навсозӣ мегардад
Дар Тоҷикистон ҳарорати ҳавои аввали фасли тирамоҳ 1-2 дараҷа баланд пешгӯӣ мешавад
Дар шаҳри Душанбе Анҷумани ҷавонони дар хориҷи мамлакат таҳсилдошта доир гардид
ОМОДАГӢ БА ЗИМИСТОН. Беморхонаи клиникии вилояти Суғд 300 тонна ангишт захира менамояд
Ҳайати Тоҷикистон дар VIII Конгресси байналмилалӣ таҳти унвони «Мероси ниёгони бузург — асоси эҳёи сеюм» иштирок дорад
Ян Ҳуй: «Тоҷикистон хонаи дуюми ман аст»
Тоҷикистон ва Эрон барои табодули таҷрибаи табибон Созишномаи ҳамкорӣ ба имзо расониданд
МАСЛИҲАТИ МУТАХАССИС. Дилаи тарбуз, дона ва ҳатто пӯчоқи он хосияти табобатӣ дорад
Дар Коллеҷи муҳандисию омӯзгории шаҳри Душанбе озмоишгоҳҳои таълимӣ таъсис дода шуданд
Дар Москва дар мавзуи «Саҳми Ибни Сино дар ташаккули соҳаи тиб: осори илмӣ, таҷриба ва назария» ҳамоиш баргузор гардид
Ёддошти тафоҳум оид ба ҳамкорӣ байни Хадамоти иҷрои Тоҷикистон ва Вазорати адлияи Қазоқистон ба имзо расид
Ёддошти ҳамкорӣ байни Иттифоқи ҷавонони Тоҷикистон ва Маҷмааи ҷавонони Қазоқистон ба имзо расид
