Дар Тоҷикистон барномаи омӯзишии «Пешгирӣ, ташхис, табобат ва вокуниш ба бемории обилаи маймун» амалӣ мегардад
ДУШАНБЕ, 19.09.2024 /АМИТ «Ховар»/. Дар муассисаҳои тиббии Тоҷикистон барномаи омӯзишии «Пешгирӣ, ташхис, табобат ва вокуниш ба бемории обилаи маймун» амалӣ мегардад. Дар ин хусус ба АМИТ «Ховар» дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ доданд.
Дар доираи барнома дар муассисаҳои тиббӣ ва марказҳои саломатии шаҳри Душанбе машварати омӯзишӣ оид ба хуруҷи бемории обилаи маймун гузаронида шуд, ки он дар дигар шаҳру ноҳияҳои мамлакат низ доир мегардад.
Мутахассиси соҳаи тиб Ораш Алоӣ иброз намуд, ки «бемории сироятии обилаи маймун бо номҳои mрох ё обилаи эм ҳам маъмул аст. Онро вирусе бармеангезад, ки аз ҳайвон ба инсон сироят мекунад, вале дар сурати иртиботи наздик аз инсон ба инсон ҳам мегузарад. Нишонаҳои аввали муайян кардани вируси обилаи маймун мушкил аст, зеро он низ мисли аксар бемориҳои дигари уфунӣ бо дарди бадан, дарди сар, беҳолӣ, доначаҳои обиламонанд ва нафастангӣ оғоз мешавад. Вале доначаҳои обиламонанд дар бадани на ҳама гирифторони ин беморӣ пайдо мешаванд».
Бемории обилаи маймун табобатшаванда ва дорои ваксина буда, то 80 фоиз онро пешгирӣ намудан мумкин аст.
Иттилоъ дод шуд, ки дар Ҷумҳурии Тоҷикистон ин намуди беморӣ сабт нашудааст, вале шаҳрвандони мамлакатро зарур аст, ки бо риояи дурусти гигиена худ ва фарзандонро аз гирифторӣ ба ҳар гуна бемориҳо эмин нигоҳ доранд.
Ёдовар мешавем, ки Созмони умумиҷаҳонии тандурустӣ оид ба авҷгирии бемории обилаи маймун ҳолати фавқулодаи дараҷаи байналмилалӣ эълон намудааст.
АКС: Вазорати тандурустӣ ва ҳифзи иҷтимоии аҳолии Ҷумҳурии Тоҷикистон
Моҳи ноябр дар Тоҷикистон бориши борон ва ба амал омадани чангу ғубор дар назар аст
ОМОДАГӢ БА ЗИМИСТОН. Дар муассисаҳои таълимии шаҳри Ҳисор 2277 тонна ангишт захира гардидааст
Қариб 200 миллион нафар дар ҷаҳон аз истеъмоли нокифояи йод азият мекашанд
Дар Душанбе омодасозии мутахассисони соҳаи тандурустӣ дар Осиёи Марказӣ баррасӣ гардид
Бахшида ба Рӯзи Президенти Тоҷикистон таҳти унвони «Тамаддуни ориёӣ» озмуни ҷумҳуриявӣ доир мешавад
Рустами Эмомалӣ ворид намудани тағйиру иловаҳо ба Қонун «Дар бораи маҳдуд намудани истифодаи маҳсулоти тамоку»-ро ҷонибдорӣ намуданд
Дар нуҳ моҳи соли равон 86 муассисаи КАТС ба истифода дода шуд
Байни Иттифоқи журналистони Тоҷикистон ва Ассосиатсияи Умумичинии журналистон Созишномаи ҳамкорӣ ба имзо расид
Дар Панҷакент Форуми ҷумҳуриявӣ ва даври ҷамъбастии озмуни «Беҳтарин оилаи ҳунарманд» доир шуд
МАСЛИҲАТИ МУТАХАССИС. Тарбуз, харбуза ва каду дар таркиби худ витамини C ва А бештар доранд
Масъалаи дастрасии аҳолии минтақаҳои дурдаст ба кумаки аввалияи тиббию санитарӣ баррасӣ шуд
Неругоҳҳои барқи обии «Норак» ва «Бойғозӣ» барои гузаронидани мавсими сармо омода мебошанд
