Намояндагони Тоҷикистон ва UNHCR масъалаи ҳолатҳои фавқулодаро баррасӣ намуданд
ДУШАНБЕ, 13.08.2024 /АМИТ «Ховар»/. Масъалаҳои густариши ҳамкорӣ ва татбиқи минбаъдаи лоиҳаҳои муштарак, вокуниш ба офатҳои табиӣ, ҳамкорӣ ва расонидани кумакҳои техникӣ дар вохӯрии Раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон бо роҳбари нави Комиссари Олии Созмони Милали Муттаҳид оид ба паноҳандагон (UNHCR) дар Ҷумҳурии Тоҷикистон баррасӣ шуданд. Дар ин хусус ба АМИТ «Ховар» дар Кумитаи ҳолатҳои фавқулода ва мудофиаи гражданӣ хабар доданд.
Зимни вохӯрӣ дар бораи офатҳои табиии дар мамлакат рухдода, корҳои анҷомёфта баҳри рафъи оқибатҳои онҳо ва кумакҳои аз ҷониби Ҳукумати Ҷумҳурии Тоҷикистон ва шарикони байналмилалӣ ба аҳолии зарардида расонида маълумот дода шуд.
Ҳамчунин масъалаи оғози корҳои таъмиру навсозии биноҳои воқеъ дар ҳудуди Хадамоти зидди жола, ки дар ноҳияи Ҷалолиддини Балхии вилояти Хатлон ҷойгир аст, баррасӣ гардид. Маркази бунёдшаванда барои ҷойгиркунии муваққатии қурбониёни офатҳои табиӣ ва гузаронидани машқҳо истифода мешавад.
Дар фарҷом ҷонибҳо ба тавофуқ расиданд, ки механизмҳои мавҷудаи ҳамкории Кумитаи ҳолатҳои фавқулода ва мудофиаи гражданӣ ва Комиссари Олии Созмони Милали Муттаҳид оид ба паноҳандагон имкон медиҳанд, ки дар оянда ба таҳдидҳои нави ҳолатҳои фавқулодаи табиӣ ва техногенӣ муқовимати босамар нишон дода шавад.
АКС: Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон
14 МАРТ — РӮЗИ КОРМАНДОНИ МАҚОМОТИ ПРОКУРАТУРА. Бо назардошти вазъи геополитикии ҷаҳон дар назди кормандони он масъулияти баланд меистад
Агентии назорати маводи нашъаовари Тоҷикистон ва Раёсати СММ оид ба маводи нашъаовар ва ҷинояткорӣ ҳамкориро тақвият медиҳанд
Ҷаласаи навбатии Комиссияи даъвати ҷумҳуриявӣ оид ба омодагӣ ба даъвати баҳории соли 2026 ба хизмати ҳарбӣ доир гардид
Нозирони мизҳои ҳарбӣ дар шаҳри Бохтар ба машғулияти такмили ихтисос фаро гирифта шуданд
Дар Хатлон ҳамкории милитсия, омӯзгорон ва волидайн дар самти пешгирии ҷинояткорӣ байни ноболиғон тақвият меёбад
Ташаккул ва рушди фарҳанги киберамният дар низоми таълиму тарбия аҳамияти аввалиндараҷа касб мекунад
Ҳайати Тоҷикистон дар иҷлосияи Комиссияи СММ оид ба воситаҳои нашъадор иштирок дорад
Дар Бадахшон ҷаласаи сайёри Комиссияи байниидоравӣ оид ба муқовимат ба савдои одамон баргузор шуд
Дар вилояти Хатлон ҷаласаи Шурои амният баргузор шуд
Дар Душанбе иқдоми «Тасмаи бехатарӣ – муҳофизи шумо дар роҳ» гузаронида шуд
Имсол шаҳрвандони солҳои таваллуди 1999-2008 ба хизмати ҳарбӣ даъват карда мешаванд
ТАЪЛИМОТИ ҒАЙРИРАСМИИ ДИНӢ-ТАҲДИД БА ОЯНДАИ ҶОМЕА. Ва ё чаро ҳуқуқи кӯдакон ба таҳсили қонунӣ поймол мегардад?
