ҲАФТАИ СОҲИБКОРӢ. Дар Душанбе бахшида ба Рӯзи соҳибкорон маҷлиси тантанавӣ ва Форуми «STARTUPSTAN-2024» баргузор шуд
ДУШАНБЕ, 12.10.2024 /АМИТ «Ховар»/. Имрӯз дар шаҳри Душанбе бо иштироки муовини якуми Сарвазири Ҷумҳурии Тоҷикистон Ҳоким Холиқзода бахшида ба Рӯзи соҳибкорон, ки ҳамасола 14 октябр дар мамлакат таҷлил мегардад, маҷлиси тантанавӣ доир шуд, хабар медиҳад мухбири АМИТ «Ховар» аз ҷараёни баргузории ин чорабинӣ.
Ҳоким Холиқзода соҳибкорони мамлакатро бо Рӯзи соҳибкорон аз номи Ҳукумати Ҷумҳурии Тоҷикистон шодбош гуфта, изҳор дошт, ки «бо ташаббуси Президенти кишвар муҳтарам Эмомалӣ Раҳмон ҳамасола 14 октябр Рӯзи соҳибкорон ҷашн гирифта мешавад. Таъсиси ин сана аз дастгирии Ҳукумати Ҷумҳурии Тоҷикистон, хосса Сарвари давлат ҷиҳати рушди соҳибкорӣ дар ҷумҳурӣ шаҳодат медиҳад».
«Саҳми соҳибкорон дар пешрафти соҳаҳои гуногуни иқтисодиёти миллии Тоҷикистон хеле муҳим аст. Ҳукумати Тоҷикистон барои беҳдошти фазои соҳибкорӣ ва дастгирии онҳо тадбирҳои муассир меандешад. Маҳз бо дастгирии Президенти мамлакат ба соҳибкорон имтиёзҳо ва сабукиҳо дар фаъолияташон дода шудааст. Аз ҷумла, пешниҳоди қарзҳои хурд, коҳиш додани шумораи мақомоти санҷишӣ, бо тадриҷ аз байн бардоштани монеаҳо аз ҳамин қабил мебошанд»,- афзуд муовини якуми Сарвазири Ҷумҳурии Тоҷикистон.
Дар ҳамоиш таъкид гардид, ки дар ҷумҳурӣ ба соҳибкории занон таваҷҷуҳи хосса дода мешавад. Қабули «Барномаи давлатии рушди соҳибкории занон дар Ҷумҳурии Тоҷикистон барои давраи то соли 2027» аз ҷумлаи ҳамин тадбирҳои андешидашуда маҳсуб мешавад.
Иброз гардид, ки соҳибкорон ҳамчун муҳаррики пешбарандаи иқтисодиёти мамлакат тавонистанд саҳми худро дар рушд ва афзоиши Маҷмуи маҳсулоти дохилии ҷумҳурӣ гузоранд.
Дар доираи маҷлиси тантанавӣ инчунин имкониятҳои сармоягузорӣ дар Тоҷикистон муаррифӣ гардид.
Дар анҷоми ҷаласаи тантанавӣ соҳибкорони муваффақ бо мукофотҳо сарфароз гардиданд. Инчунин намоишгоҳи молу маҳсулоти соҳибкорони ватанӣ ташкил карда шуд.
Ҳамзамон имрӯз дар шаҳри Душанбе Форуми «Стартапстан» («STARTUPSTAN») гузаронида шуд, ки дар он намояндагони вазорату идораҳои марбутаи мамлакат, бонкҳо, мақомоти иҷроияи ҳокимияти давлатии вилоятҳои Суғду Хатлон, Бадахшон ва шаҳри Душанбе, муассисаҳои олии ҷумҳурӣ ва шарикони рушд иштирок намуданд.
Ҳадафи форуми мазкур тақвияти ҳамкорӣ байни соҳибкорон ва вусъати муколама байни бахши давлатӣ ва хусусӣ, дарёфти имкониятҳои рушди стартапҳо мебошад.
Ҳамзамон дар ҳошияи баргузории «Ҳафтаи соҳибкорӣ», конфронси ҷумҳуриявӣ дар мавзуи «Соҳибкорӣ омили муҳими рушди иқтисоди миллӣ», ҳамоиш дар мавзуи «Баланд бардоштани маърифати ҳуқуқии соҳикборону сармоягузорон бахшида ба Соли маърифати ҳуқуқӣ ва Озмуни ҷумҳуриявии «Беҳтарин содироткунандаи Тоҷикистон» гузаронида мешавад. Инчунин 17-18 октябр дар шаҳри Бохтар Форуми байналмилалии сармоягузорӣ — содиротии «Хатлон Инвест- 2024» ва намоишгоҳи «Бохтар Фуд -2024» баргузор карда мешавад.
Марзия САИДЗОДА,
АМИТ «Ховар»
АКС: АМИТ «Ховар»
Дар соҳили дарёҳои шаҳри Ваҳдат корҳои соҳилмустаҳкамкунӣ ҷараён доранд
РУШДИ САЙЁҲӢ. Дар Суғд шумораи сайёҳони дохилӣ ва хориҷӣ афзоиш ёфта, инфрасохтори соҳа тақвият меёбад
Дар Вашингтон имкони роҳандозии парвозҳои мустақим байни Тоҷикистон ва ИМА баррасӣ гардид
Дар шаҳри Вашингтон мизи мудаввари сатҳи баланди соҳибкорӣ байни Ҷумҳурии Тоҷикистон ва Иёлоти Муттаҳидаи Амрико баргузор гардид
Дар шаҳри Даҳва ҷалби маблағгузории Қатарӣ барои татбиқи лоиҳаҳои афзалиятноки Тоҷикистон баррасӣ шуд
Дар Кумитаи ҳифзи муҳити зист Рӯзи Конститутсияи Тоҷикистонро бо тантана ҷашн гирифтанд
Кишоварзони вилояти Хатлон нақшаи ҷамъоварии ҳосили пахтаро пурра иҷро намуданд
Шурои машваратии Комиссияи байнидавлатӣ оид ба рушди устувори Фонди байналмилалии наҷоти Арал баргузор гардид
Ҳаҷми маблағгузории иқлимӣ барои кишварҳои дар ҳоли рушд ҷиҳати татбиқи 22 лоиҳа тасдиқ гардид
Дар Суғд ба 60 нафар занони ҳунарманд гранти Раиси вилоят супорида шуд
Тоҷикистон ва Қатар роҳҳои густариши ҳамкорӣ дар соҳаи авиатсияи гражданиро баррасӣ карданд
Дар Тоҷикистон тайи ду даҳсолаи охир беш аз чор миллион ҷойи кор таъсис ва барқарор гардидааст
