Дар Душанбе рушд ва такмили низоми маъмурикунонии андоз баррасӣ гардид
ДУШАНБЕ, 26.10.2024 /АМИТ «Ховар»/. 24 октябр Раиси Кумитаи андози назди Ҳукумати Ҷумҳурии Тоҷикистон Нусратулло Давлатзода бо муовини Роҳбари Хадамоти федералии андози Русия Юлия Шепелева мулоқот намуд. Дар ин хусус ба АМИТ «Ховар» дар Кумитаи андоз хабар доданд.
Дар вохӯрӣ доир ба маҷмуи масъалаҳои ҳамкории дуҷониба, инчунин масъалаҳои татбиқи Нақшаи чорабиниҳои Созишнома байни Вазорати молияи Ҷумҳурии Тоҷикистон ва Вазорати молияи Федератсияи Русия дар бораи аз ҷониби Федератсияи Русия расонидани кумаки беподоши техникӣ ба Ҷумҳурии Тоҷикистон бо мақсади рушд ва такмили низоми маъмурикунонии андоз табодули афкор карда шуд.
Созишнома соли 2023 ба имзо расонида шуда, давраи татбиқи амалии он то соли 2025 мебошад.
Дар робита ба ин Кумитаи андоз дар ҳамкорӣ бо Хадамоти федералии андози Русия, Ҷамъияти саҳомии «Маркази асосии татбиқи инноватсияҳои илмӣ» (АО«ГНИВЦ»), Муассисаи таълимии ғайридавлатии таҳсилоти иловагии касбии «Донишкадаи таҳсилоти касбӣ»-и Русия, Донишкадаи молиявии илмию таҳқиқотии Вазорати молияи Федератсияи Русия ва Ҷамъияти дорои масъулияти маҳдуди «Пленум»- и Федератсияи Русия корҳои назаррасро амалӣ намуд. Аз ҷумла, Консепсияи такмили андозбандии амволи манқул ва ғайриманқул дар Ҷумҳурии Тоҷикистон, Консепсияи ташкили кор бо андозсупорандагон ва Консепсияи услуби корпоративии мақомоти андози Ҷумҳурии Тоҷикистон ва ороиши дохилию берунии Нозироти намунавӣ таҳия гардид.
Ҳамзамон дар доираи кумаки техникии Федератсияи Русия бизнес-равандҳои маъмурикунонии андози Кумитаи андоз низ такмил дода мешаванд. Аз ҷумла, системаи автоматикунонидаи назорати андоз аз арзиши иловашуда ва замимаи мобилии ҳуҷраи шахсӣ барои шахсони воқеии Ҷумҳурии Тоҷикистон тарҳрезӣ ва мавриди амал қарор дода шуданд.
Дар фарҷоми вохӯрӣ изҳори итминон карда шуд, ки корҳои дар доираи созишнома иҷрогардида ба сиёсати андоз ва беҳтар гардидани маъмурикунонии андоз дар Тоҷикистон, самаранок татбиқ намудани назорати андоз, пешниҳод намудани хизматрасонии босифат ба андозсупорандагон ва васеъ намудани манбаи андоз дар Ҷумҳурии Тоҷикистон мусоидат менамоянд.
АКС: Кумитаи андози назди Ҳукумати Ҷумҳурии Тоҷикистон
Ҳамкории Тоҷикистон ва Амрико дар соҳаи алоқа тақвият меёбад
Дар Тоҷикистон қариб 1000 километр роҳу пул ва долонҳои зиддитармавӣ бунёд ва таҷдид карда мешаванд
Дар Душанбе ҷаласаи 18-уми Комиссияи байниҳукуматии Тоҷикистон ва Беларус доир мешавад
Тоҷикистон ва Чин барои коркарди захираҳои маъдан корхона таъсис медиҳанд
Ҳайати Федератсияи палатаҳои савдои Арабистони Саудӣ бо корхонаҳои истеҳсолии Тоҷикистон шинос мешавад
Дар вилояти Суғд майдони боғоти мевадиҳанда васеъ мегардад
Имрӯз таҳти раёсати Сарвазири Ҷумҳурии Тоҷикистон маҷлиси умумии ғайринавбатии саҳмдорони ҶСК «НБО Роғун» баргузор гардид
Масъалаи зиёд намудани хатсайрҳои парвоз байни Тоҷикистон ва Чин баррасӣ шуд
Дар Тоҷикистон шабакаи ягонаи назорати рақамии вазни мошинҳои боркаш таъсис дода мешавад
Дар гармхонаи шаҳри Хоруғ зиёда аз 10 ҳазор кӯчати гул парвариш мешавад
Дар Тоҷикистон беш аз 200 ҳазор оилаи занбӯри асал парвариш меёбад
35-СОЛАГИИ ИСТИҚЛОЛИ ДАВЛАТӢ. Дар шаҳри Панҷакент коргоҳи истеҳсоли шифер бунёд карда мешавад
