Дар Тоҷикистон ҳаҷми умумии истеҳсоли шир 5,4 фоиз афзудааст
ДУШАНБЕ, 23.09.2024. /АМИТ «Ховар»/. Тибқи маълумоти Агентии омори назди Президенти Ҷумҳурии Тоҷикистон, то 1 сентябри соли 2024 дар ҳамаи категорияҳои хоҷагиҳо саршумори чорвои калон 2 миллиону 704,2 ҳазор сарро ташкил намуд, ки нисбат ба ҳамин давраи соли 2023 97,7 ҳазор сар ё 3,7 фоиз зиёд аст.
Тавре дар Агентии омори назди Президенти Ҷумҳурии Тоҷикистон ба АМИТ «Хабар» иттилоъ доданд, дар ин давра саршумори гӯсфанду буз 7,06 миллион сарро ташкил дода, 463,1 ҳазор сар ё 7,0 фоиз афзудааст. Аз саршумори умумӣ 93,4 фоизи саршумори чорвои калон ва 81,5 фоизи саршумори гӯсфанду буз ба хоҷагиҳои аҳолӣ рост меояд.
Дар моҳҳои январ — августи соли 2024 ҳаҷми истеҳсоли гӯшти чорвои калон ва майда (дар вазни зинда) дар ҳамаи категорияҳои хоҷагиҳо 148 801 тоннаро ташкил намуд, ки нисбат ба ҳамин давраи соли 2023 10,8 фоиз зиёд мебошад.
Ҳаҷми умумии истеҳсоли шир 575 423 тоннаро ташкил намуд, ки нисбат ба соли 2023 5,4 фоиз зиёд мебошад.
Чорводорӣ аз самтҳои сердаромади соҳаи кишоварзӣ маҳсуб шуда, аҳолии мамлакатро бо гӯшту шир ва корхонаҳои саноатиро бо ашёи хом, яъне пашм таъмин менамояд. Бо мақсади рушди соҳа Ҳукумати Ҷумҳурии Тоҷикистон якчанд барномаи давлатӣ қабул намудааст, ки барои ривоҷи чорводорӣ дар ҷумҳурӣ заминаи мусоид фароҳам меорад.
АКС: Агентии омори назди Президенти Ҷумҳурии Тоҷикистон
Сарвазири Тоҷикистон дар ноҳияи Мир Сайид Алии Ҳамадонӣ бо корҳои созандагию ободонӣ шинос гардид
Байни шаҳрҳои Душанбе ва Тошканд хатсайри нави нақлиётии байналмилалӣ фаъол карда шуд
Таҳкими ҳамкории дуҷониба ва рушди бахши молиявӣ байни Тоҷикистон ва Бонки ҷаҳонӣ баррасӣ гардид
«Барномаи миёнамуҳлати рушди иқтисоди рақамӣ дар Ҷумҳурии Тоҷикистон барои солҳои 2026-2030» амалӣ мешавад
Моҳи май дар шаҳри Бохтар Форуми сайёҳии «Хатлон – 2026» баргузор мешавад
Ҷаласаи гурӯҳи кории Шурои роҳбарони Палатаи савдо ва саноати Иттиҳоди Давлатҳои Мустақил доир гардид
Тоҷикистон ва Миср ҳамкориро дар соҳаҳои дорусозӣ, нассоҷӣ ва мошинсозӣ густариш медиҳанд
Тавсеаи ҳамкории дуҷонибаи сармоягузорӣ ва тиҷоратӣ байни Тоҷикистон ва Миср баррасӣ гардид
Ҳайати Тоҷикистон дар Лондон бо намояндагони ниҳодҳои бонуфузи байналмилалии молиявӣ вохӯрӣ намуд
Муовини Сарвазири Тоҷикистон бо вазъи соҳаи кишоварзӣ дар Ҳисор, Турсунзода ва Шаҳринав шинос шуд
Ҷаласаи нахустини Комиссияи давлатӣ оид ба радиобасомадҳои Ҷумҳурии Тоҷикистон доир шуд
Ҷаласаи Кумитаи муштараки роҳбарикунандаи Ҳукумати Тоҷикистон ва Созмони Милали Муттаҳид доир шуд
