НИШАСТИ МАТБУОТӢ. Дар шаш моҳ 1267 ҷинояти коррупсионӣ ва иқтисодии дорои хусусияти коррупсионӣ ошкор шуд
ДУШАНБЕ, 09.08.2024. /АМИТ «Ховар»/. Дар шашмоҳаи аввали соли 2024 Агентии назорати давлатии молиявӣ ва мубориза бо коррупсияи Ҷумҳурии Тоҷикистон 1621 муроҷиати шахсони воқеиву ҳуқуқиро баррасӣ намуда, талаботи 414 арзкунанда қонеъ ва нисбат ба 1122 муроҷиат қарорҳои дахлдори қонунӣ қабул карда шуданд. 85 муроҷиат бо сабаби беном будан баррасӣ нашуд. Дар ин хусус имрӯз зимни нишасти матбуотӣ Директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон, генерал-лейтенанти адлия Сулаймон Султонзода иттилоъ дод.
Вобаста ба натиҷаҳои фаъолияти Агентии назорати давлатии молиявӣ ва мубориза бо коррупсия дар шашмоҳаи якуми соли 2024 гуфта шуд, ки мутахассисони Агентӣ дар вазорату идораҳо, мақомоти иҷроияи маҳаллии ҳокимияти давлатӣ, марказҳои татбиқи лоиҳаҳои сармоягузорӣ, субъектҳои хоҷагидори давлатӣ ва дигар муассисаҳои буҷетӣ 258 тафтишу санҷиши молиявӣ гузаронида, ба маблағи умумии 251,1 миллион сомонӣ зарари молиявӣ ошкор намуданд. Тавассути тадбирҳои андешида аз маблағҳои ошкоршудаи зарар 240,5 миллион сомонӣ ба манфиати давлат барқарор карда шуд, ки 147,2 миллион сомонии он бевосита ба суратҳисобҳои буҷетӣ ва 93,3 миллион сомонӣ бо роҳи ҳисоббаробаркунӣ ва даромад кардани молу мулк мебошад.
Воҳидҳои ҳифзи ҳуқуқи Агентӣ 1267 ҷинояти коррупсионӣ, иқтисодии дорои хусусияти коррупсионӣ ва дигар ҷиноятҳои ба мақомоти ҳифзи ҳуқуқ вобастаро нисбат ба 694 нафар ошкор намуда, тафтиши пешакии 381 парвандаи ҷиноятиро нисбат ба 460 нафар ба анҷом расонида, бо тасдиқи фикри айбдоркунӣ ба судҳо ирсол намуданд.
Кормандони Агентӣ барои тарғибу ташвиқи сиёсати зиддикоррупсионӣ ва пешгирии ҳуқуқвайронкуниҳои коррупсионӣ 825 вохӯрӣ гузаронида, дар ин раванд тавассути воситаҳои ахбори омма 57 маротиба баромад карда, 6 конфронс ва 38 мизи мудаввар, семинар ва нишастҳои матбуотӣ доир намуданд.
Аз натиҷаи санҷишҳо, таҳқиқ ва тафтиши парвандаҳои ҷиноятӣ баҳри бартараф намудани сабабу омилҳои коррупсионӣ ва шароити ба онҳо мусоидаткунанда ба вазорату идораҳо 1772 пешниҳод ва 734 дастури хаттӣ ирсол гардида, бо баррасии онҳо нисбат ба 303 нафар ҷазои интизомӣ татбиқ шуда, 106 нафар аз вазифаҳои ишғолнамудаашон озод карда шуданд.
Акрам САНГЗОДА,
АМИТ «Ховар»
Дар ноҳияи Бобоҷон Ғафуров ҷамъоварии ҳосили пахта оғоз шуд
Корҳо ҷиҳати бунёду барқарорсозии роҳи мошингарди Лабиҷар – Сангвор – Қалъаихумб тақвият бахшида мешаванд
Дар Женева Шарҳи чоруми фаъолияти экологии Тоҷикистон баррасӣ шуд
Намояндаи Бонки миллии Тоҷикистон дар ҷаласаи глобалии Шабакаи бонкдорӣ ва маблағгузории устувор дар Бразилия иштирок намуд
Ширкатҳои истеҳсолии Тоҷикистон дар Туркия нахустин маротиба маҳсулоташонро ба намоиш гузоштанд
Тоҷикистон ва Қазоқистон ҳамкориро дар соҳаи молия густариш медиҳанд
Тоҷикистон ва Покистон барои таъсиси корхонаи истеҳсоли маҳсулоти нассоҷӣ изҳори омодагӣ намуданд
Ифтитоҳи хатсайрҳои нави ҳавоӣ дар ҳарими ҳавоии Тоҷикистон ва Узбекистон дар шаҳри Тошканд баррасӣ шуд
Ҳайати Тоҷикистон дар ҷаласаи 23-юми вазирони давлатҳои аъзои Созмони ҳамкории Шанхай иштирок намуд
Ҳаҷми гардиши савдо дар ноҳияи Рашт ба 73 миллиону 248 ҳазор сомонӣ баробар шуд
ИМРӮЗ-РӮЗИ МЕЛИОРАТОРОН. Дар Тоҷикистон беш аз 37 ҳазор гектар замини кишоварзӣ дар ҳолати ғайриқаноатбахш қарор дорад
Намояндагони Тоҷикистон дар Конгресси ҷаҳонии обҳои зеризаминӣ дар Давос иштирок доранд
