БАР ВАТАН СОДИҚЕМ! Дар шаҳри Хуҷанд наваскарон савганд ёд намуданд
ДУШАНБЕ, 10.11.2024 /АМИТ «Ховар»/. Дар хиёбони ба номи Раҳмон Набиеви шаҳри Хуҷанд расми савгандёдкунии наваскарон баргузор гардид. Зимни он наваскароне, ки дар даъвати тирамоҳӣ ба сафи Қувваҳои мусаллаҳи Ҷумҳурии Тоҷикистон пайвастаанд, ваъда доданд, ки дар ҳифзи марзу бум ва пойдории сулҳу субот саҳм гузошта, ба халқу Ватан содиқона ва садоқатмандона хизмат менамоянд. Дар ин хусус ба АМИТ «Ховар» дар хадамоти мабуоти Раиси вилояти Суғд хабар доданд.
Дар ҷамъомад муовини Раиси вилояти Суғд ба наваскарон барои иҷрои қарзи фарзандиву шаҳрвандӣ комёбиҳо орзу намуд. Гуфта шуд, ки аскарону афсарони Қувваҳои мусаллаҳи Ҷумҳурии Тоҷикистон бо истифода аз сабақу корномаҳои гузаштагони некноми хеш ба хотири ҳимояи марзу буми мамлакат ва таъмини зиндагии орому осоиштаи сокинон содиқонаву ҷавонмардона хизмат менамоянд.
Дар фазои тантанавӣ ба наваскарон, афсарону сарбозон Сипоснома ва Раҳматнома тақдим карда шуд.
Ёдовар мешавем, ки дар савганди ҳарбӣ ҳама талаботи муҳим ва вазифаҳои асосие, ки халқу Ватан ва Сарфармондеҳи Олии Қувваҳои мусаллаҳи Ҷумҳурии Тоҷикистон дар назди хизматчии ҳарбӣ мегузоранд, хеле мушаххас ва нишонрас ифода ёфтааст. Сарбоз савганд ёд мекунад, ки ба Ватани азизаш-Тоҷикистон содиқона хизмат менамояд.
АКС: Хадамоти мабуоти Раиси вилояти Суғд
Вобаста ба лоиҳаи Қонуни Ҷумҳурии Тоҷикистон «Дар бораи политсия» ҷаласа баргузор шуд
Вобаста ба вазъияти фавқулода, низоъҳо ва ҳамоҳангии иҷтимоӣ конференсияи илмӣ-амалӣ баргузор шуд
Гурӯҳи кории Вазорати корҳои дохилии Тоҷикистон бо фаъолияти Департаменти адлияи Ирландия шинос шуд
Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир шуд
Дар шаҳри Кӯлоб бо иштироки гурӯҳҳои корӣ ҷаласа баргузор шуд
Прокуратураи генералӣ: «Худ ва наздиконатонро аз ҳамлаҳои хакерӣ эмин нигоҳ доред!»
Дар шаҳри Москва бо афсарону курсантони тоҷик вохӯрӣ доир шуд
Ҷаласаи кумитаи роҳбарикунандаи Барномаи Раёсати СММ оид ба маводи нашъаовар ва ҷинояткорӣ дар Осиёи Марказӣ доир шуд
Нақшаи даъвати тирамоҳии шаҳрвандон ба сафи Қувваҳои мусаллаҳи Тоҷикистон пурра иҷро гардид
Ҷаласаи мушовараи Вазорати корҳои дохилии Тоҷикистон ва Русия баргузор гардид
Дар Вазорати корҳои дохилии Тоҷикистон бахшида ба Рӯзи Президент ҳамоиши идона доир гардид
САВГАНДИ ҲАРБӢ. Дар қисмҳои ҳарбии Кумитаи ҳолатҳои фавқулода ва мудофиаи гражданӣ маросими қасамёдкунӣ доир шуд
