Дар Суғд марказҳои гармидиҳӣ ва панелҳои офтобӣ бунёд мегарданд
ДУШАНБЕ, 21.08.2024. /АМИТ «Ховар»/. Масоили татбиқи лоиҳаҳо дар самти бунёди маркази гармидиҳӣ, панелҳои офтобӣ ва корхонаи коркарди партовҳо дар вохӯрии Раиси вилояти Суғд бо директори минтақавии ширкати «Рowerchina Hebei engineering corporation Iimited» баррасӣ гардид. Дар ин хусус АМИТ «Ховар» бо истинод ба хадамоти матбуоти Раиси вилояти Суғд хабар медиҳад.
Бунёди маркази гармидиҳӣ, панелҳои офтобӣ ва корхонаи коркарди партов ба нафъи ҷонибҳо буда, аввал дар шаҳри Хуҷанд ва дар оянда дар дигар шаҳру ноҳияҳои вилояти Суғд низ чунин лоиҳаҳо татбиқ мешаванд.
Бунёди маркази гармидиҳӣ бо истифода аз технологияи нав дар шаҳри Хуҷанд имкон медиҳад, ки биноҳои баландошёна, муассисаҳои соҳаҳои маорифу тандурустӣ ва корхонаву идораҳо дар фасли сармо бо гармӣ таъмин гарданд.
Масъалаи татбиқи лоиҳа дар самти бунёди корхонаи коркарди партов низ баррасӣ гардид. Таъкид шуд, ки дар асоси дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон ба ҳифзи муҳити зист ва тозагии он таваҷҷуҳи хосса дода мешавад.
Бунёди корхонаи коркарди партов яке аз ҳадафҳо дар ин самт маънидод гардид. Изҳори боварӣ карда шуд, ки ширкати чинӣ дар амалӣ шудани ин ҳадафи муҳим саҳм мегузорад.
Ширкат дар самти бунёди маркази гармидиҳӣ таҷрибаи кофӣ дошта, ҳадафаш амалӣ намудани ин таҷриба дар давлатҳои Осиёи Марказӣ мебошад.
Мувофиқа шуд, ки ширкат пас аз омӯзиш мутахассисонро ба вилояти Суғд фиристад ва барои татбиқи лоиҳаҳо ҳамкорӣ карда шавад.
АКС: Хадамоти матбуоти Раиси вилояти Суғд
Тоҷикистон ҳамкориро бо Италия барои воридоти технологияҳои истеҳсолӣ тақвият медиҳад
Байни Хадамоти гумрук ва ширкати ҷопонии «Yachiyo Engineering Co., LTD» оид ба хизматрасонии машваратӣ шартнома ба имзо расид
Тоҷикистон ҳамкориро бо «Google DeepMind» дар соҳаи рушди зеҳни сунъӣ густариш медиҳад
Бо мақсади иҷрои «Барномаи давлатии таъмини оби нӯшокӣ ва рафъи обҳои партов барои солҳои 2025-2029» ҳамоиш доир шуд
Дар Саммити байналмилалии «AI Impact Summit» татбиқи зеҳни сунъӣ дар идоракунии давлатии Тоҷикистон муаррифӣ шуд
Роҳбарияти Корпоратсияи «Microsoft» барои густариши ҳамкорӣ бо Тоҷикистон дар самти рушди зеҳни сунъӣ изҳори омодагӣ намуд
Бо мақсади рушди устувори соҳаи захираҳои об Ёддошти тафоҳуми ҳамкорӣ ба имзо расид
Масоили маблағгузории идомаи сохтмони НБО –и «Роғун» баррасӣ гардид
Блогерони тоҷик ба маблағи беш аз 5 миллион сомонӣ андоз супориданд
Зимни баргузории амалиёти назоратӣ дар Рашт 60 кабк ва як яроқи шикорӣ мусодира карда шуд
Татбиқи лоиҳаҳои сармоягузорӣ ва ҷалби сармояи Бонки Осиёии рушд ба иқтисоди Тоҷикистон муҳокима гардид
Ҳамкории Тоҷикистон ва Эрон дар самти рушди иқтисодӣ ва тиҷоратӣ густариш меёбад
