Раёсат дар Шурои иқтисодии Иттиҳоди Давлатҳои Мустақил дар соли 2025 ба ҷониби Тоҷикистон гузашт

Ноябрь 30, 2024 09:07

ДУШАНБЕ, 30.11.2024 /АМИТ «Ховар»/. 29 ноябр муовини якуми Сарвазири Ҷумҳурии Тоҷикистон Ҳоким Холиқзода дар ҷаласаи навбатии Шурои иқтисодии Иттиҳоди Давлатҳои Мустақил иштирок намуд, хабар медиҳад АМИТ «Ховар» бо истинод ба Сафорати Ҷумҳурии Тоҷикистон дар Русия.

Ҳоким Холиқзода нуктаҳои асосии Консепсияи Раёсати Ҷумҳурии Тоҷикистон, бахусус дар бахшҳои иҷтимоию иқтисодии иттиҳодро дар марҳилаи навбатӣ дар соли 2025 муаррифӣ намуд.

Дар зимн сарони ҳайатҳо тибқи рӯзномаи шуро масъалаҳои мубрами ҳамкории иқтисодӣ дар доираи Иттиҳоди Давлатҳои Мустақилро мавриди муҳокима қарор дода, лоиҳаҳои санадҳоро, ки ба таҳкими минбаъдаи ҳамкорӣ дар соҳаҳои гуногуни иқтисодӣ ва иҷтимоии кишварҳои иштирокдори ин созмон равона гардидаанд, баррасӣ ва тасдиқ намуданд.

Доир ба тамоми масъалаҳои рӯзномаи ҷаласа қарорҳои дахлдор ба имзо расонида шуданд.

Ҷониби Тоҷикистон раисии минбаъдаро дар Шурои иқтисодии Иттиҳоди Давлатҳои Мустақил барои соли 2025 аз ҷониби Русия қабул намуд.

АКС: Сафорати Ҷумҳурии Тоҷикистон дар Русия

Ноябрь 30, 2024 09:07

Хабарҳои дигари ин бахш

Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст