Дар Душанбе конференсияи минтақавӣ оид ба ояндаи «сабз» дар бахши таъмини гармӣ доир гардид
ДУШАНБЕ, 20.09.2024 /АМИТ «Ховар»/. 19 сентябр дар Душанбе бо ибтикори Маркази рушди инноватсионии илм ва технологияҳои нави Академияи миллии илмҳои Тоҷикистон конференсияи минтақавии «Ояндаи сабз дар бахши таъмини гармӣ тавассути насосҳои геотермалии гармидиҳии заминӣ: ҳамкории илмӣ ва саноатӣ байни Тоҷикистон, Ҷопон ва ҷомеаи ҷаҳонӣ» баргузор шуд.
Тавре АМИТ «Ховар» бо истинод ба Академияи миллии илмҳои Тоҷикистон хабар медиҳад, конференсия дар доираи лоиҳаи муштараки Маркази рушди инноватсионии илм ва технологияҳои нав ва Донишгоҳи Акитаи Ҷопон iTAG-SATREPS — «Таҳияи низоми истифодаи неруи гармии ғайрикарбонӣ бо истифода аз манбаи гармии Замин» баргузор шуд.
Таъкид шуд, ки олимони марказ ва донишгоҳ барои дар сатҳи зарурӣ ба роҳ мондан ва зиёд намудани ҳамкорӣ бо барномаи байналмилалии Ҷопон «Шарики таҳқиқоти илмӣ ва технология барои рушди устувор» (SATREPS) лоиҳа пешниҳод намуда, ғолиби озмун гардиданд.
Ҳадафи ин пажуҳиш саҳм гузоштан дар муътадилсозии минтақавӣ ва муқовимат ба гармшавии глобалӣ тавассути беҳбуди вазъи энергияи барқароршаванда бо назардошти захираҳои фаровони обҳои зеризаминӣ дар Тоҷикистон мебошад, ки тафовути шадиди ҳароратро доро ҳастанд.
Дар идома олимони Тоҷикистон ва Ҷопон доир ба ин лоиҳа маъруза намуданд.
АКС: Академияи миллии илмҳои Тоҷикистон
Гармхонаҳои ширкати «Моғиён- агро»-и шаҳри Панҷакент бозорро бо сабзавоти тоза таъмин менамоянд
Хатмкунандагони Барномаи гузариши иқлимӣ соҳиби шаҳодатнома шуданд
Дар шаҳри Турсунзода бинои нави маъмурии Истгоҳи роҳи оҳани «Регар» ба истифода дода шуд
Дар Бонки миллии Тоҷикистон Барномаи фишанги ҳамоҳангсозии сиёсӣ бо ҳайати Хазинаи Байналмилалии Асъор баррасӣ шуд
Тоҷикистон дар Абузабӣ шоми бошукуҳи сармоягузорӣ доир менамояд
Тақвияти ҳамкории Тоҷикистон ва Қазоқистон дар самти технологияҳои иттилоотӣ баррасӣ гардид
Татбиқи лоиҳаи «Асосҳои рақамии Тоҷикистон» баррасӣ шуд
Дар Душанбе ҷаласаи 27-уми Комиссияи Иттиҳоди минтақавӣ дар соҳаи алоқа баргузор мегардад
Дар Душанбе доир ба иқтисодиёти рақамӣ ҳамоиш баргузор шуд
Таҳкими ҳамкории иқтисодию тиҷоратии вилояти Суғди Тоҷикистон ва Тотористон баррасӣ гардид
Дар Қазон Форуми байналмилалии энергетикии Тотористон – «ЭНЕРГОПРОМ-2025 ва намоишгоҳи «KazanEnergyExpo» доир гардид
Дар ҷаласаи 66-уми Шурои электроэнергетикии ИДМ иқтидори гидроэнергетикии Тоҷикистон баррасӣ гардид
