Муассисаҳои таълимии шаҳри Хуҷанд бо омӯзгорони соҳибтахассуси забонҳои русӣ ва англисӣ таъмин мебошанд
ДУШАНБЕ, 20.08.2024. /АМИТ «Ховар»/. Ҳамаи муассисаҳои таълимии шаҳри Хуҷанд бо омӯзгорони соҳибтахассуси забонҳои русӣ ва англисӣ таъмин буда, дар айни замон 242 омӯзгори фанни забони русӣ ва 275 омӯзгори фанни забони хориҷӣ фаъолият доранд. Дар ин хусус ба АМИТ «Ховар» дар Мақомоти иҷроияи ҳокимияти давлатии шаҳри Хуҷанд хабар доданд.
Барои баланд бардоштани таълими забонҳои русӣ ва англисӣ дар назди 26 муассисаи таҳсилоти томактабӣ 54 гурӯҳ бо забони русӣ фаъолият бурда, дар кӯдакистонҳои боқимонда аз фанҳои забони русӣ ва англисӣ дарсҳои иловагӣ ҷорӣ шудаанд.
Ҳамчунин дар ҳамаи муассисаҳои таълимӣ маҳфилҳои омӯзиши забонҳои русӣ ва англисӣ, дарсҳои иловагӣ барои хонандагони сустхон ва болаёқат ташкил карда шудаанд.
Президенти Тоҷикистон пайваста дар суханрониҳо таъкид менамоянд, ки насли наврас ва ҷавон бояд забонҳои русӣ ва англисиро донанд. Пешвои миллат муҳтарам Эмомалӣ Раҳмон дар яке аз суханрониҳо таъкид намуда буданд, ки «ҳамеша дар ёд бояд дошт, ки дар замони рушди пуравҷи илму техника, технологияҳои нав, алалхусус технологияҳои иттилоотӣ ва қувват гирифтани равандҳои ҷаҳонишавӣ бе омӯзиши забонҳои хориҷӣ, алалхусус забонҳои русӣ ва англисӣ тайёр кардани мутахассисон ва коршиносони ҷавобгӯ ба талаботи имрӯзаи ҷаҳонӣ, афзудани сарватҳои моддию маънавӣ ва ишғол намудани мавқеи сазовор дар байни кишварҳои пешрафтаи дунё хеле мушкил аст».
Ёдовар мешавем, ки дар шаҳри Хуҷанд 52 муассисаи таҳсилоти миёнаи умумӣ, 33 муассисаи таҳсилоти томактабии давлатӣ, як «Кӯдакистони президентӣ» ва 13 кӯдакистони хусусӣ фаъолият менамояд.
АКС: Мақомоти иҷроияи ҳокимияти давлатии шаҳри Хуҷанд
Дастаи Тоҷикистон дар Олимпиадаи байналмилалии математикии Ангкор дар Камбоҷа 51 медал ба даст овард
Доир ба муаммо ва дурнамои илми методикаи таълим дар раванди ҷаҳонишавӣ конференсия баргузор шуд
Дар Тоҷикистон Маркази омодагӣ ва имтиҳони HSK таъсис дода мешавад
Дар Донишгоҳи давлатии Кӯлоб оид ба маърифати молиявии аҳолӣ конференсияи байналмилалӣ баргузор шуд
Густариши ҳамкорӣ байни Донишгоҳи технологии Тоҷикистон ва Донишгоҳи Ҳериот-Ватти Шотландия баррасӣ гардид
Вазири маориф ва илм дар конференсияи байналмилалӣ оид ба масъалаҳои мубрами таҳсилоти фарогир иштирок намуд
Дар муассисаҳои таҳсилоти олии Федератсияи Русия зиёда аз 27 ҳазор донишҷӯёни тоҷик таҳсил доранд
Донишгоҳи байналмилалии сайёҳӣ ва соҳибкории Тоҷикистон дар баҳогузории ҷаҳонии «Донишгоҳҳои сабз» иштирок намуд
Вазири маориф ва илм дар ҷаласаи навбатии Шурои директорони Шарикии глобалӣ дар соҳаи маориф иштирок намуд
Корманди Донишгоҳи давлатии ҳуқуқ, бизнес ва сиёсати Тоҷикистон дар озмуни «Фурӯғи субҳи доноӣ китоб аст» ҷойи якумро соҳиб шуд
Дар Озмуни ҷумҳуриявии «Фурӯғи субҳи доноӣ китоб аст» 4 довталаб соҳиби Шоҳҷоиза шуд
«ФУРӮҒИ СУБҲИ ДОНОӢ КИТОБ АСТ». Дар даври ниҳоии озмуни ҷумҳуриявӣ 94 нафар ғолиб гардид
