Душанбе мизбони нахустин Форуми байналмилалии инноватсия ва технологияҳои рақамӣ – «Digital Tajikistan» мегардад
ДУШАНБЕ, 25.10.2024 /АМИТ «Ховар»/. Даҳаи охири моҳи ноябр дар пойтахти Тоҷикистон -шаҳри Душанбе бо ибтикори Агентии инноватсия ва технологияҳои рақамии назди Президенти Ҷумҳурии Тоҷикистон нахустин Форуми байналмилалии инноватсия ва технологияҳои рақамӣ – «Digital Tajikistan» баргузор мегардад, ки дар он беш аз 1000 нафар намояндагони давлатҳои гуногуни ҷаҳон ва вазорату идораҳои марбутаи Тоҷикистон иштирок менамоянд.
Дар ин замина имрӯз дар Агентии инноватсия ва технологияҳои рақамии назди Президенти Ҷумҳурии Тоҷикистон барои дар сатҳи баланди ташкилӣ гузаронидани нахустин Форуми байналмилалии инноватсия ва технологияҳои рақамӣ – «Digital Tajikistan» бо ҳузури намояндагони вазорату идораҳои давлатии мамлакат ҷаласаи корӣ баргузор гардид, ки дар он масъалаҳои омодагӣ ба ин чорабинии сатҳи баланди байналмилалӣ матраҳ шуданд, иттилоъ медиҳад хабарнигори АМИТ «Ховар».
Дар ҷаласа сардори Раёсати гузариш ба низоми рақамии Агентии инноватсия ва технологияҳои рақамии назди Президенти Ҷумҳурии Тоҷикистон Беҳрӯз Фируззода доир ба омодагии Тоҷикистон барои гузаронидани ин форуми сатҳи баланди байналмилалӣ гузориш дод. Гуфта шуд, ки нахустин Форуми байналмилалии инноватсия ва технологияҳои рақамӣ – «Digital Tajikistan» бо мақсади баррасии самтҳои муҳими рақамикунонӣ ва инноватсия, аз ҷумла хизматрасонии давлатии рақамӣ, ташаккули ҳукумати электронӣ, истифодаи зеҳни сунъӣ, рушди инфрасохтори пардохтӣ, тиҷорати электронӣ, технологияҳои молиявӣ, киберамният ва парки технологию иттилоотӣ гузаронида мешавад.
Нахустин Форуми байналмилалии инноватсия ва технологияҳои рақамӣ – «Digital Tajikistan» дар ҳамкорӣ бо ширкати ПЛАС ва гурӯҳи байналмилалӣ гузаронида мешавад.
Интизор меравад, ки иштирокдорони нахустин Форуми байналмилалии инноватсия ва технологияҳои рақамӣ – «Digital Tajikistan» мавзеъҳои зебоманзар ва ёдгориҳои таърихию фарҳангии Тоҷикистон, ба монанди «Қалъаи Ҳисор» ва Неругоҳи барқи обии «Норак»-ро тамошо намоянд.
Марзия САИДЗОДА,
Тоҳир САИД (АКС),
АМИТ «Ховар»
«ITB Berlin 2026». Дар доираи намоишгоҳ ширкатҳои сайёҳии Тоҷикистон беш аз 20 шартномаи ҳамкорӣ ба имзо расониданд
Дар минтақаи ҷангалпарварии ноҳияи Рӯдакӣ зиёда аз 30 ҳазор бех ниҳол шинонида шуд
Дар водиҳои Тоҷикистон кишти картошка идома дорад
Дар шоҳроҳи Роғун — Нуробод зиёда аз 900 бех ниҳоли олуча ва дарахтони сояафкан шинонида шуд
«Стратегияи рушди саноат дар Ҷумҳурии Тоҷикистон барои давраи то соли 2030» мавриди амал қарор дорад
НИСОИ БУЛУНКӮЛ. Муаррифии фаъолияти зане, ки роҳбарии Истгоҳи ҳавосанҷииро дар ноҳияи Мурғоб бар уҳда дорад
КИШТИ БАҲОРӢ. Моҳи март дар Тоҷикистон кишти сабзавот оғоз мегардад
Сарвазири Тоҷикистон Қоҳир Расулзода дар ноҳияи Ашт бо раванди бунёди неругоҳи барқи офтобӣ шинос шуд
Дар Душанбе оид ба дастгирии экосистемаи стартапҳо дар Тоҷикистон ҳамоиш баргузор гардид
Сарвазири мамлакат Қоҳир Расулзода бо раванди сохтмони корхонаи ғанигардонии маъдани оҳани ҶСП «Комбинати металлургии тоҷик» шинос шуд
«Moody’s Ratings»: Рейтинги соҳибихтиёрии қарзии Тоҷикистон ба дараҷаи «B2» бо дурнамои «устувор» баланд бардошта шуд
Самтҳои асосии Паёми Президенти Тоҷикистон ба Маҷлиси Олӣ дар Хадамоти гумрук тавзеҳ дода шуданд
